Əsas menyunu aç


Dolaşa və ya qarğa (lat. Corvus) – sərçəkimilər dəstəsinin qarğalar fəsiləsinə aid quş cinsidir.

Bir-birinə yaxın olan iki növü var: adi dolaşa (Corvus monedula) və Dauriya dolaşası (Corvus daurica).

Bədəninin uzunluğu 22—23 sm, kütləsi 150—200 q-dır. Tükü yumşaqdır. Rəngi metal parıltılı qara, döşü bozumtul-qara, ağ və ya qara olur. Boynunda yarımhəlqəvi ağ zolaq var. Adi dolaşa Avropa, Asiya və Şimal-Qərbi Afrikada yaşayır. Azərbaycanda dolaşalar düzənliklərdə yayılmışdır. Monoqamdırlar. Köçəri, bəziləri isə oturaq quşlardır. Koğuşlarda, evlərin damında koloniyalarla yaşayır. İldə bir dəfə aprel-may aylarında 3-6 yumurta qoyurlar. 16 gün kürt yatır. Dolaşa bitki və cücülərlə qidalanır.