Nirasaki Omura İncəsənət Muzeyi
Nirasaki Omura İncəsənət Muzeyi (韮崎大村美術館, Nirasaki Omura Bicutsukan?) – Yaponiyanın Yamanaşi prefekturasının Nirasaki şəhərində yerləşən incəsənət muzeyi. Muzey Yaponiya biokimyaçısı Satoşi Omura tərəfindən yaradılmışdır.
| Nirasaki Omura İncəsənət Muzeyi | |
|---|---|
 | |
 | |
| Açılış tarixi | 27 oktyabr 2007 |
| Təsisçi |
|
| Ölkə | |
| Yerləşir | Nirasaki[d] |
| 35°41′49″ şm. e. 138°25′46″ ş. u.HGYO | |
| nirasakiomura-artmuseum.com nirasakiomura-artmuseum.com/… | |
 Vikianbarda əlaqəli mediafayllar | |
Tarixi
redaktəYaponiya biokimyaçısı, Nobel mükafatı laureatı Satoşi Omura insənəti sevən biri kimi tanınır. Onun "Omura kolleksiyası" 3000-dən çox əsərdən ibarətdir.[1] O, doğulduğu Nirasaki şəhərində 27 oktyabr 2007-ci ildə öz incəsənət muzeyini yaratmış, 1 oktyabr 2008-ci ildə muzey binasını və incəsənət kolleksiyasını Nirasaki şəhərinin rəhbərliyinə bağışlamışdır.[2] Muzey layihəsi Omuraya 500 milyon yenə başa gəlsə də, bunu "gənclərə investisiya" və doğulduğu şəhərə minnətdarlıq kimi təsvir etmişdir.[1]
2015-ci ildə muzeydə Satoşi Omuranın Nobel mükafatını qazanması münasibətilə tədbir keçirilmişdir. 2 aprel 2016-cı ildə muzeyi ziyarət edənlərin sayı 100.000-ə çatmışdır.[2]
Xüsusiyyətlər
redaktəİki mərtəbədən ibarət muzey binası Satoşi Omuranın uşaqlıqda yaşadığı evin yaxınlığında yerləşir.[1] Muzeyin kolleksiyasına 2000-dən çox əsər daxildir. Muzeyin əsas kolleksiyasında Suzuki Şintaro, Umehara Ryuzaburo, Onuma Teruo, Oqisu Takanori, İkuo Hirayama, Moçizuki Şunko, Yasui Sotaro kimi kişi rəssamlar, eləcə də, Fuku Akino, İto Şoha, Oqura Yuki, Kacivara Hisako, Kataoka Tamako, Hori Fumiko, Meqişi Setsuko, Raqusa Tama, Noquçi Şohin, Uemura Şoen kimi qadın rəssamların əsərləri sərgilənir.[3] Muzeyin ümumi döşəmə sahəsi 376,07 m² təşkil edir. Birinci mərtəbədə iki, ikinci mərtəbədə bir sərgi zalı və Omura Satoşi Memorial Otağı yerləşir. İkinci mərtəbədə ətrafı müşahidə nöqtəsi var.[2]
Muzeyin Kosuqi Kociro tərəfindən dizayn olunmuş loqosunda Omura sözündə "O" hərfi "Ω" ilə əvəz olunmuşdur. Buradakı Ω hərfi nəzakəti və müdrikliyi təmsil edir.[2]
İstinadlar
redaktə- ↑ 1 2 3 "Ōmura Satoshi's Art Museum: A Nobel Winner's Generosity". Nippon.com (ingiliscə). 6 oktyabr 2015. 13 iyul 2024 tarixində arxivləşdirilib. İstifadə tarixi: 13 iyul 2024.
- ↑ 1 2 3 4 "概要・沿革". Muzeyin rəsmi saytı (yaponca). 13 iyul 2024 tarixində arxivləşdirilib. İstifadə tarixi: 13 iyul 2024.
- ↑ "Collections". Muzeyin rəsmi saytı (ingiliscə). 13 iyul 2024 tarixində arxivləşdirilib. İstifadə tarixi: 13 iyul 2024.
Xarici keçidlər
redaktə- nirasakiomura-artmuseum.com — Rəsmi saytı