Nuzqar Bakayev
Nuzqar Bakayev (oset. Къæбысты Зауыр, 25 sentyabr 1934, Cənubi Osetiya – 21 dekabr 2018) — Cənubi Osetiya publisisti, şair, müəllim, siyasətçi və ictimai xadim. 4-cü çağırış Cənubi Osetiya Parlamentinin deputatı (2004–2009). Cənubi Osetiya Respublikası Yazıçılar Birliyinin üzvü.
| Nuzqar Bakayev | |
|---|---|
| Doğum tarixi | 25 sentyabr 1934 |
| Doğum yeri | |
| Vəfat tarixi | 21 dekabr 2018 (84 yaşında) |
| Fəaliyyəti | yazıçı, şair |
Bioqrafiyası redaktə
25 sentyabr 1934-cü ildə Gürcüstan SSR-in Bakatikau kəndində kəndli ailəsində anadan olmuşdur. 1941-ci ildən Bakatikauda bir ibtidai məktəbdə oxuyur. Orta təhsilini 1953-cü ildə Ziulet kəndində orta məktəbdə almışdır. 1953-cü ildə Cənubi Osetiya Pedaqoji İnstitutunun (bu gün — Cənubi Osetiya Dövlət Universiteti) osetin dili və ədəbiyyatı şöbəsinə daxil olur. Ali təhsil aldıqdan sonra Tsxinvali rayonunda səkkiz illik Vilda məktəbində rus dili və ədəbiyyatı müəllimi işləyir.
1961-ci ildən Dmenis səkkizillik məktəbində osetin dili və ədəbiyyatı müəllimi işləyir. 1963–1979-cu illərdə Verxnı Çars kəndindəki səkkiz illik, Korkula kəndində orta məktəb, Valitikau kəndində səkkiz illik və Sarabuk kəndində səkkiz illik məktəbdə direktorluq etmişdir. 1979-cu ildən "Fidiueq" ədəbi jurnalının tənqid və jurnalistika şöbəsinin redaktoru, Tsxinvalidəki "İrıston" kitab nəşriyyatının baş redaktoru və "İrıston" nəşriyyatının direktoru vəzifələrində çalışır. Respublika "Vestnik" jurnalının baş redaktoru olur. SSRİ Yazıçılar Birliyinə üzvü qəbul olunur.
Siyasi fəaliyyətlə məşğul olur. Osetiya "Stır Nıxas" hərəkatına qatılır (sədr müavini olur). 2004-cü ildə Birlik partiyasından Cənubi Osetiya Parlamentinə seçilir. 2009-cu ildə parlamentdəki müddətinin sonuna qədər Mədəniyyət, Təhsil, Elm, Din və Media Komitəsinin sədri vəzifəsində çalışır.
Nuzqar Bakayevin 14-dən çox şeir toplusu nəşr olunmuşdur. 1957-ci ildə ilk kitabı olan "Sevgi mahnıları" və 1960-cı ildə ilk şeir toplusu "Yaz səhəri" nəşr edilir. Üstəlik bir neçə şeir toplusunu nəşr etdirmişdir. Sonuncu Qapalı məktub kolleksiyası 1990-cı ildə nəşr edilmişdir. "Osetiya xalqının oğlu" toplusunda Cənubi Osetiyanın ilk müdafiə naziri Valeri Xubulovun həyatı ilə bağlı məlumatlar öz əksini tapır[1][2].
30 dekabr 2014-cü ildə Cənubi Osetiya Prezidenti Leonid Tibilovun əmri ilə "Osetiya ədəbiyyatının inkişafına böyük şəxsi töhfəsinə, uzun illər səmərəli yaradıcılıq fəaliyyətinə görə" Cənubi Osetiya Respublikasının Fəxri Fərmanı ilə təltif edilir[3].
İstinadlar redaktə
- ↑ "Н. Бакаев: «Литература отличается от факта на величину души писателя»". 2015-12-08 tarixində arxivləşdirilib. İstifadə tarixi: 2015-11-29.
- ↑ "Книга, которая не могла не появиться". 2015-12-08 tarixində arxivləşdirilib. İstifadə tarixi: 2021-10-18.
- ↑ "Указ "О награждении Почетной грамотой Республики Южная Осетия Бакаева Н. И."". 2023-08-05 tarixində arxivləşdirilib. İstifadə tarixi: 2021-10-18.
Mənbə redaktə
Ədəbiyyat redaktə
- Бибоева И. Г., Казиты М. Р. Писатели Осетии, библиографический справочник, Владикавказ, Ир, 2015, стр. 395–396, ISBN 978-5-7534-1499-01