Oslo Opera Evi
Oslo Opera Evi (nor. Operahuset) — Norveçin paytaxtı Oslo şəhərində yerləşən, Norveç Opera və Balet mərkəzi olan və milli opera teatrı olan bina. Bina Oslonun mərkəzi ilə qonşu olan Byorvikada, Oslofyordun başında yerləşir. Bina Norveçin hökumət əmlakları üzrə agentliyi olan Statsbiq tərəfindən idarə olunur. Opera Evində ümumi sahəsi 38.500 olan 1100 otaq yerləşir. Əsas mərtəbəsi 16 metr genişliyində, 40 metr hündürlüyündədir. Binanın bucaqlı fasadı İtalyan mərməri və ağ qranitlə örtülmüşdür və bu ona sanki yağışdan çıxmış görkəm verir. Bu bina tamamlanana qədər Norveçin ən böyük tikilisi təqribən 1300-cü ildə tikilmiş Nidar kafedralı sayılırdı.
| Oslo Opera Evi | |
|---|---|
 Binanın gecə görünüşü | |
 | |
| 59°54′25″ şm. e. 10°45′13″ ş. u.HGYO | |
| Ölkə |
 Norveç |
| Şəhər | Oslo |
| Tikilmə tarixi | 2003-2007 |
| Memarlıq quruluşu | Postmodern memarlığı |
|
Oslo Opera Evi |
|
 Vikianbarda əlaqəli mediafayllar | |
Tarixi
redaktəUzun mübahisələrdən sonra yerli qanunverici orqan 1999-cu ildə şəhərdə yeni opera binası tikmək qərarını verdi. Müsabiqə keçirildi və 350 layihə təqdim olundu. Qalib Norveç firması Şonettanın işi oldu. Tikinti 2003-cü ildə başladı və 2007-ci ildə başa çatdı. Layihənin həyata keçirilməsinə isə 760 milyon ABŞ dolları sərf olundu. Kral Harald, Danimarka Kraliçası II Marqarita, Finlandiya prezidenti Tarja Halonen və digər liderlərin iştirak etdiyi Opera binasının açılış mərasimi 12 aprel 2008-ci ildə baş tutdu. İlk ilindəcə Opera binasını 1.3 milyon nəfər ziyarət etdi.
2008-ci ildə Oslo Opera Evi İspaniyanın Barselona şəhərində keçirilən Dünya Memarlıq Festivalının mədəniyyət mükafatını qazanmışdır. 2009-cu ildə isə Müasir Memarlıq üçün Avropa Birliyi mükafatına layiq görülmüşdür.
Memarlıq
redaktəOslo Opera Evinin tavanı elə tikilib ki, ziyarətçilər buradan Oslonun mənzərəsini görə bilərlər. Hətta binanın tavanı skeydbordçuların ən sevimli yerlərindən biridir.
Tikili La Faççiata adlı ağ italyan mərməri ilə örtülmüşdür. Dəhliz isə 15 metr hündürlüyündəki pəncərələrlə əhatə olunub. Dam isə görünüşə xələl gətirməyən bucaqlı sütunlarla dəstəklənmişdir.
Binanın daxili döşəməsi isəsoyuqdan qorunmaq üçün palıd ağacı ilə örtülmüşdür.
