Nazim Tapdıqoğlu

Nazim Tapdıqoğlu (tam adı:Nazim Tapdıq oğlu Vəlişov; d. 26 yanvar, 1963) — tarixçi, toponimist, “Qızıl Qələm” mükafatı laureatı, Bakı Slavyan Universitetinin “Azərbaycanşünaslıq” tədris-mədəniyyət mərkəzinin elmi işçisi.

Nazim Tapdıqoğlu
Nazim Tapdıq oğlu Vəlişov
Doğum tarixi	26 yanvar 1963
Doğum yeri	Füzuli, Füzuli rayonu, Azərbaycan SSR, SSRİ
Vətəndaşlığı	SSRİ→ Azərbaycan
Fəaliyyəti	yazıçı

Həyatı

Nazim Tapdıqoğlu 1963-cü ildə Füzuli şəhərində doğulub. 1970-1980-ci illərdə 1 saylı Füzuli şəhər orta məktəbində oxumuşdur. 1981-1983-cü illərdə Rusiya Federasiyasında hərbi xidmətdə olmuşdur. Azərbaycan Dövlət İncəsənət İnstitutunun Mədəni-Maarif fakultəsini, Bakı Dövlət Universitetinin Tarix fakultəsini müvəffəqiyyətlə bitirmişdir. Politologiya və Sosiologiya elmləri üzrə tam kurs keçmişdir. Nazim Tapdıqoğlu həm də pedaqoji fəaliyyətlə məşğul olur. Dövri mətbuatda 1977-ci ildən etibarən şeir, məqalə, oçerk, və publisistik yazıları ilə çıxış edir. 1993-cü ildən onomastikanın tərkib hissəsi olan toponomika ilə, xüsusilə, ermənilər tərəfindən işğal olunmuş ərazilərimizin toponimlərini, onların mənalarını, mənşəyini, yayılma areallarını öyrənməklə məşğuldur.

Müxtəlif sahələrə aid 52 kitabın müəllifidir.

Ailəlidir. Üç övladı var.

