Nikolay Şulgin

Nikolay Matveyeviç Şulgin (rus. Николай Матвеевич Шульгин; 1886 – yanvar 1942, Bakı) — sovet teatr aktyoru, Azərbaycan SSR xalq artisti (1940), RSFSR əməkdar artisti (1934).

Nikolay Şulgin
rus. Николай Матвеевич Шульгин
Doğum tarixi	1886
Vəfat tarixi	yanvar 1942
Vəfat yeri	Bakı, Azərbaycan SSR, SSRİ
Fəaliyyəti	teatr aktyoru
Fəaliyyət illəri	1910–1942
Teatr	Azərbaycan Dövlət Rus Dram Teatrı (1936–1942)
Mükafatları

Həyatı

Nikolay Matveyeviç Şulgin 1886-cı ildə anadan olmuşdur. Moskva Universitetini və teatr məktəbində Vladimir Davıdovun sinfini bitirdikdən sonra 1910-cu ildə peşəkar teatr səhnəsinə çıxmışdır. İctimai fəaliyyət də göstərərək 1918-ci ildə Novoçerkasskda incəsənət işçiləri ittifaqının birinci sədri seçilmişdir.

Nikolay Şulgin 1936-cı ildən Azərbaycan Dövlət Rus Dram Teatrının aktyoru olmuşdur. Onun "Torpaq" pyesində Storejev obrazı, eləcə də Vaqif, Kreçinski, Arbenin və başqa obrazları özünəməxsusluğu ilə fərqlənmişdir.

1934-cü ildə Nikolay Şulginə "RSFSR əməkdar artisti", 23 aprel 1940-cı ildə isə "Azərbaycan SSR xalq artisti" fəxri adları verilmişdir. 1939-cu ildə Bakı Şəhər Zəhmətkeş Deputatları Sovetinin deputatı seçilmişdir.

Nikolay Şulgin 1942-ci ilin yanvar ayında Bakıda vəfat etmişdir.

Filmoqrafiya

• Bakılılar (film, 1938) — Mixaylov

Xarici keçidlər

• Николай Шульгин // kino-teatr.ru (rus). 2023-03-20 tarixində arxivləşdirilib. İstifadə tarixi: 2023-03-20.