Petır Stefanov Stoyanov (bolq. Петър Стефан Стоянов; 25 may 1952(1952-05-25)[1][2], Plovdiv) — bolqar siyasətçisi, Bolqarıstanın 3-cü prezidenti (1997-2002)

Pyotr Stoyanov
Петър Стоянов
Petar stoyanov (1).jpg
bayraqBolqarıstanın III prezidentibayraq
19 yanvar 1997 — 22 yanvar 2002
Vitse-prezident Todor Kavalciyev
Sələfi Jelyu Jelev
Xələfi Georgi Pırvanov
Şəxsi məlumatlar
Partiya Demokratik Qüvvələr Birliyi
Təhsili
Doğum tarixi 25 may 1952
Doğum yeri Plovdiv, Bolqarıstan
Həyat yoldaşı Antonina Stoyanova
Elmi fəaliyyəti
Elm sahəsi siyasətçi
Commons-logo.svg Vikianbarda əlaqəli mediafayllar

HəyatıRedaktə

Pyotr Stoyanov 1952-ci il may ayının 25-də Plovdivdə anadan olub. 1976-cı ildə Kliment Oxridski adına Sofiya Universitetinin hüquq fakültəsini bitirib. Bundan sonra Plovdivdə vəkil işləyib.

1992-ci ildə 1944-cü ildən o dövrə qədər Bolqarıstanda mövcud olmuş və Filip Dimitrovun rəhbərlik etdiyi ilk qeyri-kommunist hökumətdə ədliyyə naziri vəzifəsini tutub. Bolqarıstanın Demokratik Qüvvələr Birliyinin üzvü olub.

1994-cü ildə 34-cü Xalq Toplantısına (Bolqarıstan parlamentinə) deputat seçilib. Elə həmin ildən Bolqarıstan DQB sədrinin müavini, turizm, gənclər və idman nazirinin müavini vəzifələrini tutub. 1996-cı ildə DQB-də keçirilən ilkin prezident seçkilərini 66% səs çoxluğu ilə qazanın və partiyanın Bolqarıstan prezidentliyinə namizədi olub.

1996-cı il noyabrın 2-də keçirilən prezident seçkilərində Stoyanov seçicilərin 59,73 %-nin (2 502 517) səsini qazanaraq Bolqarıstan prezidenti seçilib. 1997-ci il yanvar ayının 19-dan vəzifəsinin icrasına başlayıb və Todor Kavalciyevi vitse-prezident vəzifəsinə təsdiq edib.

Pyotr Stoyanov 2001-ci ildə də Bolqarıstan prezidentliyinə öz namizədliyini irəli sürüb. Amma ikinci turda Georgi Pırvanova məğlub olub. 2005-ci ildə Smolyan və Plovdiv dairələrindən yenidən Bolqarıstan parlamentinə deputat seçilib, 2007-ci ilə qədər DQB-nin rəhbəri olub.

Pyotr Stoyanov fəal surətdə internetdən istifadə edir. İngilis və alman dillərini bilir. Antonina Stoyanova ilə evlidir. İki övladı var. O, Danimarka krallığının "Fil ordeni" kavaleridir.

  1. Munzinger-Archiv — 1913.
  2. Brockhaus Enzyklopädie