Qarabağ 0–0 İnter Milan
Qarabağ–İnter Milan 0:0 — UEFA Avropa Liqası 2014/2015 qrup mərhələsinin 6-cı turunda 11 dekabr 2014-cü ildə Bakıda keçirilmiş qarşılaşma. Oyundan əvvəl "Qarabağ" 5 xalla qrupda ikinci, "İnter Milan" 11 xalla birinci yerdə idi.
| Qarabağ 0–0 İnter Milan | |||||||
|---|---|---|---|---|---|---|---|
 Oyunun başlamasından əvvəl stadiondan görüntü | |||||||
| Turnir | UEFA Avropa Liqası 2014/2015 qrup mərhələsi | ||||||
|
|||||||
| Tarix | 11 dekabr 2014 | ||||||
| Yer | Tofiq Bəhramov adına Respublika Stadionu, Bakı | ||||||
| Hakim | Miroslav Zelinka | ||||||
| Tamaşaçı | 31.200[1] | ||||||
Arxa plan
redaktə"Qarabağ" 2013-14 mövsümündə Azərbaycan Premyer Liqasının qalibi olaraq UEFA Çempionlar Liqasında iştirak etmək hüququ qazanıb. I təsnifat mərhələsində Maltanın "Valletta" klubunu mübarizədən kənarlaşdırıb. II mərhələdə Avstriyanın "Red Bull Zalsburq" klubuna məğlub olaraq mübarizəni UEFA Avropa Liqasının pley-off mərhələsində davam etdirib. Bu mərhələdə Niderlandın "Tvente" klubunu mübarizədən kənarlaşdıraraq tarixində ilk dəfə UEFA Avropa Liqasının qrup mərhələsinə vəsiqə qazanıb.[2]
"İnter Milan" İtaliya A seriyasının 2013-14 mövsümünü 5-ci yerdə başa vuraraq UEFA Avropa Liqasının pley-off mərhələsinə vəsiqə qazanıb.[3] Bu mərhələdə İslandiyanın "Styarnan" klubunu məğlub edərək qrup mərhələsinə yüksəlib.[4]
3 oktyabr 2014-cü ildə "Qarabağ" və "İnter" arasında Milanda keçirilmiş ilk oyunda "İnter" Danilo D'Ambrozio və Mauro İkardinin qolları ilə 2-0 hesabı ilə qələbə qazanmışdı.[5]
Oyundan əvvəl
redaktəBu oyuna qədər "İnter" 11 xal toplayaraq növbəti mərhələyə vəsiqəni təmin etmişdi. "Qarabağ" qrupda 5 xalla ikinci pillədə idi. "Qarabağ" məğlub olacağı təqdirdə növbəti mərhələ şansını itirirdi. Oyunda heç-heçə olacağı halda isə qrupda keçirilən digər oyunun nəticəsindən asılı olaraq növbəti mərhələyə yüksələ bilərdi. "Dnepr"-"Sent-Etyen" oyunu da heç-heçə başa çatsa idi, "Qarabağ" ikinci pillənin sahibi kimi növbəti mərhələyə yüksələcəkdi.[2] Qrupda vəziyyət aşağıdakı kimi idi:
| Komanda | X | O | Q | H | M | VQ | BQ | QF |
|---|---|---|---|---|---|---|---|---|
 İnter Milan FK
|
11 | 5 | 3 | 2 | 0 | 6 | 2 | +4 |
 Qarabağ FK
|
5 | 5 | 1 | 2 | 2 | 3 | 5 | -2 |
 Sent-Etyen FK
|
5 | 5 | 0 | 5 | 0 | 2 | 2 | 0 |
 Dnepr FK
|
4 | 5 | 1 | 1 | 3 | 3 | 5 | -2 |
Oyun
redaktəOyun saat 21:00-da Bakıda Tofiq Bəhramov adına Respublika Stadionunda başlayıb. Qarşılaşmanı 31200 azarkeş izləyib. Oyunun Oyunun 18-ci dəqiqəsində "Qarabağ"ın yarımmüdafiəçisi Namiq Ələsgərov sarı vərəqə alıb. 43-cü dəqiqədə "Qarabağ"ın hücumçusu Vüqar Nadirov zədələnərək oyunu davam etdirə bilməyib. Namiq Yusifov onun yerinə oyuna daxil olub. İlk hissə 0-0 hesabı ilə başa çatıb.
İkinci hissədə, 60-cı dəqiqədə Qurban Qurbanov daha bir futbolçunu əvəzləyib. Namiq Ələsgərovun əvəzinə oyuna İlqar Qurbanov daxil olub.
