Qion Nankay

Qion Nankay (祇園 南海, 1676, Edo^[d] – 26 oktyabr 1751) – Yaponiya şairi, xəttatı və bucinqa rəsm sənətinin pionerlərindən biri. Qion Yu əsl adıdır.

Qion Nankay
yap. 祇園南海
Doğum tarixi	1676
Doğum yeri	Edo[d], Toşima rayonu[d], Musaşi əyaləti[d], Tokaydo[d], Yaponiya
Vəfat tarixi	26 oktyabr 1751(1751-10-26)
Fəaliyyəti	rəssam
Vikianbarda əlaqəli mediafayllar

Yaradıcılığı

Əsərlərindən bir hissə.

Kii hanında (indiki Vakayama prefekturası) yaşayan bir konfusiçi alimin və həkimin ilk oğlu kimi dünyaya gəlmişdir. Uşaq olanda atası ilə birlikdə Edo şəhərinə gedib Kinoşita Cunandan konfusiçiliyi və Çin poeziyasını öyrənmişdir. Tezliklə Çin dilində şeirlər yazan şair və xəttat kimi tanınmışdır. 1697-ci ildə Kiiyə qayıdaraq hanın rəsmi konfusiçi alimi olmuşdur. 1700-cü ildə qeyri-müəyyən cinayətə görə kiçik bir kənddə dustaq edilmişdir. 10 il sonra bağışlanılmış və Koreya diplomatik nümayəndəliyinin qəbulunda iştirak etməyə dəvət edilmişdir. 1713-cü ildə açılmış yeni məktəbin professoru təyin olunmuşdur.

Nankayın spesifik rəsm müəllimi olmamış, öz-özünə təhsil vermişdir. "Rəssamlığın səkkiz albomu" kimi qravür dərsliklərindən yararlanmışdır. Nankayın bucinqa sənətinə marağının hardan qaynaqlandığı dəqiq məlum deyil, lakin atası Zen buddizminin Obaku sektasına keçdiyi üçün çinli Obaku keşişlərinin rəsmləri və xəttatlığı ilə tanış olmuşdur. Onun rəsm əsərlərinin və xəttatlıq işlərinin çoxu məhz bu dövrdən sonrasına aiddir. Onun xəttatlıqdakı modeli Çjao Menfu, rəssamlıqdakı modeli isə Tan İn olmuşdur. Lakin onun rəsmlərindəki üslub Yuan dövrünün üslubunlarından XVII əsr üslublarına qədər müxtəliflik göstərirdi və sabit üslubu yox idi.

Ədəbiyyat

• Kodansha Encyclopedia of Japan. III cild. Tokio: Kodansha. 1983. səh. 34. ISBN 0-87011-623-1. İstifadə tarixi: 7 noyabr 2021.

Xarici keçidlər

• Vikianbarda Qion Nankay ilə əlaqəli mediafayllar var.