Qərib İnqilab oğlu Baxşəliyev (22 may 1977; Laçın, Azərbaycan6 noyabr 2020; Laçın, Azərbaycan) — Azərbaycan Silahlı Qüvvələrinin polkovnik-leytenantı, Vətən müharibəsinin şəhidi.

Qərib Baxşəliyev
Qərib Baxşəliyev.jpg
Şəxsi məlumatlar
Doğum tarixi
Doğum yeri Bakı şəhəri, Azərbaycan
Vəfat tarixi (43 yaşında)
Vəfat yeri Zəngilan, Azərbaycan
Dəfn yeri II Fəxri Xiyaban
Vətəndaşlığı Azərbaycan Azərbaycan
Hərbi fəaliyyəti
Mənsubiyyəti Azərbaycan Azərbaycan Ordusu
Qoşun növü Azərbaycan Quru Qoşunları
Xidmət illəri 1995—2020
Rütbə
Azərbaycan Silahlı Qüvvələrinin Quru Qoşunlarının polkovnik-leytenantı.png Polkovnik-leytenant
Döyüşlər Vətən müharibəsi
Təltifləri "Vətən uğrunda" medalı — 2020 I dərəcəli "Qüsursuz xidmətə görə" medalı II dərəcəli "Qüsursuz xidmətə görə" medalı III dərəcəli "Qüsursuz xidmətə görə" medalı "Azərbaycan Respublikası Silahlı Qüvvələrinin 10 illiyi (1991-2001)" yubiley medalı "Azərbaycan Respublikası Silahlı Qüvvələrinin 90 illiyi (1918-2008)" yubiley medalı "Azərbaycan Respublikası Silahlı Qüvvələrinin 95 illiyi (1918-2013)" yubiley medalı "Azərbaycan Ordusunun 100 illiyi (1918-2018)" yubiley medalı

HəyatıRedaktə

Qərib Baxşəliyev İnqilab oğlu 1977-ci il mayın 22-də Bakı şəhərində anadan olub.[1] Ailəli və üç övlad atası idi. Əslən Laçından olan Baxşəliyev Qərib İnqilab oğlu, ailənin yeganə oğul övladı idi. O,1984-1994-cü illərdə Bakı şəhəri Nərimanov rayonu 82 saylı orta məktəbdə təhsil alıb.

Hərbi xidmətiRedaktə

1995-ci ildə Bakı Ali Birləşmiş Komandanlıq Məktəbinə daxil olub və 1999-cu ildə həmin məktəbi zirehli tank silahları üzrə mühəndis-texnik ixtisası üzrə bitirib. 1999-cu ilin iyul ayından 2000-ci ilin dekabr ayına qədər Tərtər rayonunda 703 saylı hərbi hissədə motoatıcı taqım komandiri, 2000-ci ilin dekabr ayından 2002-ci ilin dekabr ayına qədər C.Naxçıvanski adına Hərbi Liseydə taqım komandiri, 2002-ci ilin dekabr ayından 2010-cu ilin yanvar ayına qədər C.Naxçıvanski adına Hərbi Liseydə tədris bölük komandiri, 2010-cu ilin yanvar ayından 2014-cü ilin fevral ayına qədər C.Naxçıvanski adına Hərbi Liseydə tərbiyəvi işlər bölməsində psixoloq vəzifələrində xidmət edib. 2014-cü ilin fevral ayından C.Naxçıvanski adına Hərbi Liseydə Şəxsi Heyətlə iş üzrə şöbənin psixoloqu-şöbə rəisinin baş köməkçisi vəzifəsində xidmət edib. 2016-2019-cu illərdə Naxçıvan Muxtar Respublikasında, daha sonra isə Bakıda Heydər Əliyev adına ali hərbi məktəbdə hərb tarixindən dərs deyib. Ordumuz üçün zabit heyətinin hazırlanmasında bilik və bacarıqlarını əsirgəməyib.

Sentyabrın 27-də başlayan Vətən müharibəsinə, iki gün sonra Q.Baxşəliyev də qoşulmuş, vətənə olan sevgisi onu daim mübarizəyə vadar etmişdir. Müharibənin ağırlığını, məsuliyyətini dərk edərək, döyüş zamanı yoldaşlarını daim ruhlandırmış, mənəvi, psixoloji gərginliyin aradan qaldırılmasında onlara dayaq durmuş, əsgərləri ilə böyük qardaş kimi rəftar etmişdir. Vətən həsrətini, eləcə də Ermənistan işğalının xalqımızın başına gətirdiyi facələri əsgərlərinə daim xatırladaraq, hər birində düşmənə qarşı mübarizə hissini, torpaqlarımızı azad edəcəkləri halda şanlı bir tarixin yazılmasinda paylarının olacağını onlara aşılamışdır.

Q.Baxşəliyevin simasında xoş bir aura, xasiyyətindəki mülayimlik, insanlara qarşı sevgı hissi onu "Qızıl adam" ləqəbi ilə tanıtdırmışdır. [2]

Qərib Baxşəliyev hərbi xidmətinin ilk illərində Tərtər rayonunda xidmət edib. Həmin dövrlərdə Tərtər ərazisində atəşkəs tez-tez pozulurdu və belə pozuntuların birində tankın içində kantuziya alıbdır. Bundan sonra baş leytenant rütbəsi ilə Cəmşid Naxçıvanski adına hərbi litseydə bölük komandiri vəzifəsində xədmətə başlamışdır (o zaman ki 3-cü bölüyün komandiri). 2010-cu illərdə Cəmşid Naxçıvanski adına litseydə hərb tarixi dərsini tədris etməyə başlamışdır. Polkovnik-leytenant rütbəsinə qədər yüksəlmişdir.

Azərbaycan Ordusunun polkovnik-leytenantı olan Qərib Baxşəliyev 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsi zamanı bir neçə rayonun azad olunması uğrunda döyüşlərdə iştirak edib. Qərib Baxşəliyev Noyabrın 6-da Zəngilan döyüşləri zamanı şəhid olub. Qərib Baxşəliyevin nəşi bir aydan çox erməni tərəfində girovluqda saxlanıldı. Uzun müddət davam edən danışığlardan sonra onun nəşi dekabrın 8-də ailəsinə təhvil verildi və II Fəxri Xiyabanda dəfn olundu.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Qərib Baxşəliyev ölümündən sonra "Vətən uğrunda" medalı ilə təltif edildi.[3]

TəltifləriRedaktə

İstinadlarRedaktə

  1. "Vətən müharibəsində şəhid olan hərbi qulluqçuların siyahısı" (PDF)(azərb.)). 08.12.2020. 2020-12-08 tarixində arxivləşdirilib (PDF). İstifadə tarixi: 08.12.2020.
  2. http://azhistorymuseum.gov.az//index.php?mod=5&id=3826[ölü keçid]
  3. "Azərbaycan Silahlı Qüvvələrinin hərbi qulluqçularının "Vətən uğrunda" medalı ilə təltif edilməsi haqqında Azərbaycan Prezidentinin 15.12.2020-ci il tarixli Sərəncamı"(azərb.)). 15.12.2020. 2020-12-15 tarixində arxivləşdirilib. İstifadə tarixi: 15.12.2020.
  4. "Azərbaycan Silahlı Qüvvələrinin hərbi qulluqçularının "Vətən uğrunda" medalı ilə təltif edilməsi haqqında Azərbaycan Prezidentinin 15.12.2020-ci il tarixli Sərəncamı"(azərb.)). 15.12.2020. 2020-12-17 tarixində arxivləşdirilib. İstifadə tarixi: 15.12.2020.