Oyunun ikinci hissəsinə əlavə edilmiş 3-cü dəqiqədə Riçard Almeyda "İnter"in qapısına qol vursa da, hakimlər bu qolu qeydə almayıb və oyun 0-0 hesabı ilə başa çatıb.[6]
Oyunun nəticələri
redaktə| 11 dekabr 2014 21:00 UTC+04:00 |
|
Tofiq Bəhramov adına Respublika Stadionu, Bakı, Azərbaycan Tamaşaçı: 31200 Hakim:  Miroslav Zelinka |
|
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Statistika
redaktə| Statistika | Qarabağ | İnter Milan |
|---|---|---|
| Qollar | 0 | 0 |
| Ümumi zərbələr | 6 | 9 |
| Çərçivəyə zərbələr | 3 | 3 |
| Qapıçı seyvləri | 1 | 3 |
| Topa yiyələnmə | 43 % | 57 % |
| Küncdən zərbələr | 8 | 3 |
| Qayda pozuntuları | 18 | 16 |
| Oyundan kənar vəziyyətlər | 2 | 3 |
| Sarı kartlar | 1 | 0 |
| Qırmızı kart | 0 | 0 |
Oyundan sonra
redaktəOyun 0-0 hesabı ilə başa çatdıqdan və paralel keçirilən "Dnepr"-"Sent-Etyen" qarşılaşmasında "Dnepr" 1-0 hesabı ilə qələbə qazandıqdan sonra qrupda "İnter" və "Dnepr"in növbəti mərhələyə keçdiyi rəsmiləşdi.[8] Qrupda son vəziyyət aşağıdakı kimi oldu:
| Komanda | X | O | Q | H | M | VQ | BQ | QF |
|---|---|---|---|---|---|---|---|---|
| İnter Milan FK
|
12 | 6 | 3 | 3 | 0 | 6 | 2 | +4 |
| Dnepr FK
|
7 | 6 | 2 | 1 | 3 | 4 | 5 | -1 |
| Qarabağ FK
|
6 | 6 | 1 | 3 | 2 | 3 | 5 | -2 |
| Sent-Etyen FK
|
5 | 6 | 0 | 5 | 0 | 2 | 3 | -1 |
Şikayət
redaktəOyun başa çatdıqdan sonra "Qarabağ" son dəqiqələrdə vurulan, amma sayılmayan qola görə UEFA-ya şikayət edib.[9] 5 fevral 2015-ci ildə UEFA Nəzarət və Nizam-İntizam Komitəsinin iclasında bu məsələyə baxılıb. UEFA "Qarabağ"ın şikayətini qəbul etməyib, oyunun təkrar keçirilməməsi və hakimlərin cəzalandırılmaması qərara alınıb.[10][11]
İstinadlar
redaktə- ↑ "Qarabağ 0–0 Internazionale". Voetbalkrant (Dutch). 11 dekabr 2014. 13 iyul 2015 tarixində orijinalından arxivləşdirilib. İstifadə tarixi: 19 dekabr 2014.
- ↑ 1 2 "Qarabağ üçün son addım - ya ölüm, ya qalım!". www.azerisport.com (az.). 11 dekabr 2014. 2024-08-31 tarixində arxivləşdirilib. İstifadə tarixi: 31 avqust 2024.
- ↑ "Inter 4-1 Lazio". inter.it. 10 may 2014. 12 May 2014 tarixində arxivləşdirilib. İstifadə tarixi: 7 sentyabr 2024.
- ↑ Emanuele Gamba. "Toro in festa, basta un rigore l'Inter si diverte, tris di Kovacic". la Repubblica (italyan). 29 avqust 2014. səh. 50.
- ↑ "Inter experience tells against Qarabağ". UEFA.com (ingilis). 2 oktyabr 2014. 2024-08-31 tarixində arxivləşdirilib. İstifadə tarixi: 24 avqust 2024.
- ↑ "Hakimlər "Qarabağ"a imkan vermədilər". Trend.Az (az.). 11 dekabr 2014. 2024-09-07 tarixində arxivləşdirilib. İstifadə tarixi: 7 sentyabr 2024.
- ↑ "History: Qarabağ 0-0 Inter | UEFA Europa League 2014/15". UEFA.com (ingilis). 2024-08-24 tarixində arxivləşdirilib. İstifadə tarixi: 27.08.2024.
- ↑ "Hakim bizi məyus etdi". Oxu.az (az.). 11 dekabr 2014. İstifadə tarixi: 19 oktyabr 2024.
- ↑ "UEFA "Qarabağ"ın müraciətinə baxacaq". qol.az (az.). Qol.az. 15 dekabr 2014. İstifadə tarixi: 19 oktyabr 2014.
- ↑ "UEFA "Qarabağ"ın müraciətinə bu gün baxır". qol.az (az.). 5 fevral 2015. İstifadə tarixi: 19 oktyabr 2024.
- ↑ "UEFA Qarabağın şikayətini qəbul etmədi". www.azerisport.com (az.). 5 fevral 2015. 2015-02-09 tarixində arxivləşdirilib. İstifadə tarixi: 19 oktyabr 2024.
