Nuri Oxudan

Nuri Oxudan (6 dekabr 1962) — Türk dövlət xadimi.

Nuri Oxudan
Türkiyə Böyük Millət Məclisi XXV və XXVI çağırışının millət vəkili
7 iyun 2015 – 24 iyun 2018
Şəxsi məlumatlar
Doğum tarixi	6 dekabr 1962(1962-12-06) (61 yaş)
Təhsili	Ankara Universiteti Siyasi Elmlər bölməsi
Fəaliyyəti	siyasətçi
nuriokutan.com.tr

Həyatı

Əvvəllər Gönen Kənd İnstitutu olaraq bilinən indiki adı ilə Gönen Anadolu Müəllim Liseyini bitirib. 1986-cı ildə Mülküyə Məktəbi, İş idarəçiliyi bölməsini bitirib. Uludağ Universiteti, Sosial Elmlər Fakültəsi, İdarəetmə-Təşkilat şöbəsində magistr dərəcəsini oxuyub. 1989–1990-cı illərdə İngiltərədəki Canterbury və Margate-də bir il peşəkar bilik, ədəb və dil təhsili aldı. 1986-cı ildə Daxili İşlər Nazirliyinin açdığı bir aylıq planlaşdırma idarəetmə kursuna qatılıb. 1986-cı ildə 6 ay bir planlaşdırma mütəxəssisi olaraq işlədikdən sonra Bitlis bölgə qubernatoru, Amasya-Taşova bölgə baş məmuru, Bursa-Harmancıq, Van-Baxçasaray, Ərzurum-Narman, Gümüşxana-Kəlkid rayonlarında namizəd olmuşdur.

Taşovada qubernator köməkçisi, Harmancıq, Baxçasaray, Narman, Kəlkit də bölgə qubernatorluğu, Türkiyə Cümhuriyyəti Daxili İşlər Nazirliyi daxilində şöbə müdiri, ümumi müdir köməkçisi, Sakarya qubernatoru olmuşdur. 7 mart 2007-ci ildə Trabzon qubernatoru təyin edilib. Türkiyə Cümhuriyyəti Daxili İşlər Nazirliyinin 10 iyun 2009-cu il tarixli 10030 nömrəli məktubu və Nazirlər Kabinetinin 11 iyun 2009-cu il tarixli qərarı ilə Şanlıurfa qubernatoru təyin edilmişdir. 1996-cı ildə Daxili İşlər Nazirliyinin Əhali və Vətəndaşlıq İşləri baş idarəsində şöbə müdiri vəzifələrində çalışmışdır. 1997-ci ildən 17.08.1999-cu ilə qədər Baş Kadrlar İdarəsinin şöbə müdiri vəzifəsində çalışmışdır. 1999-cu ildən 11.08.2000-ci ilə qədər Baş Kadrlar müdirliyinin köməkçisi vəzifəsini icra etmişdir.

Son olaraq, Nuri Oxudan Türkiyə Cümhuriyyətinin dövlət qəzeti olan "Rəsmi Qəzet"də dərc olunan Nazirlər Kabinetinin qərarı ilə 17 avqust 2011-ci ildə Şanlıurfa qubernatoru təyin edildi.

İyun 2015 Türkiyə ümumi seçkilərində və noyabr 2015 Türkiyə ümumi seçkilərində MHP İsparta millət vəkili seçilmişdir. 2017-ci ildə MHP-dən ixrac edilmişdir.

Sakaryada təhsilə verdiyi töhfələrə görə 2006-cı ildə "Vehbi Koç Mükafatı"na layiq görülüb. Qubernatorluğa ayrılan bütün pulları(həmçinin xidmət üçün ayrılmış avtomobilləri də satıb pul eləmişdi)uşaqların təhsil almasına yönəldib. Məktəbə getməyən qız uşaqlarını məktəbə cəlb edib və qızını təhsil almağa göndərən atalara qızıl hədiyyə edib. Öz vəzifə maaşı isə cəmisi 2500 TL olub. Kişinin bu xeyirxahlığı "Vehbi Koç Vakfı"nın diqqətini cəlb edib və ona 100 min dollar bağışlayıblar. Amma o, pulun bir qəpiyini belə öz uşaqlarına xərcləməyib, bütün pulları məktəb inşa etmək üçün sərf edib. Bir çox şirkətlər də bundan həvəslənib ona pulsuz material göndəriblər. "Vehbi Koç Vakfı" bu şəxsiyyətli davranışı görüb ona daha 50 min dollar yardım edib və 100 şagirdlik bir məktəb binası inşa olunub. BMT-nin uşaqlara kömək fondu UNİCEF isə onun adına "Nuri Okutan Modeli" təsis edib".