Qayola adası

Qayola adası (it. Isola la Gaiola) — İtaliyanın cənub-qərbində — Kampaniya regionunda olan Neapol şəhərinə aid ərazidə — Tirren dənizinin bir hissəsi olan Neapol körfəzində yerləşən kiçik ada. Lənətlənmiş ada kimi tanınır.

Qayola adası
it. Isola la Gaiola
Adanın görünüşü.
Yerləşməsi
40°47′30″ şm. e. 14°11′13″ ş. u.
Ölkə	İtaliya
Region	Kampaniya
Şəhər	Neapol
Akvatoriya	Neapol körfəzi Tirren dənizi
Qayola adası
Vikianbarda əlaqəli mediafayllar

Lənət

Əslində Qayola körpü ilə birləşmiş iki balaca adadan ibarətdir. Adalardan birində böyük villa var. Uzun illərdir ki, adada heç kim yaşamır. Hesab olunur ki, o lənətlənib və bu səbəbdən adada çoxlu ölüm halları baş verib.

1920-ci ildə adanın ilk sahibi olan isveçrəli Hans Braun burada müəmmalı şəkildə ölüb: o, xalçaya bükülmüş şəkildə tapılıb. Bir müddət sonra isə onun həyat yoldaşı naməlum şəraitdə boğulub. Adanın yeni sahibi Otto Qrubnak anidən infakt nəticəsində ölüb. Ondan sonra adanı satın almış Baron Karl Paul Langhaym bir müddət sonra müflis olub. Növbəti sahib Moris Sandoz isə özünə qəsd edib.

Canni Agnelli adanın özündən əvvəlki sahiblərinin başına gəlmiş olaylara baxmayaraq buranı satın alıb. Bu addımı atdıqdan sonra isə qohumları bir-birinin ardınca ölməyə başlayıb. Ardınca isə oğlu qaçırılıb. Oğrular ondan oğlunun azadlığı üçün külli miqdarda pul tələb edib.

Adanın son sahibi Canpaskal Qrappone isə cinayətdə ittiham olunur. Onun öldürdüyü deyilən iki nəfər isə adanın qarşı sahilindəki qonşularıdır.

Adanı almaq istəyən insanlar da ölüm, bədbəxtlik və səfalətlə qarşılaşıb. Buna görə də Qayola adası pis şöhrət qazanıb və heç kəs bu adanı almaq istəməyib.

Bu cür mistik tarixlər çox sayda turistin diqqətini cəlb edib. Buraya gələnlər nəinki ada ətrafında gəzə bilər, hətta sahibsiz villanın içərisinə girə və buraya baxa bilərlər.

Qalereya

• 
• 
• 
• 
• 

Xarici keçidlər

• Vikianbarda Qayola adası ilə əlaqəli mediafayllar var.
• Mistika ilə dolu ada - Lənətlənmiş Qayola — YouTube platformasında  (az.)