Əsərləri

1. Bu dünyada insan yaşar. Şeirlər. Bakı, “Təhsil”, 1996; 72 s.
2. Müqəddəs Qarabağım. Publisistik qeydlər, şeirlər. Bakı, 2000; 64 s.
3. Yurdum, məskənim - Füzulim. Füzuli və füzulilər. Bakı, 2000; 116 s.
4. Allah, mənə aman ver. Şeirlər, təcnislər, qəzəllər. Bakı, 2001; 164 s.
5. Füzuli rayonunun toponimləri. Bakı, 2001; 164 s.
6. Qubadlı toponimləri. Bakı, 2001; 122 s.
7. Zəngilan toponimləri. Bakı, 2002; 140 s.
8. Laçın toponimləri. Bakı, 2002; 152 s.
9. Kəlbəcərin toponimləri. Qısa ensiklopedik lüğət. Bakı, 2002; 140 s.
10. Borçalının Süsəni. Müsahibə və publisistik qeydlər. Bakı, 2002; 64 s.
11. Xocalı toponimləri, Xocalı faciəsi, qurbanları. Qısa ensiklopedik lügət. Bakı, 2002; 160 s.
12. Qarabağın tacı Şuşam. Bakı, 2003; 208 s.
13. Sabirabad rayonunun toponimləti. Bakı, “Ünsiyyət” nəşriyyatı, 2003; 160 s.
14. Kürdəmir rayonunun toponimləri. Bakı, “Təhsil” NPM, 2003; 174 s.
15. Saatlı rayonunun toponimləri. Bakı, ”Təhsil” NPM, 2003; 182 s.
16. Göyçay rayonu və onun toponimiyası. Bakı, “Təhsil” NPM, 2004 (8 aprel); #Göyçay rayonu və onun toponimiyası. II kitab. Bakı, “Təhsil” NPM, 2004 (8 iyul); 242 s.
17. Cəbrayıl rayonu və onun toponimiyası. Qısa ensiklopedik lügət. Bakı, “Təhsil” NPM, 2004; 456 s.
18. Qarabağın tacı Şuşam – 2. Bakı, 2004; 264 s.
19. İmişli rayonu və onun toponimiyası. Bakı, “Təhsil” NPM, 2005; 252 s.
20. Qaçaq Xanalı. Roman. Bakı, “Təhsil” NPM, 2005; 134 s.
21. Ucar rayonu və onun toponimiyası. Bakı, “Təhsil” NPM, 2005; 120 s.
22. Şəmkir rayonu və onun toponimiyası. Qısa ensiklopedik dərgi. Bakı, “Adiloğlu”, 2005; 456 s.
23. Laçın rayonu və onun toponimiyası. Qısa ensiklopedik dərgi. Bakı, “Araz”, 2005; 368 s.
24. Neftçala rayonu və onun toponimiyası. Bakı, “Təhsil” NPM, 2006; 134 s.
25. Ağdam rayonu və onun toponimiyası. Ensiklopedik dərgi. Bakı, “Təhsil“ NPM, 2006; 444 s.
26. Füzuli rayonu və onun toponimiyası. Ensiklopedik dərgi. Bakı, 2006; 496 s.
27. Ağcabədi ensiklopediyası. Bakı, 2007, “Təhsil” NPM; 466 s.
28. Ağcabədi ensiklopediyası. II nəşr. Bakı , 2007, “Təhsil” NPM; 522 s.
29. Azərbaycan faciələrinin təqvim tarixi. Hər bir azərbaycanlı üçün yaddaş kitabı. Bakı, “MBM”, 2008; 300 s.
30. Füzuli rayonu və onun toponimiyası. Ensiklopedik məlumat kitabı. Bakı, ”Ünsiyyət”, 2008; 536 s.
31. Füzuli rayonu. Toponimləri, tarixi abidələri, şəhidləri, görkəmli şəxsiyyətləri və ziyalıları. Ensiklopedik məlumat kitabı. Bakı, “Zərdabi LTD”, 2009; 640 s.
32. Zərdab ensiklopediyası. Bakı, “Gənclik”, 2009; 288 s.
33. Xocavənd ensiklopediyası. Bakı, “Zərdabi LTD” MMC, 2009; 544 s.
34. Azərbaycan faciələrinin təqvimi. Hər bir azərbaycanlı üçün yaddaş kitabı. Bakı, “MBM“ nəşriyyatı, 2010; 316 s.
35. Sultan bəy. Roman. Bakı, “Yazıçı”, 2011; 196 s.
36. XIX əsrdə ermənilərin Şimali Azərbaycana köçürülməsi (broşüra). Bakı, 2010; 22 s.
37. Xocalı soyqırımı – insanlıq əleyhinə olan cinayət (broşüra). Bakı, 2010; 22 s.
38. Azərbaycan qadını necə olmalıdır. “Belə yaşayasan yaşayanda da...” Bakı, “Elm və Təhsil”, 2012; 192 s.
39. Azərbaycan şəhərləri. “Vektor” Nəşrlər Evi. Bakı, 2013; 288 s.
40. Cəbrayıl ensiklopediyası. Bakı, “Təknur”, 2013; 624 s.
41. Cəbrayıl rayonu; yaşayış məntəqələri, şəhidləri. Bakı, “Təknur”, 2014; 256 s.
42. Faciələrimizin təqvim izləri. Bakı, “Elm və təhsil”, 2014; 1424 s.
43. Sevilən Sevil. Poema. Bakı, “Print-S, 2014; 38 s.
44. Ermənistanın Azərbaycana təcavüzünün faciəli nəticələri (1988-1994). Bakı, “Təknur”, 2015; 864 s.
45. Xocalı ensiklopediyası. Bakı, “Təknur”, 2015; 392 s.
46. Bir damla göz yaşında torpaq həsrəti. Bakı, “Ləman Nəşriyyat Poliqrafiya” MMC, 2016; 120 s.
47. Ömür yolu. Bakı, “Ecoprint”, 2016; 160 s.
48. Qusar ensiklopediyası. Bakı, 2017; 336 s.
49. Xatirələrdə yaşanan ömür. Bakı, 2018; 129 s.
50. Qan yaddaşımız təqvimdə. Bakı, “Ecoprint”, 2018; 1776 s.
51. Ağdaş ensiklopediyası. Bakı, 2020; 256 s.
52. Qarabağda nələr qaldı. Bakı, “Gənclik”, 2020; 772 s.
53. "Füzuli rayonu Kürdlər kəndi" kitabı, Bakı, 2023, "İmza" nəşrlər evi; 511 s. ISBN 978-9952-37-393-3

Mənbə

• Nazim Tapdıqoğlu (Vəlişov). "Kəlbəcər toponimləri", kitab. səhifə 154, bakı, 2002.