Pensilvaniya meşəgilası

Pensilvaniya meşəgilası (lat. Prunus pensylvanica) — bitkilər aləminin gülçiçəklilər dəstəsinin gülçiçəyikimilər fəsiləsinin gavalı cinsinə aid bitki növü.

Pensilvaniya meşəgilası
Elmi təsnifat
Domen: Eukariotlar Klad: Diaphoretickes Ranqsız: Arxeplastidlər Aləm: Bitkilər Klad: Streptofitlər Klad: Ali bitkilər Klad: Çoxsporlu bitkilər Klad: Borulu bitkilər Klad: Toxumlu bitkilər Klad: Çiçəkli bitkilər Klad: Evdikotlar Klad: Bazal evdikotlar Klad: Superrozidlər Klad: Rozidlər Klad: Fabidlər Dəstə: Gülçiçəklilər Fəsilə: Gülçiçəyikimilər Yarımfəsilə: Gavalıkimilər Triba: Amygdaleae Cins: Gavalı Növ: Pensilvaniya meşəgilası
Beynəlxalq elmi adı
Prunus pensylvanica L.f.
Şəkil axtarışı ITIS   24799 NCBI   262529 EOL   631648

Təbii yayılması

Şimali Amerikada geniş arealı əhatə edir.

Botaniki təsviri

Hündürlüyü 8 m, ensiz-yumurtavari çətirli, çox vaxt kolvari böyüyən ağacdır. Zoğları qırmızımtıl-qonur, parlaq, elastik, yarpaqları lansetvari parlaqdır. Çiçəkləri azsaylı salxımlarda yerləşir. Meyvələri qırmızı və ya qaradır. Mayın axırlarında çiçəkləyir, meyvələri avqustda yetişir. Tez böyüyür. Toxumlarla və kök zoğları ilə çoxaldılır. Dekorativ olub, uzun ömürlülüyü 30-40 ildir.

Ekologiyası

Kölgəyə davamlı, torpağın məhsuldarlığına tələbkar, qışa, duza, toza, qaza və quraqlığa yüksək davamlıdır, xəstlik və zərərvericilərə zəifyoluxur.

Azərbaycanda yayılması

Böyük Qafqazda təbii halda rast gəlinir.

İstifadəsi

Park əkinlərində düz günəş işığından əziyyət çəkən kollara kölgə yaratmaq üçün istifadəsi tövsiyə olunur. Çiçəkləmə və meyvəvermə dövründə, gövdəsinin qonur, ətirli qabığı, şəffaf çətiri və açıq sarı, payız yarpaqları ilə dekorativdir.