Papaverin

Papaverin- C₂₀H₂₁NO₄

Bilinən ən güclü saya əzələ boşaldıcı maddədir. Fosfodiesteraz fermentini əngəlləyərək saya əzələləri birbaşa boşaldır. Damarların, mədə-bağırsaq və sidik sistemin saya əzələlərini boşaldaraq antispazmodik təsir göstərir. Tiryək bitkisindən (Papaver somniferum) əldə edilir.

Xəbərdarlıq

Papaverinin sistemik qan dövranı vazodilatasiya təsiri miyokarda və ya beyinə gedən qanın daha da azalmasına səbəb ola bilər (steal effect). Damar xaricinə sızan dərman irritasiya və tromboza səbəb ola bilər.

Yan təsirləri

Üzdə qızartı, başağrısı, tərləmə, mürgüləmə, hipotoniya, başdönməsi, bulanma, qəbizlik və iştahsızlıq kimi yan təsirlərlə, nadir hallarda qaraciyərdə sarılıq (gözdə və dəridə), görmə bulanıqlığı və cüt görmə, tromboz (inyeksiya yerində) kimi yan təsirlərə də səbəb ola bilər.

Papaverin izokinolin sinfinə aid opioid alkaloididir . O, tiryəkdə 0,5–1% nisbətində olur. İlk dəfə 1848-ci ildə Merck tərəfindən təcrid edilmişdir. Onun tam strukturu 1909-cu ildə Pictet və Gams tərəfindən sintezinin düzəldilməsiylə aydınlaşdırılmışdır. Papaverinin analjezik təsiri morfindən azdır. Öskürək yatırıcı təsiri yoxdur. Ancaq, spazmolitik təsiri vardır.

CAS nömrəsi	61–25-6
ATC kodu	A03 AD01
PubChem	4680
DrugBank	APRD00628