Qımılqışlaq (Quba)

Qımılqışlaq — Azərbaycan Respublikasının Quba rayonunun inzibati ərazi vahidində kənd. Hacıhüseynli bələdiyyəsinin tərkibindədir.^[1]

Tarixi

Bu kənd Sovet vaxtı salınan kəndlərdən biridir. 1932-ci ildən Qımılqışlaq adlanır.

Qımılqışlaq oyk., mür.
Xaçmaz r-nunun eyniadlı i.ə.v.-də kənd. Samur-Dəvəçi ovalığındadır.
Yaşayış məntəqəsinin əsasını Quba rayonu Qımıl kəndindən olanlar qoymuşdur. Görünür, əvvəllər kəndin ərazisi Qımıl kəndinə məxsus qışlaq yeri olmuş, sonralar daimi yaşayış məntəqəsinə çevrilmişdir;
Quba r-nunun Hacıhüseynli i.ə.v.-də kənd. Qusar maili düzənliyindədir. Oykonim Qımıl (kənd adı) və qışlaq sözlərindən ibarət olub, “Qımıl kəndinin qışlağı, qımıllılara məxsus qışlaq” mənasındadır. Yaşayış məntəqəsinin əsasını Qımıl kəndindən olanlar qoymuşlar.
Əvvəllər Qazmalar, bir müddət Qımılpalasa da adlanmış, sonra isə palasa sözü qışlaq sözü ilə əvəz olunaraq indiki adını Qımılqışlaq almışdır.^[2]

Quba rayonu Qımılqışlaq kəndi, Xaçmaz rayonunun Qımılqışlaq kəndi ilə bitişik və eyni adlı kəndlərdir.
Kənd rayon mərkəzinə 25 km, Xaçmaz rayonuna 10 km məsafədədir. Məsafə yaxınlığına görə Xaçmaz rayonuna avtobus marşurut xətti ilə təmin olunub.
Kənd yolu 2019 - cu ildə Quba rayonu Hacıhüseynli kənd yoluna kimi asvaltlanmışdır.
Kənddə 11 illik tam orta məktəbi fəaliyyət göstərir.
Kənd kitabxanası fəaliyyət göstərir.

Əhalisi Qımıl qazma və Qımıl kəndlərindən köçənlərdir (60%). Kəndin 99%-i ləzgilərdir. 2009-cu ilin siyahıya alınmaya əsasən kənddə 656 nəfər əhali yaşayır.^[3]

Kənd əhalisi əsasən meyvəçiliklə qismən tərəvəzçiliklə və heyvandarlıqla məşğul olur.
Kənd təsərrüfatı suvarma suyu Samur - Abşeron kanalından təmin olunur.

↑ "Azərbaycan Respublikasında bələdiyyələrin siyahısı". 2012-01-11 tarixində orijinalından arxivləşdirilib. İstifadə tarixi: 2013-04-04.
↑ Azərbaycan Toponimlərinin Ensiklopedik Lüğəti. Azərbaycan Milli Elmlər Akademiyası. Nəsimi adına Dilçilik İnstitutu. Şərq-qərb Bakı-2007. səh.427
↑ Azərbaycan Respublikası Əhalisinin Siyahıyaalınması. Azərbaycan Respublikasının Dövlət Statistika Komitəsi. Bakı-2010. Səh.629