Osamu Dazai Memorial Muzeyi

Osamu Dazai Memorial Muzeyi
Osamu Dazai Memorial Muzeyi
Açılış tarixi	17 aprel 1998
Ölkə	Yaponiya;
Yerləşir	Qoşoqavara[d]
	40°54′09″ şm. e. 140°27′19″ ş. u.HGYO
	kanagi-gc.net/dazai/
	Vikianbarda əlaqəli mediafayllar

Osamu Dazai Memorial Muzeyi (太宰治記念館, Dazai Osamu Kinenkan^?) və ya digər adı ilə Şayokan (斜陽館^?) – Yaponiyanın Aomori prefekturasının Kanaqi bölgəsində yerləşən ev-muzey. Yaponiya yazıçısı Osamu Dazainin həyat və yaradıcılığına həsr olunmuşdur.

Tarixi

Ev-muzey Yaponiya yazıçısı Osamu Dazainin uşaqlığının bir hissəsini keçirdiyi malikanədə yerləşir. Tikili yazıçının atası Qenemon Tsuşima tərəfindən tikdirilmiş, tikintisi 21 iyun 1907-ci ilin tamamlanmışdır. Osamu Dazai 1909-cu ildə bu malikanədə doğulmuşdur.^[1] Malikanə İkinci Dünya müharibəsindən sonra Tsuşima ailəsi tərəfindən satılmış, 1950-ci ildə yazıçının "Batan günəş" (Şayokan) romanının şərəfinə adlandırılmış "Şayokan" mehmanxasına çevrilmişdir. Osamu Dazai ilə əlaqəsinə görə bir çox şəxs mehmanxananı ziyarət etməyə gəlmişdir.^[2]

Mehmanxana regionun əsas görməli yerlərindən biri kimi tanındığı üçün 1996-cı ilin martında keçmiş Kanaqi qəsəbəsinin rəhbərliyi malikanəni satın almış, əvvəlki vəziyyətinə gətirmiş^[2] və 17 aprel 1998-ci ildə Osamu Dazaiyə həsr olunmuş muzey kimi açılmışdır. 10 dekabr 2004-cü ildə tikili Yaponiyanın əhəmiyyətli mədəni mülkü statusu almışdır.^[1]

Xüsusiyyətlər

İrimoya üslubunda dama malik malikanənin birinci mərtəbəsində 11 otaq, ikinci mərtəbəsində 8 otaq yerləşir. Malikanənin tikintisində Aomori sidrindən istifadə olunmuşdur. Malikanədə düyü anbarı, fəvvarə və bağ yerləşir.^[2]

Muzeydə Osamu Dazainin yazı alətləri və kağızları, kitabları, məktubları, romanlarının ilkin nəşrləri, sevimli plaşı və digər xatirə əşyaları sərgilənir.^[2] Muzeydə sərgilənən tökmə qab yazıçının həyat yoldaşı tərəfindən yazılmış "Osamu Dazai xatirələri" əsərində Dazainin sevimli əşyalarından biri kimi göstərilmişdir.^[3]

Qalereya

İnteryeri.
Nərdivanlar.
Qonaq otağı.
Malikanənin bağçası.

İstinadlar

↑ ¹ ² "記念館のあゆみ". Kanagi Genki Club (yaponca). 24 avqust 2024 tarixində arxivləşdirilib. İstifadə tarixi: 24 avqust 2024.
↑ ¹ ² ³ ⁴ "Aomori's Shayōkan Museum: Writer Dazai Osamu's Childhood Home". Nippon.com (ingiliscə). 25 iyul 2018. 24 avqust 2024 tarixində arxivləşdirilib. İstifadə tarixi: 24 avqust 2024.
↑ "館内のご案内". Dazai Muzeyinin rəsmi saytı (yaponca). 22 iyun 2019 tarixində arxivləşdirilib. İstifadə tarixi: 24 avqust 2024.

Xarici keçidlər

Dazai Muzeyinin rəsmi saytı (arxivləşdirilib)

[kanagi-1] ¹ ² "記念館のあゆみ". Kanagi Genki Club (yaponca). 24 avqust 2024 tarixində arxivləşdirilib. İstifadə tarixi: 24 avqust 2024.

[nippon-2] ¹ ² ³ ⁴ "Aomori's Shayōkan Museum: Writer Dazai Osamu's Childhood Home". Nippon.com (ingiliscə). 25 iyul 2018. 24 avqust 2024 tarixində arxivləşdirilib. İstifadə tarixi: 24 avqust 2024.

[museum-3] "館内のご案内". Dazai Muzeyinin rəsmi saytı (yaponca). 22 iyun 2019 tarixində arxivləşdirilib. İstifadə tarixi: 24 avqust 2024.

[1]

[2]

[3]