Sənan Qəhrəmanov
Sənan Nəsimi oğlu Qəhrəmanov (19 iyul 2004, Quba rayonu, Xucbala kəndi — 22 sentyabr 2023, Xankəndi şəhəri) — Azərbaycan Silahlı Qüvvələrinin müddətli həqiqi hərbi qulluqçusu. Lokal xarakterli anti-terror tədbirləri zamanı Xankəndi istiqamətində döyüşlərdə iştirak etmiş və şəhid olmuşdur.[1]
Sənan Qəhrəmanov | |
---|---|
Şəxsi məlumatlar | |
Doğum tarixi | |
Doğum yeri | Xucbala, Quba rayonu, Azərbaycan |
Vəfat tarixi | (19 yaşında) |
Vəfat yeri | Xankəndi |
Dəfn yeri | Quba rayonu Xucbala Kəndi |
Atası | Nəsimi Qəhrəmanov |
Hərbi fəaliyyəti | |
Mənsubiyyəti | Azərbaycan Ordusu |
Qoşun növü | Xüsusi Təyinatlı Qüvvələr |
Xidmət illəri | 2022–2023 |
Rütbəsi | Əsgər |
Döyüşlər | Qarabağda döyüşlər (2023) |
Təltifləri | |
|
Həyatı
redaktəSənan Qəhrəmanov 19 iyul 2004-cü ildə Quba rayonunun Xucbala kəndində anadan olmuşdur. 2011–2022-ci illərdə Quba rayonu, Xucbala kəndi, Zöhrab Əkbərov adına kənd orta məktəbində təhsil alıb.
Hərbi Xidməti
redaktəSənan Qəhrəmanov 19 iyul 2022-ci ildə Səfərbərlik və Hərbi Xidmətə Çağırış üzrə Dövlət Xidmətinin Quba rayon Hərbi Komissarlığı tərəfindən hərbi xidmətə çağırılmışdı. Azərbaycan Silahlı Qüvvələrinin sıralarında müddətli həqiqi hərbi xidmət edirdi.
Azərbaycan ordusunun əsgəri olan Sənan Qəhrəmanov 2023-cü il sentyabrın 19–20-də keçirilən antiterror əməliyyatında iştirak etmişdir. Sənan Qəhrəmanov 22 sentyabr 2023-cü ildə Xankəndi istiqamətində döyüş tapşırığını yerinə yetirilməsi zamanı qəhrəmancasına şəhid olmuşdur. Quba rayonunda dəfn edilmişdir.
Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Respublikasının Prezidenti İlham Əliyevin 15.12.2020-ci il tarixli Sərəncamına əsasən Sənan Qəhrəmanov ölümündən sonra "Vətən uğrunda" medalı və "3-cü dərəcəli "Vətənə xidmətə görə" ordeni" ilə təltif edildi.[2]
Təltifləri
redaktə07.11.2023 — Vətən uğrunda medalı (ölümündən sonra) 07.11.2023 — "Vətənə xidmətə görə" ordeni (Azərbaycan) (ölümündən sonra)
Həmçinin bax
redaktəİstinadlar
redaktə- ↑ "Antiterror tədbirlərində şəhid olmuş hərbi qulluqçuların siyahısı, sentyabr, 2023".
- ↑ "Azərbaycan Respublikası Silahlı Qüvvələri hərbi qulluqçularının və Daxili İşlər Nazirliyi əməkdaşlarının təltif edilməsi haqqında Azərbaycan Respublikası Prezidentinin Sərəncamı". 2023-11-07 tarixində arxivləşdirilib. İstifadə tarixi: 2023-11-29.