Pərvanə İbrahimova

Pərvanə İbrahimova (qızlıq soyadı: Qurbanova; tam adı: Pərvanə Yəhya qızı İbrahimova;[1] doğ. 3 avqust 1977, Qaraçanta, Amasiya rayonu, Ermənistan SSR, SSRİ) — siyasi elmlər üzrə fəlsəfə doktoru, Bakı Dövlət Universitetinin Mətbuat və İnformasiya şöbəsinin rəhbəri (2010-cu ildən)[2][3] və Beynəlxalq jurnalistika kafedrasının dosenti.

Pərvanə İbrahimova
Pərvanə Yəhya qızı İbrahimova
Pərvanə İbrahimova.jpg
Doğum tarixi (43 yaş)
Doğum yeri Qaraçanta, Amasiya rayonu, Ermənistan SSR, SSRİ
Vətəndaşlığı SSRİ SSRİ
Azərbaycan Azərbaycan
Milliyyəti azərbaycanlı
İxtisası Beynəlxalq jurnalistika
Təhsili Bakı Dövlət Universiteti
Fəaliyyəti BDU-nun Beynəlxalq jurnalistika kafedrasının dosenti
Tanınır BDU-nun Mətbuat və İnformasiya şöbəsinin rəhbəri
Mükafatları "Tərəqqi" medalı "Bakı Dövlət Universitetinin 100 illiyi (1919-2019)" yubiley medalı

2015-ci ildə kütləvi informasiya vasitələrinin inkişafındakı xidmətlərinə görə "Tərəqqi" medalına layiq görülüb.[4]

Təhsili, elmi dərəcə və elmi adlarıRedaktə

1984-1994-cü illərdə Gəncə şəhəri 24 saylı orta məktəbdə oxuyub. 1994-1998-ci illərdə Bakı Dövlət Universiteti, Beynəlxalq münasibətlər və beynəlxalq hüquq fakültəsinin Beynəlxalq jurnalistika ixtisasını bakalavriat səviyyəsi üzrə fərqlənmə diplomu ilə bitirib. 1998-2000-ci illərdə Bakı Dövlət Universitetinin Jurnalistika fakültəsinin Beynəlxalq jurnalistika ixtisası üzrə magistratura səviyyəsini fərqlənmə diplomu ilə başa vurub. 2002-2007-ci illərdə Jurnalistika fakültəsinin Jurnalistikanın nəzəriyyəsi və təcrübəsi kafedrasının "Jurnalistika" ixtisası üzrə dissertantı olub. 2011-ci ildə "Beynəlxalq təşkilatların Dağlıq Qarabağ probleminə dair mövqeyi Azərbaycan mətbuatında (1988-2005-ci illər)" mövzusunda namizədlik dissertasiyası müdafiə edib, siyasi elmlər üzrə fəlsəfə doktoru adına layiq görülüb.[1]

Əmək fəaliyyətiRedaktə

1998-2000-ci illərdə müxtəlif mətbuat orqanlarında fəaliyyət göstərib. 2000-2010-cu illərdə Bakı Dövlət Universitetinin Mətbuat və informasiya şöbəsində mütəxəssis vəzifəsində çalışıb. 2005-2007-ci illərdə Bakı Dövlət Universitetinin Jurnalistika fakültəsinin Beynəlxalq jurnalistika kafedrasında saathesabı dərslər aparıb. 2007-ci ildən Bakı Dövlət Universitetinin Jurnalistika fakültəsinin Beynəlxalq jurnalistika kafedrasında 0,5 ştat müəllim vəzifəsində fəaliyyət göstərir. 2010-cu ildən Bakı Dövlət Universitetinin Mətbuat və informasiya şöbəsinin müdiri vəzifəsində çalışır. 20-dək elmi məqalə, 10 kitab və 200-dək publisistik məqalənin müəllifi və tərtibçi-müəllifidir.[1]

KitablarıRedaktə

  • "Dumanda itən vətən"Bakı, 2004.
  • "A.Məhərrəmov. Biblioqrafiya"Çaşıoğlu Elm İstehsalat Firması. — Bakı, 2010. — Səhifələrin sayı: 512. (həmmüəlliflə)
  • "Bakı Dövlət Universiteti 15 il mətbuat aynasında"Nurlar nəşriyyatı. — Bakı, 2014. — Səhifələrin sayı: 536.
  • "Бакинский государственный университет: 15 лет в зеркале прессы"Nurlar nəşriyyatı. — Bakı, 2014. — Səhifələrin sayı: 536.
  • "Baku State University: 15 years in media"Nurlar nəşriyyatı. — Bakı, 2015. — Səhifələrin sayı: 552.
  • "Professors of Baku State University" — Bakı Universiteti nəşriyyatı. — Bakı, 2015. — Səhifələrin sayı: 464. (buraxılışa məsul)
  • "Профессора Бакинского государственного университета" — Bakı Universiteti nəşriyyatı. — Bakı, 2015. — Səhifələrin sayı: 504. (buraxılışa məsul)
  • "Бакинский государственный университет" — Bakı Universiteti nəşriyyatı. — Bakı, 2017. — Səhifələrin sayı: 652. (buraxılışa məsul)
  • "Ömür yolu"Nurlar nəşriyyatı. — Bakı, 2017. — Səhifələrin sayı: 360.
  • "Azərbaycan kimyaçıları" — Bakı Universiteti nəşriyyatı. — Bakı, 2017. — Səhifələrin sayı: 496. (redaksiya heyətində),
  • "Jurnalistika: Dünyanın aparıcı informasiya agentlikləri, Azərbaycanda informasiya agentliklərinin təşəkkülü və inkişaf perspektivləri, Beynəlxalq jurnalist hərəkatı"Nurlar nəşriyyatı. — Bakı, 2017. (həmmüəlliflə, dərs vəsaiti)

İstinadlarRedaktə

  1. 1 2 3 "İbrahimova Pərvanə Yəhya qızı". Bsu.edu.az.
  2. "Pərvanə İbrahimova: "Bakı Dövlət Universitetində media ilə əlaqələrə xüsusi əhəmiyyət verilir"". Anl.az.
  3. ""Zəngini gözlədiyim yox, zəngimi gözləyənim var"- BDU mətbuat xidmətinin rəhbəri". Aznews.az.
  4. "BDU-nun üç əməkdaşı mükafatlandırılıb (FOTO)". Trend.az.

Xarici keçidlərRedaktə