Nazim Bababəyli Səfərəli oğlu (28 may 1953, Naxçıvan18 noyabr 2022[1]) — Coğrafiya üzrə fəlsəfə elmlər doktoru, dosent, Naxçıvan MR Ali Məclisinin deputatı.

Nazim Bababəyli
2005 – 18 noyabr 2022
Şəxsi məlumatlar
Doğum tarixi 28 may 1953(1953-05-28)
Doğum yeri
Vəfat tarixi 18 noyabr 2022(2022-11-18) (69 yaşında)
Təhsili
Fəaliyyəti coğrafiyaşünas
Atası Səfərəli Babayev
Elmi fəaliyyəti
Elmi dərəcəsi

Həyatı

redaktə

N. S. Bababəyli 28 may 1953-cü ildə Naxçıvan şəhərində anadan olub. 1971–1975-ci illərdə ADPU-nun Coğrafiya fakültəsində təhsil alıb. 1975-ci ildə Azərbaycan SSR Elmlər Akademiyasınin "Kaspi" mərkəzində baş laborant vəzifəsində əmək fəaliyyətinə başlayıb. Xarici ölkələrdə Rusiya, Türkiyə, İran, Gürcüstanda beynəlxalq elmi konfrans və simpoziumlarda elmi məruzələrlə çıxış etmişdir[2].

Elmi fəaliyyəti

redaktə

1977–1978-ci illərdə Moskva şəhərində SSRİ EA Coğrafiya İnstitutunda[ru] kiçik elmi işçi vəzifəsində çalışıb.

1978–1990-cı illərdə Kosmik Tədqiqatlar Elm və İstehsalat Birliyində mühəndis, kiçik elmi işçi, elmi işçi, laboratoriya rəisi, Elmi-Texniki Kompleksin rəhbərinin müavini vəzifəsində çalışıb.

1990-cı ildən Milli Aerokosmik Agentliyin Naxçıvan şöbəsində rəis vəzifəsində çalışıb.

2004-cü ildə "Araz çayının yuxarı hissəsinin ekoloji şəraiti" mövzusunda namizədlik dissertasiyası müdafiə etmiş, eyni zamanda 2003-cü ildən Naxçıvan Dövlət Universitetində Coğrafiya kafedrasının müdiri olub.

2010-cu ildə Coğrafiya kafedrası üzrə dosent diplomu almışdır.

1994-cü ildə Naxçıvan şəhər Məclisinin, 2005-ci ildə III çağırış, 2010-cu ildə IV çağırış, 2015-ci ildə V çağırış və 2020-ci ildə VI çağırış Naxçıvan MR Ali Məclisinin deputatı seçilib.

Avropa Şurası Regional və Yerli Hakimiyyətlər Konqresində Azərbaycan nümayəndə heyətinin üzvü idi.

Əsasən Aerokosmik tədqiqatlar, coğrafi və geoloji ekologiyaya həsr olunmuş 180-ə qədər məqalənin, o cümlədən 6 monoqrafiyanın, ali məktəblər üçün bir neçə proqramın müəllifidir.

"Naxçıvan" Universitetinin "Təbiət elmləri" kafedrasının müəllimi dosent vəzifəsində işləyirdi.[3]

İstinadlar

redaktə
  1. "Azərbaycanda deputat vəfat etdi - FOTO". 2022-11-19 tarixində arxivləşdirilib. İstifadə tarixi: 2022-11-18.
  2. B. Budaqov. Azərbaycan Coğrafiyaçı alimləri.Bakı "Elmi"-2013 səh.102
  3. Nazim Səfərəli oğlu Bababəyli

Xarici keçidlər

redaktə