Qəhrəman bəy Arif

Qəhrəman bəy Arif
Qəhrəman bəy Arif
	Qəhrəman bəy Heydər bəy oğlu Arif
Doğum tarixi	1780
Doğum yeri	Şuşa
Vəfat tarixi	XIX əsr
Fəaliyyəti	şair

Qəhrəman bəy Heydər bəy oğlu Arif - (1780-?), şair.

Həyatı

Qəhrəman bəy Heydər bəy oğlu 1780-ci ildə Şuşa şəhərində anadan olmuşdu. İbtidai təhsilini molla yanında almışdı. Sonra mədrəsədə oxumuşdu. Müqəddəs Kərbəla torpağını ziyarət etmişdi. Şair idi. Arif təxəllüsü ilə xoştəb şeirlər yazırdı. Satirik, kinayəli, zəmanəsini qamçılayan şeirlərinə də rast gəlinir.

Ailəsi

Qəhrəman bəy Pəri xanımla ailə qurmuşdu. Sadıq bəy, Hüseynqulu bəy adlı oğlanları vardı.

Yaradıcılığı

Gövhər ağa İbrahimxəlil xan qızı 1824-cü ildə əmisioğlu Xankişi bəy Mеhrəli xan oğlu Sarıcalı-Cavanşirlə ailə qurmuşdu. Bu izdivacla bağlı şair Kərbəlayı Qəhrəman bəy Ağa Hеydər bəy oğlu Arif yazırdı:

Xərmöhrəyə layiq olmayan xər,
Səd hеyf cahanda tapdı gövhər.

Təqdiri-qəzaya qıl tamaşə,
Axır səni verdi cəhrəbaşə.

Mənbə

Ənvər Çingizoğlu, Heydər bəyin törəmələri (Heydərbəyovlar, Heydərzadələr), "Soy" еlmi-kütləvi dərgi, 2010, №5, səh.17-21

Həmçinin bax

Azərbaycan ədəbiyyatı