Oleq Xanov
Oleq Zakiroviç Xanov (başq. Олег Закир улы Ханов; 11 avqust 1951, Kızqı, Başqırd MSSR) — Rusiya teatr və kino aktyoru, səhnə rejissoru. Stanislavski Mükafatı laureatı, Başqırdıstan MSSR xalq artisti, RSFSR-nin əməkdar artisti. Professor, Petrovsk Elmlər və Sənətlər Akademiyasının müxbir üzvü (2005). Rusiya Federasiyası Dövlət Mükafatı laureatı.
| Oleq Zakiroviç Xanov | |
|---|---|
| başq. Олег Закир улы Ханов | |
 | |
| Doğum tarixi | 11 avqust 1951 (73 yaş) |
| Doğum yeri | |
| Fəaliyyəti | aktyor, teatr rejissoru |
| Fəaliyyət illəri | 1973–2013 |
| Təhsili | |
| Teatr | Məjit Qafuri adına Başqırdıstan Akademik Bəddi Dram Teatrı |
| Mükafatları |
 Başqırdıstan Respublikasının xalq artisti |
2012-ci ildən Məjit Qafuri adına Başqırdıstan Akademik Bəddi Dram Teatrının rəhbəri.
Həyatı
redaktəXanov Oleq Zakir oğlu Başqırd Muxtar Sovet Sosialist Respublikasının Arxangelsk rayonunun Kızqı kəndində anadan olub. 1973-cü ildə Zaqir İsmaqilov adına Ufa Dövlət İncəsənət İnstitutunu bitirib.
Oleq Xanov 15 il Başqırd Akademik Teatrında çalışıb. Ufada M.Qafuri adına Respublika Gənc Tamaşaçılar Teatrında dörd il rəhbər olub. K.A.Raykin ilə "Satirikon" Teatrında 3 illik iş təcrübəsinə malikdir. O, uzun illər Orenburqdakı ən istedadlı rejissorlardan biri Rifkat İsrafilovla əməkdaşlıq edib. 2009-cu ildən Salavat Dövlət Başqırd Dram Teatrının baş rejissoru kimi çalışıb.[1]
Hazırda Oleq Zakir oğlu Xanov Məjit Qafuri adına Başqırdıstan Akademik Bəddi Dram Teatrının bədii rəhbəridir.
Səhnə fəaliyyəti
redaktəOleq Xanov teatr yaradıcılığında inzibati, aktyor və rejissor fəaliyyətlərini birləşdirir. 2005–2012-ci illərdə o, rejissor kimi Salavat Teatrının səhnəsində 11 tamaşaya quruluş verib. Bu tamaşalar arasında N. Asanbayevin "Zaytungül" (2005), T.Minullinin "Bu belə oldu. "(2006), A.Ostrovskinin "Gec Sevgi"(2007), A.Çexovun "Kuğu Mahnısı" (2008), S.Belovun "Mamulya" (2009), A.Atnabayevin "Geri döndü" (2009), M.Baqaevanın "Qabırğadakı cin" (2010) vardır. Xanov elə bu teatrda Böyük Vətən müharibəsində Qələbənin 65-ci ildönümünə həsr olunmuş silsilə tamaşalara quruluş verib. Bu tamaşalar arasında ən məşhurları "Uğurlu illər, şərəfli illər" (2010), T.Minnullinanın "Rivayat" (2010), N.Asanbayevanın "Albalı Dağı" (2011), T.Minnullina "Şeytandan And" (2012) kimi səhnə işləridir.
Oleq Xanov qarmonda yaxşı ifa edir, qılıncoynatma ilə məşğul olub.
Quruluş verdiyi "Kənd hekayələri" tamaşası ilə Bratislavada (Slovakiya) çıxış edib. O.Xanov teatr sahəsindəki ümumi iş təcrübəsi 40 ildir.
Tamaşalardakı rolları
redaktəAktyor ampluası: sosial qəhrəman, romantik qəhrəman, faciəvi qəhrəman, komediya qəhrəmanı.
- M.Kərimin "Uzun, Uzun Uşaqlıq" hekayəsi əsasında çəkilən "Qismət qismət deyil" tamaşasında Göbək rolu.
