Naxçıvan Muxtar Respublikasının XIII futbol çempionatı
Naxçıvan Muxtar Respublikasının XIII futbol çempionatı — Naxçıvan Muxtar Respublikasının futbol çempionatının 2015-ci ildə başa çatmış mövsümü[1]. "Araz-Naxçıvan" komandası çempionatın qalibi olmuş[1], "Dinamo" ikinci, Naxçıvan Dövlət Universiteti üçüncü yeri tutmuşdur[2].
| Sezon | 2014-2015 |
|---|---|
| Çempion | Araz-Naxçıvan |
Təşkilatçılar
redaktəTəqvim
redaktəÇempionat 2014-cü ilin sentyabr ayının sonlarında başlamış və 2015-cı ilin may ayında başa çatmışdır[2].
Format
redaktəÇempionatda 10 komanda 18 turdan ibarət ikidövrəli sistem üzrə mübarizə aparmışdır[2].
Yekun turnir cədvəli
redaktə| Yer | Komandalar | O | Q | H | M | T/F | Xal |
|---|---|---|---|---|---|---|---|
| 1 | Araz-Naxçıvan | 18 | 17 | 1 | 0 | 68-11 | 52 |
| 2 | Dinamo | 18 | 14 | 1 | 3 | 59-21 | 43 |
| 3 | NDU | 18 | 13 | 1 | 4 | 49-19 | 40 |
| 4 | Arpaçay | 18 | 9 | 4 | 5 | 43-31 | 31 |
| 5 | Batabat | 18 | 7 | 4 | 7 | 37-42 | 25 |
| 6 | Əlincə | 18 | 5 | 6 | 7 | 29-41 | 21 |
| 7 | Babək | 18 | 6 | 2 | 10 | 40-39 | 20 |
| 8 | Dübəndi | 18 | 4 | 1 | 13 | 26-59 | 13 |
| 9 | Sədərək | 18 | 2 | 1 | 15 | 25-67 | 7 |
| 10 | Kəngərli | 18 | 2 | 1 | 15 | 16-62 | 7 |
Klubların performansı
redaktəMövsümün qalibi olan "Araz-Naxçıvan" futbol komandası çempionatı məğlubiyyətsiz başa vurub. Komanda mövsüm ərzində yalnız bir dəfə xal itkisi ilə üzləşməli olub. Belə ki, Şərurda "Arpaçay" komandasının qonağı olan "qırmızı-ağlar" meydanı heç-heçə tərk ediblər. Son 3 tura kimi "Dinamo" futbol klubu "Araz-Naxçıvan"ı izləsə də, rəqiblər arasında keçirilən matç hər şeyi həll edib. Naxçıvan MR Daxili İşlər Nazirliyinin komandası mövsümdə ərzində meydanı 3 dəfə məğlub tərk edib ki, bunun da məhz ikisi "Araz-Naxçıvan"la oyunlara təsadüf edir. Onlar digər məğlubiyyətlə Şərurda "Arpaçay"la oyunda üzləşiblər. 3 məğlubiyyət və əldə edilən 43 xal nəticəsində "Dinamo" mövsümü ikinci pillədə başa vurub[2].
İlk dövrəni liderlər cərgəsində başa vuran Naxçıvan Dövlət Universitetinin komandası isə üçüncülüklə kifayətlənməli olub. Tələbələr mövsüm ərzində 4 dəfə meydanı məğlub tərk ediblər ki, onların Şahbuzun "Batabat" komandası qarşısında büdrəməsi gözlənilməz olub[2].
Mövsümün gözlənilməz nəticələrinə imza atan komanda "Arpaçay" olub. Şərur təmsilçisi doğma arenada keçirdiyi oyunların yalnız birində – NDU ilə görüşdə məğlub olub. Digər matçlarda isə bütün rəqiblərindən xal almağı bacarıb. "Arpaçay"dan fərqli olaraq, "Kəngərli" komandası mövsümün ən uğursuz kollektivi adını qazanıb. Belə ki, Kəngərli futbolçuları mövsüm ərzində keçirdikləri oyunlarda yalnız 7 xal toplayıblar[2].
Feyr-pley
redaktəMövsüm ərzində feyr-pley qaydalarına ən çox riayət edən komanda "Kəngərli" olub. Bu komandanın futbolçuları cəmi 8 sarı vərəqə ilə cəzalanmışlar.
2014-2015 mövsümündə hakimlərin ən çox cəzalandırdığı komanda isə "Araz-Naxçıvan" olub. 18 tur ərzində referilər "qırmızı-ağlar"ın oyunçularına 30 sarı, 3 qırmızı vərəqə göstəriblər. Bu göstəriciyə görə növbəti yerlərdə 24 sarı və 3 qırmızı vərəqə ilə "Dinamo" və 19 sarı, 3 qırmızı vərəqə ilə Culfanın "Əlincə" komandasıdır[2].
Bombardirlər
redaktəMövsümün bombardiri adını "Araz-Naxçıvan"ın hücumçusu Tağı Seyidov qazanıb. O, 18 tur ərzində rəqib qapılardan 18 top keçirməyə müvəffəq olub. Digər iki pillədə də "Araz-Naxçıvan"ın futbolçuları qərarlaşıblar. Turqay İbrahimov 17 qol vurub, İbrahim Əliyev isə 14 dəfə fərqlənib[2].
İstinadlar
redaktə- ↑ 1 2 Futbol üzrə muxtar respublika çempionatının qalibi “Araz-Naxçıvan” komandası olub Arxivləşdirilib 2017-06-19 at the Wayback Machine. serqqapisi.az, 15.06.2017 (az.)
- ↑ 1 2 3 4 5 6 7 8 Futbol üzrə muxtar respublika çempionatının qalibi “Araz-Naxçıvan” komandasıdır[ölü keçid]. serqqapisi.az, 30.05.2015 (az.)