Qaralama:Ukrayna Prezidentinin Ofisinin binası
| Ukrayna Prezidentinin Ofisinin binası | |
|---|---|
| ukr. Будівля Офісу Президента України | |
 Ukrayna Prezidentinin Ofisinin binası | |
| Ölkə |
 Ukrayna |
| Şəhər | Şablon:Gerbifikasiya/Kiyev |
| Tikilmə tarixi | 1936—1939 |
| Tipi | Mədəni |
| Dövlət | Ukrayna |
| Region | Avropa |
| Kateqoriya | Qala |
| Əhəmiyyəti | Dünya əhəmiyyətli |
|
|
|
Ukrayna Prezidentinin Ofisinin binası – Ukraynanın paytaxtı Kiyevdə, Bankovaya küçəsi, 11 ünvanında yerləşən bina. Bina 1936-1939-cu illərdə, təməli 1870-ci illərdə qoyulan başqa bir binanın bünövrəsi üzərində ucaldılıb. Binada hal-hazırda əvvəlcə Leonid Kravçuk tərəfindən 13 dekabr 1991-ci ildə (6/1991 saylı fərman) Ukrayna Prezidentinin Administrasiyası kimi yaradılmış qurum olan Ukrayna Prezidentinin Ofisi yerləşir.
Tarixi redaktə
Bankovaya küçəsində ilk bina XIX əsrin 70-ci illərində bmemar Aleksandr Şiele tərəfindən layihələndirilmişdir.
Bu illər ərzində burada tanınmış hərbi rəhbərlər çalışıb. 1917-ci il inqilabından əvvəl Rusiya İmperiyasının generalları Mixail Alekseev, Mixail Draqomirov və Vladimir Suxomlinov burada işləmişdir. 1918-ci ildə Ukrayna Xalq Respublikası Ordusunun Baş Qərargahı Hetman Pavlo Skoropadskinin rəhbərliyi dövründə burada yerləşirdi. Qərargah üzvləri arasında Ukraynanın görkəmli hərbi rəhbərləri - Ukrayna Xalq Respublikası Ordusunun komandiri general Vasili Tyutyunnik, general Mark Bezruçko, polkovnik Yevgeni Meşkovski var idi.
Müasir bina XIX əsrə aid tikilinin bünövrəsi üzərində ucaldılıb. Sovet dövründə burada Aleksandr Yeqorov, İona Yakir, Vasili Blyuxer, Georgi Jukov və Nikolay Vatutin işləyirdi. Kiyevin faşistlər tərəfindən işğalı zamanı Kiyev Baş Komissarlığı da Bankovaya, 11 ünvanında yerləşirdi. Böyük Vətən müharibəsindən sonra Bankova küçəsindəki binada Ukrayna Kommunist Partiyasının Mərkəzi Komitəsi yerləşirdi. Məhz burada Ukrayna Kommunist Partiyası Mərkəzi Komitəsinin birinci katibləri Nikita Xruşşovun, Leonid Melnikovun, Aleksey Kiriçenkonun, Nikolay Podqornının, Pyotr Şelestin və Vladimir Şerbitskinin kabinetləri yerləşirdi.
Memarlıq redaktə
Çağdaş bina 1936-1939-cu illərdə Böyük Vətən müharibəsi ərəfəsində Kiyev Əlahiddə Hərbi Dairəsinin qərargahı üçün ucaldılmışdır. Layihənin müəllifi memar Sergey Qriqoryevdir. Onun köməkçisi akademik memar Boris Jejerin idi, o, da Konça-Zaspa saray-sanatoriyasının və Ukrayna Milli Ekspo Mərkəzinin əsas pavilyonunun tikintisinin müəllifi olmuşdu.
XIX əsrin simmetrik tikililərinin qorunub saxlanmış bünövrəsi üzərində yeni divarlar tikilmiş və bina yenidən qurulmuş struktur kimi layihələndirilmişdir. Yeni bina uzadılmış artırmalar və kompozisiyanın mərkəzində böyük korinf ordeninin daxili sütunlu böyük bir risaliti əldə edir. Binanın imperativ monumentallığı ağır antablaturası, altlığın cilalanmış labradoritlə örtülməsi və boz rəngli “xəz palto” suvağı ilə vurğulanır. Əsas girişin portal artırmaları və əlavə edilmiş dörd cilalanmış daş top da əzəməti dahada artırırdı. Memar bütün təfərrüatları o qədər dəqiq hesablayır ki, nəhəng bina dar küçədə yerləşməsinə baxmayaraq, ətrafı öz əzəməti ilə nəinki əzməyib, həm də bütün nöqtələrdən aydın görünür: İnstitutskaya və Lüteranskaya küçələrindən, qonşuluqdakı Franko meydanından və uzaq Mixaylovskaya meydanından.
Bina “Görkəmli Stalin kommunist-sovet monumental ampfirinin qədim Roma stilizasiyası” üslubunda, kommunist rejiminin böyüklüyünü, qüdrətini və əbədiliyini simvolizə etmək üçün nəzərdə tutulmuş tikilmişdir. Digər mənbələrə görə, bina klassik üslubun elementlərini və Ukrayna barokkosunu özündə birləşdirir[1].
Həyətində yeməkxana, camaşırxana, kimyəvi təmizləmə, mətbəə, Dövlət İşləri İdarəsinin binası və s. vardır.
XXI əsrin əvvəllərində binanın tam əsaslı təmirə ehtiyacı var.
Ekskursiyalar redaktə
Binada hər şənbə günü “Na Bankovoy” ekskursiyaları keçirilir. Ziyarətçilər Prezidentin Ofidsinin ikinci mərtəbəsi, “Ximeralı ev” və “Ağlayan dul qadın” evi ilə tanış olmaq imkanı əldə edirlər[2].
İstinadlar redaktə
- ↑ "Адміністрація Президента України. Там, де народжується історія" (ukrayna). 04-08-2016 tarixində arxivləşdirilib. İstifadə tarixi: 04-06-2016.
- ↑ "Екскурсії на Банковій" (ukrayna). 25-05-2016 tarixində arxivləşdirilib. İstifadə tarixi: 04-06-2016.