Pomidor turşusu

Pomidor turşusu - sirkəyə (turşuya) və duza qoyulmuş pomidor. Azərabycan mətbəxində geniş istifadə olunur.

Hazırlanma qaydası

Pomidor turşusu pomidor, duz, şəkər tozu, çətirli şüyüd, qara qarağat yarpağı, albalı yarpağı, xren kökü yaxud yarpağı, qara istiot və sudan hazırlanır.

Yuyulmuş və saplaq tərəfdən deşilmiş zədəsiz, yetkin və böyüklükləri bənzər pomidorlardan hazırlanır. Bu ona görə edilir ki, pomidorların üzərinə qaynar su töküləndə, qabıqları partlamasın. Bundan sonra pomidorlar ədviyyatla birlikdə bankalara yığılır. Duzlu məhlul hazırlanır, qaynadılır, bankalara tökülür, qapağı qoyulmaqla 5 dəqiqə saxlanılır. Sonra bu məhlul bankalardan qazana tökülərək təkrar qaynadılır və yenidən bankalara doldurulur. Bankaların ağzı bağlanılır, baş üstə çevrilib, odeyalla örtülür. Məhsul adi temperaturda, anbarda saxlanır.

Yaşıl pomidor turşusu

Yetişməmiş yaşıl rəngli pomidordan da analoji turşu hazırlana bilər. Bu zaman bibər, sarımsaq, duz, üzüm sirkəsi kimi ərzaqlardan istifadə olunur. Yaşıl pomidor turşusunun hazırlanması 15 günə başa gəlir.

Mənbə

Qışa hazırlıq^{[ölü keçid]}
Yaşıl pomidor turşusu Arxivləşdirilib 2014-09-25 at the Wayback Machine