Pərvanə Zəngəzurlu

Pərvanə Zəngəzurlu (1958, Acıbac, Qafan rayonu) — "Aşıq Pəri" məclisinin sədri, şairə, "Qızıl qələm" media mükafatı laureatı.

Pərvanə Zəngəzurlu
Pərvanə Hüsü qızı Mustafayeva
Doğum tarixi 1958
Doğum yeri
Vətəndaşlığı
Milliyyəti azərbaycanlı
Atası Hüsü Mustafayev
Təhsili
İxtisası filologiya
Fəaliyyəti müəllimlik, şairlik
Əsərlərinin dili Azərbaycan dili
Janr qoşma
Üzvlüyü
Mükafatları "Aşıq Ələsgər – 200" yubiley medalı

HəyatıRedaktə

Pərvanə Hüsü qızı Mustafayeva (Zəngəzurlu) 1958-ci ildə Qafan rayonunun Acıbac kəndində doğulub.[1] 1980-ci ildə M.Ə. Sabir adına Bakı Pedaqoji Texnikumunu (indiki adı: Azərbaycan Dövlət Pedaqoji Kolleci)bitirib. Təyinatla 25 il Fatmai kənd orta məkdəbində müəllim işləmişdir. Yaradıcılığa gənc yaşlarından başlayıb. 2000-ci ildən Azərbaycan Yazıçılar Birliyinin, 2002-ci ildən "Aşıq Pəri" məclisinin, 2003-cü ildən "Məhsəti" məclisinin üzvüdür. "Aşıq Pəri" məclisinin rəhbəridir.

Pərvanə Zəngəzurlunun sözlərinə yazılmış, aşıq və müğənnilər tərəfindən oxunan mahnılardan ibarət 6 audio diski işıq üzü görüb.

2013-cü ildə AYB-nin təltif etdiyi prezident təqaüdünə layiq görülüb. 2013-cü ildən "Aşıq Pəri" Məclisinin rəhbəridir.

Ailəlidir, 2 övladı var.

KitablarıRedaktə

  • "Qayıt gəl", "Maarif" nəşriyyatı, Bakı-2000..
  • "Dağlar yuxuma girir", "Maarif" nəşriyyatı, Bakı-2002.
  • "Zəngəzur həsrəti", "Maarif" nəşriyyatı, Bakı-2003.
  • "Tanrım, məni başdan yarat", "Maarif" nəşriyyatı, Bakı-2005.
  • "Lal haraylar", "Nurlan" nəşriyyatı, Bakı-2005.
  • "Vətən qürbətdə qaldı", "Nurlan" nəşriyyatı, Bakı-2006
  • "Çoxala-çoxala azalan ömrüm", "Şirvan" nəşriyyatı, Bakı-2009.
  • "Yarı yolda qoyma məni", "Şirvan" nəşriyyatı, Bakı-2013.
  • "İslam inciləri", "Şirvan" nəşriyyatı, Bakı-2013.

MükafatlarıRedaktə

  • "Xan qızı Natavan".
  • "Qızıl qələm" media mükafatı.

İstinadlarRedaktə

  1. Malik Balaşov, "Aşıq Pəri məclisinin yeni rəhbəri - PƏRVANƏ XANIM ZƏNGƏZURLU"