Praqa (tort)

Praqa tortu
Praqa tortu
Aid olduğu milli mətbəxlər
	Rusiya mətbəxi, Sovet mətbəxi
Mənşəyi	SSRİ;
Təfərrüatları
Tipi	Tort

Praqa — xüsusilə də, SSRİ dövründə Rusiya və digər postsovet ölkələrində məşhur olan şokoladlı tort.

Tarixi

Bu tortun adı Praqa olduğundan çoxumuz elə bilirik ki, Çexiya mətbəxinə aiddir. Lakin, "Praqa" tortunun Praqaya heç aidiyyatı yox imiş. Tortun müəllifi “Quş südü” kimi onlarla məşhur sovet reseptlərinin yaradıcısı olan rus kulinarı Vladimir Quralnikdir.

Hazırlanması

Ərzaqlar

Krem üçün:

Kərə yağı – 200 qr.
Qatılaşdırılmış süd – 0,5 banka
Kakao – 1 x.q.

Qlazur üçün ərzaqlar:

Kərə yağı – 50 qr.
Şəkər tozu – 4 x.q.
Süd – 3 x.q.
Kakao – 1 x.q.

Biskvit üçün ərzaqlar:

Yumurta – 3 ədəd
Şəkər tozu – 1 st.
Qatılaşdırılmış süd – 0,5 st.
Xama – 1 st.
Soda – 1 ç.q.
Un – 1.5 st.
Kakao – 2 x.q.

Hazırlanma qaydası

Kremin hazırlanması üçün kərə yağı, qatılaşdırılmış süd və kakao mikserdə yaxşıca çalınır. Qlazurun hazırlanması üçün bütün ərzaqlar qarışdırılır. Xəmirin hazırlanması üçün yumurtalar şəkər tozu ilə çalınır. Üzərinə qatılaşdırılmış süd, xamada söndürülmüş çay sodası tökülür, çalınır. Un, kakao əlavə edilir və qarışdırılır. Formanın içinə kağız sərilir və yağlanır. Xəmir ora tökülür və 180 dərəcədə 25-30 dəqiqə bişirilir. Biskvit soyuyandan sonra səliqə ilə 3 hissəyə bölünür. Aralarına bol krem çəkilir, ən sonra üzərinə qlazur süzülür. Tortu özünü bir qədər tutmaq üçün soyuducuya qoyulur.