Portal:Yevlax
| ||
|
| ||||
|
Ötən əsrin 80-cı illərində stansiya kimi salınan və uzun müddət əhali tərəfindən “Vağzal” kimi tanınan Yevlax XIX əsrin sonu XX əsrin əvvələrinə aid rəsmi sənədlərdə və mənbələrdə Yelizavetpol quberniyasının Yevlax məntəqəsi və ya Yevlax stansiyası, sonra Yelizavetpol quberniyasının Yevlax kəndi, 1920-ci ildən isə Cavanşir qəzasının Yevlax kəndi adlanmışdır. Azərbaycan SSR MİR-nin qərarı ilə 1935-ci ilin 20 fevral tarixində Yevlax rayonu təşkil edilmişdir. 1939-cu ilin fevral ayının 1-də Azərbaycan SSR Ali Sovetinin qərarına əsasən Yevlaxda Şəhər Soveti yaradılmaqla, Yevlaxa şəhər adı verilmişdir. 1962-ci il dekabrın 26-da çağrılmış Azərbaycan SSR Ali Sovetinin X sessiyasının qərarı ilə Yevlax rayonu ləğv edilərək ərazisi Ağdaş, Bərdə və Qasım İsmayılov rayonlarına verilmiş, Yevlax respublika tabeli sənaye şəhərinə çevrilmişdir. 1965-ci ildə Yevlax yenidən müstəqil rayona çevrilmişdir. [Davamı...] |
Yevlax coğrafi mövqeyinə görə Azərbaycanın mərkəzində mühüm kommunikasiyaların kəsişməsində yerləşməklə qədim yaşayış məskənlərindən biridir. Rayon kimi 1935-ci ilin fevral ayından fəaliyyət göstərir. Yevlax eyni zamanda respublika tabeli şəhərdir. Yevlax rayonu Ağdaş, Bərdə, Tərtər, Goranboy, Samux, Qax, Şəki rayonları ilə həmsərhəddir. Rayon 1 şəhər, 3 qəsəbə və 46 kənddən ibarətdir. [Davamı...] | ||||
|
| ||||
|
Yevlax rayonunda 57 ümumtəhsil məktəbi var. Bu məktəblərdə 16788 şagirdə 2033 nəfər müəllim dərs deyir. Məktəblərdən 40-ı orta, 9-u əsas, 8-i ibtidai məktəbdir. Bu məktəblərdən 10-u şəhərdə, 47-si rayonun qəsəbə və kəndlərində yerləşir. 2004-2019-cu illər ərzində rayonda 23 yeni məktəb binası tikilmiş, 7 məktəb əsaslı şəkildə təmir olunmuş, 3 məktəbdə əlavə sinif otaqları inşa olunmuş, Ərəbbəsrə kəndində modul tipli məktəbin quraşdırılmış və istifadəyə verilmişdir. Şəhərdə 2 məktəbdənkənar müəssisə fəaliyyət göstərir: Uşaq Gənclər Yaradıcılıq Mərkəzi və Uşaq Gənclər Şahmat İdman Məktəbi Rayonda 26 məktəbəqədər tərbiyə müəssisəsi fəaliyyət göstərir. Bunlardan 8-i şəhərdə, 18-i kəndlərdə yerləşir.Təhsilin inkişafında göstərdiyi xidmətlərə görə Azərbaycan Respublikası Prezidentinin sərəncamları ilə 11 nəfər müəllim “Əməkdar müəllim” fəxri adına layiq görülmüş, 10 nəfər müəllim “Tərəqqi” medalı ilə təltif edilmişdir. [Davamı...] |
Yevlax şəhərində bir sıra mədəniyyət müəssisələri fəaliyyət göstərir. Rayon əhalisinə 35 kitabxana xidmət göstərir. Onlardan 10-u şəhərdə, 25-i kəndlərdə yerləşir. Kitabxanaların kitab fondunda 165255 nüsxə ədəbiyyat vardır. Milli adət-ənənələrimizin təbliği, əhaliyə mədəni xidmətin göstərilməsi, milli musiqi mədəniyyətimizin öyrənilməsi ilə 1 Saray, 1 Mədəniyyət Mərkəzi, 1 Yaradıcılıq evi , 14 mədəniyyət evi, 15 klub və 6 musiqi məktəbi məşğul olur. Yevlax şəhərində 2 muzey fəaliyyət göstərir: Ulu öndərimiz Heydər Əliyevin siyasi irsinin gənc nəslə öyrədilməsində xüsusi əhəmiyyət daşıyan Heydər Əliyev Mərkəzi 2005-ci ildən fəaliyyət göstərir. Tarixi əhəmiyyətə malik əşyaların toplandığı Tarix–Diyarşünaslıq muzeyi 2005-ci ildən fəaliyyət göstərir. [Davamı...] | ||||
|
| ||||
|
Azərbaycan Respublikası Prezidentinin 2016-cı il 29 noyabr 2016-cı il tarixli Fərmanına uyğun olaraq 1 fevral 2017-ci il tarixdən pilot layihə kimi Yevlax rayonunda Icbari Tibbi Sığortanın tətbiqinə başlanılmışdır. Layihənin tətbiqinə başlandığı vaxtdan ötən müddət ərzində Rayon Mərkəzi Xəstəxanasında, 6 Ailə Sağlamlıq Mərkəzində (Aran qəsəbəsində, Xaldan, Malbinəsi, Balçılı, Nemətabad və Qaramanlı kəndlərində) və Ağciyər xəstəlikləri xəstəxanasında 141 həkim, 286 orta tibb işçisi əhalinin sağlamlığının qayğısına qalır. Səhiyyənin inkişafında göstərdiyi xidmətlərə görə Azərbaycan Respublikası Prezidentinin sərəncamları ilə 3 nəfər həkim “Əməkdar həkim” fəxri adına layiq görülmüşdür. [Davamı...] |
Rayonda idmanın 9 növü (sərbəst güləş, yunan-roma güləşi, sambo, cüdo, futbol, voleybol, ağır atletika, taekvando, şahmat) ilə 3664 nəfər məşğul olur ki, onlardan 721 nəfəri qızlardır. Rayon idmançılarından 2012-ci ildə şahmat idman növü üzrə gənclər arasında Fariz Əhmədov ölkə çempionu olmuşdur. İdmanın ağır atletika növü üzrə İsmayılov Hüseyn gənclər arasında 2017-ci ildə Azərbaycan çempionu və Avropa çempionatında III yer tutmuşdur. [Davamı...]
| ||||
|
| ||||
İstinadlar
- ↑ Президиум Верховного Совета Азербайджанского ССР. "Азербайджанская ССР, Административно-территориальное деление на 1 января 1961-го года". Азербайджанское государственное издательство, Баку, 1961, стр. 8
- ↑ "Yevlax haqqında". 2022-04-08 tarixində arxivləşdirilib. İstifadə tarixi: 2012-12-13.
- ↑ "Yevlax rayon icra hakimiyyəti". 2021-01-19 tarixində arxivləşdirilib. İstifadə tarixi: 2020-09-14.