Pontechium maculatum

Pontechium maculatum (lat. Pontechium maculatum) — bitkilər aləminin göyzabançiçəklilər dəstəsinin göyzabankimilər fəsiləsinin pontechium cinsinə aid bitki növü.

Pontechium maculatum
Elmi təsnifat
Domen: Eukariotlar Klad: Diaphoretickes Ranqsız: Arxeplastidlər Aləm: Bitkilər Klad: Streptophyta Klad: Embryophytes Klad: Polysporangiophytes Klad: Tracheophytes Klad: Toxumlu bitkilər Klad: Çiçəkli bitkilər Klad: Eudicots Klad: Core eudicots Klad: Superasterids Klad: Asterids Klad: Lamiids Dəstə: Göyzabançiçəklilər Fəsilə: Göyzabankimilər Cins: Pontechium Növ: Pontechium maculatum
Beynəlxalq elmi adı
Pontechium maculatum Böhle & Hilger, 2000
Şəkil axtarışı NCBI   554546

Qısa morfoloji təsviri

İkiillik bitkidir. Gövdəsi adətən tək, dikduran, hündürlüyü (20) 30-60 (80) smdir. Yarpaqları xətvari, çoxsaylı, 4-6 sm uzunluqda, 0,5-1 sm enində, lansetvari, aşağıda yerləşərək kök yanında, qaidəyə doğru dartılan, itiuclu, yaşılımtıl, hərdən ağarmış və ya bozumtuldur. Çiçəkqrupu ensiz süpürgəşəkillidir, sünbülşəkilli, az-çox uzun, hərdən 20-30 sm-ə çatır. Qıvrımların uzunluğu 1-3 sm-dir. Kasacıq seyrək ağ qıllıdır, uzunluğu 7 mm-ə yaxındır. Çiçək tacının uzunluğu 12-15 mm-dir, tünd qırmızı rənglidir. Fındıqçalar qara rəngli, hündürlüyü 2 mm-dir, üçkünc-yumurtavaridir.

Yayılması

BQ qərbi, BQ şərqi, BQ Quba sahəsinin rayonlarında aşağı dağ qurşağından orta dağ qurşağına kimi yayılmışdır. Otlu yamaclarda, meşədə, kolluqlarda, qayalıq ərazilərdə, dağ çəmənlərində bitir.