Niiqata rus kəndi
Niiqata rus kəndi (新潟ロシア村, Niiqata Roşia Mura?) – Yaponiyanın Niiqata prefekturasının Aqano şəhərində yerləşən və Rusiya mədəniyyətinə həsr olunmuş əyləncə parkı. Tərk edilmiş vəziyyətdədir.
| Niiqata rus kəndi | |
|---|---|
| Niiqata Roşia Mura (新潟ロシア村?) | |
 2013-cü ilə aid, tərk edilmiş vəziyyətdəki şəkli. | |
| Məlumatlar | |
| Parkın tipi | əyləncə parkı |
| Ölkə | |
| Yerləşməsi |
Aqano,  Niiqata prefekturası,  Yaponiya |
| Sahəsi | 4000 m2 |
| Yaradılıb | 1993 |
| Statusu | tərk edilib |
| Xəritədə yeri | |
 |
|
Tarixi
redaktə1980–90-cı illər Yaponiyada bir çox əyləncə parkının yaradıldığı dövrdür.[1] Niiqata rus kəndi Rusiyaya simpatiyası olan biznesmenlər tərəfindən Niiqata prefekturasının mərkəzi bankının vəsaiti ilə 1993-cü ildə yaradılmışdır.[1] Lakin parkın əsas yollardan uzaqda yerləməsi və ziyarətçilərinin az olması parka olan marağın azalmasına səbəb olmuşdur.[1] 1999-cu ildə mərkəzi bank müflis olmuş, parkın borcları 120 milyon ABŞ dollarına çatmışdır.[1] Parkın Rusiya vətəndaşı və əsasən Uzaq Şərqdən olan 70 işçisi işdən çıxarılmışdır.[1]
Xabarovsk diyarının administrasiyası 2003-cü ilə qədər parka dəstək olsa da, park 2004-cü ilin aprelində bağlanmışdır.[1] Park o vaxtdan tərk edilmiş vəziyyətdədir.[1]
Xüsusiyyətlər
redaktəRus kəndinin əsas görməli yeri ortodoks kilsəsi olmuşdur.[1] Burada hələ də yapon və rus dillərində olan Bibliyalar saxlanılır.[1] Park ərazisində kiçik sirk, karusel, heyvanxana, restoranlar, teatrlar və qolf meydançası yerləşir.[1][2] Hündür tavanı olan otaqların birində iki mamont maketinə rast gəlmək mümkündür: biri skelet, biri yunlu vəziyyətindədir.[1]
Parkın mərkəzində ticarət meydanı yerləşir.[1] Burada yerlə səpələnmiş matryoşkalara, tərk edilmiş içki dükkanına və brilyant üzüklər satan yerə rast gəlmək mümkündür.[1]
Park tərk edilmiş vəziyyətdə olduğu üçün tez-tez vandalizmə məruz qalır.[3] 2009-cu ildə parkın keçmiş hotel binasında güclü yanğın baş vermişdir.[3]
İstinadlar
redaktə- ↑ 1 2 3 4 5 6 7 8 9 10 11 12 13 "В Японии умерла «Русская деревня»". Mk.ru (rusca). 26 yanvar 2011. Archived from the original on 2022-09-07. İstifadə tarixi: 7 sentyabr 2022.
- ↑ "Niigata Russian Village". Atlas Obscura (ingiliscə). 15 fevral 2010. 7 sentyabr 2022 tarixində arxivləşdirilib. İstifadə tarixi: 7 sentyabr 2022.
- ↑ 1 2 "Eerie photos of an abandoned Russia-themed park in Japan will creep you out". Russia Beyond (ingiliscə). 16 iyul 2019. 2022-09-07 tarixində arxivləşdirilib. İstifadə tarixi: 7 sentyabr 2022.
Xarici keçidlər
redaktə- Rəsmi veb-səhifəsi Wayback Machine saytında (2 fevral 2004 tarixindən)