Qarışıq quşarmudu

Qarışıq quşarmudu (lat. Sorbus commixta) — bitkilər aləminin gülçiçəklilər dəstəsinin gülçiçəyikimilər fəsiləsinin quşarmudu cinsinə aid bitki növü.

Qarışıq quşarmudu
Elmi təsnifat
Domen: Eukariotlar Klad: Diaphoretickes Ranqsız: Arxeplastidlər Aləm: Bitkilər Klad: Streptofitlər Klad: Ali bitkilər Klad: Çoxsporlu bitkilər Klad: Borulu bitkilər Klad: Toxumlu bitkilər Klad: Çiçəkli bitkilər Klad: Evdikotlar Klad: Bazal evdikotlar Klad: Superrozidlər Klad: Rozidlər Klad: Fabidlər Dəstə: Gülçiçəklilər Fəsilə: Gülçiçəyikimilər Yarımfəsilə: Gavalıkimilər Triba: Maleae Yarımtriba: Malinae Cins: Quşarmudu Növ: Qarışıq quşarmudu
Beynəlxalq elmi adı
Sorbus commixta Hedl., 1901
Şəkil axtarışı ITIS   836435 NCBI   186521 EOL   628743

Təbii yayılması

Saxalın, Yaponiya, Koreyada rast gəlinir.

Botaniki təsviri

Hündürlüyü 7-10 m-dək (bəzən 18 m çatır) olan, yarpağını tökən ağacdır. Çətiri yumru və uzun, qabığı qonur gümüşü-boz rənglidir. Yarpaqların uzunluğu 20-30 sm, lələkvari formalı, 9-13 lansetvari yarpaqlı, ucu biz və kənarları dişlidir. Payızda yarpaqları tünd bənövşəyi və ya qırmızı rəngli olur. Çiçəklərin diametri 6-10 mm, beş ağ ləçəkli və 20 sarımtıl-ağ erkəkcikli, yazda və ya yayda diametri 9-15 sm olan qalxan əmələ gətirir. Meyvəsi diametri 7-8 mm olan, parlaq qırmızı giləmeyvədir, payızda yetişir.

Ekologiyası

Şaxtaya davamlılıq dərəcəsi 5-9. Nəmişli, drenajlı, günəşli yerdə yaxşı bitir.

Azərbaycanda yayılması

Azərbaycanda bir çox rayonlarda mədəni şəraitdə becərilir.

İstifadəsi

Dekorativ bitkidir. Tək və qrup əkinlərində, magistral yolkənarlarında sənaye müəssisələrində yaşıllaşdırılmasında istifadə olunur.