Prokliyan gölü

Prokliyan gölü (xorv. Prokljansko jezero) — Xorvatiyanın Dalmaçiya regionunda, Skradin və Şibenik şəhərlərinin yaxınlığında yerləşən göl.

Prokliyan gölü
xorv. Prokljansko jezero
Ümumi məlumatlar
Mütləq hündürlüyü	500 m
Sahəsi	11,1 km²
Dərin yeri	25 m
Tökülən çaylar	Krka, Quduça
Yerləşməsi
43°52′45″ şm. e. 15°55′21″ ş. u.
Ölkə	Xorvatiya
Region	Dalmaçiya
Yerləşməsi	Skradin Şibenik
Prokliyan gölü
Vikianbarda əlaqəli mediafayllar

Coğrafiyası

Prokliyan gölü Xorvatiyanın ən böyük 3-cü gölüdür. Krka Milli Parkında və Krka çayının cənubunda yerləşən göl, 11,1 kvadrat kilometrlik bir sahəni əhatə edir. Dəniz səviyyəsindən yüksəkliyi 0,5 metrdir. Gölün ən dərin yeri 25 metrdir. Gölün dənizlə əlaqəsi olmasına baxmayaraq yüksək duzluluq dərəcəsinə sahib deyil. Gölün aşağı təbəqələrində su duzludur, səthinin yaxınlığında isə şirinsu mövcuddur. Gölün şimal hissəsi dayazdır. Gölün şimal hissəsinin orta dərinliyi təxminən 4 metrdir. Cənub hissəsi isə 20 ilə 25 metr arasındadır. Gölün əsas qolu, mənbəyi Bosniya və Herseqovina-Xorvatiya sərhədinin yaxınlığında yerləşən Krka çayıdır. Çay Knin şəhərindən keçərək, Skradin şəhərinin yaxınlığında yerləşən Prokliyan gölünə axır.

Görməli Yerləri

Gölün şimal hissəsində antik dövrdən orta əsrlərə qədər gedib çatan xarabalıqlara sahib olan Stipanas adında kiçik bir adacıq mövcuddur.

İqtisadiyyatı

Krka Milli Parkı, Skradin şəhərindən təxminən on beş kilometr uzaqlıqda yerləşən və hər il təxminən 700 min ziyarətçini cəzb edən məşhur bir turizm mərkəzidir.

Balıqçılıq

Prokliyan gölündə bütün il balıq ovçuluğu olur. Şirinsu və duzlu suya sahib olduğundan ötəri bu balıqlar ovlanılır:

• Çipura balığı
• Pilot balığı
• Adi palamud
• Tuna balığı
• Kalmar
• Anguillidae
• Treska balığı
• Kumja balığı