- J.Feydeau "Xanımlar dərzi" tamaşası, Mulino rolunda — O.Xanov (Mamaşa-Z.Karpoviç)
- 2007-ci ildə Ukraynada, Simferopolda qastrol səfərində olmuş və Napoleon rolunu oynadığı Jiri Qubaçın "Korsikan" pyesi əsasında hazırlanan tamaşa ilə "Krım Ark" festivalında iştirak edib.[2]
- 2008-ci ildə A.Vampilovun pyesi əsasında hazırlanan "Yaşlı oğul" tamaşası ilə "Şansınız" (Moskva) IV teatr məktəbləri festivalında iştirak edib, burada Sarafanov obrazını səhnədə təcəssüm etdirib və direktor-müəllim kimi də özünü göstərib.
- IX Volkovo Festivalında (Yaroslavl, RF, 2008) M.Lermontovun "Maskarad" dramının əsasında hazırlanan tamaşa ilə iştirak etmişdir. Arbenin rolunun ifasına görə, eyni tamaşada Oleq Xanov "Ən yaxşı kişi rolu" nominasiyasına layiq görülüb.
- N. X. Rybakov adına III festivalda 2009-cu ildə "Rusiya Aktyoru" (Tambov) adına layiq görülüb.
- 2009-cu ildə rejissor Oleq Xanovun quruluş verdiyi A.Atnabaevin pyesi əsasında hazırlanan "Döndü" tamaşasında "Teatr baharı" respublika festivalında (Ufa) iştirak edib.
- 2010-cu ildə VIII Kiçik Şəhərlər Festivalında Salavat adına Dövlət Başqırd Dram Teatrla, Oleq Xanov həm rejissor, həm də baş rolun Svertlovidov obrazının ifaçısı kimi çıxış etdiyi A.Çexovun pyesi əsasında hazırlanan "Qu quş mahnısı" tamaşasını təqdim edib.
Mükafatları və fəxri adları
redaktə- Başqırdıstan Muxtar Sovet Sosialist Respublikasının əməkdar artisti (1981)
- Başqırdıstan Respublikasının xalq artisti (1983)
- Rusiya Federasiyasının əməkdar artisti (1987)
- Rusiya Federasiyasının ədəbiyyat və incəsənət sahəsində Dövlət Mükafatı laureatı (1996)
- 1994-cü ildə "Möhtəşəm Buynuzdaşıyan" tamaşasındakı işinə görə "Ən yaxşı kişi rolu" nominasiyasında A.Yabloçkin mükafatı
- Başqırdıstan Respublikasının Salavat Yulaev Mükafatı laureatı (1981)[3]
- "Orenburq Liqa" mükafatı laureatı (2003, 2012)
- Stanislavski mükafatının qalibi (2014)
- Vasili Şukşin Medalı (2015)[4]
İstinadlar
redaktə- ↑ Олег Ханов покинул должность художественного руководителя Башкирского драмтеатра. ИА "Башинформ", 11 апреля 2019 года Arxivləşdirilib 2021-07-26 at the Wayback Machine (rus.) (Yoxlanılıb 11 aprel 2019)
- ↑ "Фото". 2016-04-09 tarixində arxivləşdirilib. İstifadə tarixi: 2021-07-25.
- ↑ http://www.bashinform.ru/news/920542-khudruk-bashkirskogo-dramteatra-oleg-khanov-nagrazhden-ordenom-salavata-yulaeva-i-medalyu-kurultaya-/ Arxivləşdirilib 2021-06-21 at the Wayback Machine Худрук Башкирского драмтеатра Олег Ханов награжден орденом Салавата Юлаева и медалью Курултая башкир
- ↑ В Башдрамтеатре Олега Ханова поздравили с вручением медали "Василий Шукшин" — "Башинформ" мәғлүмәт агентлығы (Ләйлә Аралбаева), 28 сентябрь 2015 йыл Arxivləşdirilib 2021-07-25 at the Wayback Machine (rus.)
Xarici keçidlər
redaktə- "Художественный руководитель театра: Олег Ханов". Башкирский государственный театр драмы имени Мажита Гафури. İstifadə tarixi: 2013-12-24.
- Статья в электронной версии Башкирской энциклопедии Arxivləşdirilib 2020-08-15 at the Wayback Machine