Qiuli Alasaniya
Qiuli Qivievna Alasaniya (gürc. გიული გივის ასული ალასანია; 11 noyabr 1946 -cı ildə Tbilisi, Gürcüstan SSR, SSRİ-də anadan olmuşdur) — SSRİ və Gürcüstan tarixçisi və türkoloqudur. Gürcüstanın orta əsr mədəniyyəti üzrə mütəxəssisdir. Tarix elmləri doktorudur. İctimai xadimdir. "Gürcüstan və Azərbaycan Dostluq Evi" ictimai birliyinin sədridir. Q. Alasaniya 2012-ci ildə yaradılan Nizami Gəncəvi Beynəlxalq Mərkəzinin üzvüdür. Gürcüstanın keçmiş prezidenti Mixail Saakaşvilinin anasıdır.
| Qiuli Qivievna Alasaniya | |
|---|---|
| gürc. გიული გივის ასული ალასანია | |
 | |
| Doğum tarixi | 11 noyabr 1946 (78 yaş) |
| Doğum yeri | |
| Milliyyəti | gürcü |
| Uşağı | Mixail Saakaşvili |
| Elm sahəsi | türkoloq |
| Elmi dərəcəsi | tarix elmləri doktoru |
| Elmi adı | professor |
| İş yeri | Beynəlxalq Qara Dəniz Universiteti |
| Təhsili | |
| Tanınır | tarix və tarixşünaslıq |
 Vikianbarda əlaqəli mediafayllar | |
Həyatı
redaktəTbilisidə adi gürcü ailəsində anadan olub. Anası həkim, atası mühəndis idi. Ana tərəfindən hər iki babası 1937-ci ildə repressiyaya məruz qalmışdır. 1969-cu ildə Tbilisi Dövlət Universitetinin Şərqşünaslıq fakültəsini bitirib, Türkiyə tarixini tədqiq etməyə başlamışdır. Fəlsəfə doktoru və elmlər doktoru dissertasiyalarını müdafiə etmişdir (sonuncusu - 1986-cı ildə). 1989-2006-cı illərdə İ.Cavaxişvili adına Tarix və Etnologiya İnstitutunda (Tbilisi) çalışmışdır. Dissertasiya materiallarına əsaslanan "Gürcüstanın tarixi mənbələrinin təsnifatı" adlı kitabı rus dilində nəşr edilmişdir.
1990-cı ildən Tiflis Dövlət Universitetinin professorudur. Gürcüstan və Qafqaz tarixi, gürcü mədəniyyəti tarixi və milli öz müqəddəratını təyinetmə sahəsində 100-dən çox elmi tədqiqat əsərinin və 10-a yaxın monoqrafiyanın müəllifidir.
Professor Q.Alasaniya 2012-ci ildə yaradılan Nizami Gəncəvi Beynəlxalq Mərkəzinin üzvüdür. Alasaniya "Gürcüstan və Azərbaycan Dostluq Evi" ictimai birliyinin sədri olaraq da çalışır.
Eyni zamanda Amerika Geneologiya, Heraldika və Sənədlərin Elmləri Məktəbinin (ABŞ) fəxri üzvü və Türkiyənin Baş naziri Tansu Çillərin təşəbbüsü ilə 1995-ci ildə yaradılan Beynəlxalq Qara Dəniz Universitetinin (Tbilisi) prorektorudur.[1]
Şəxsi həyatı
redaktəHəkim olan Nikoloz (Nikolai) Saakaşvili, Mixailin atası, oğlunun doğulmasından az əvvəl və ya ondan dərhal sonra ailədən ayrılıb.[2] Qiulinin ikinci evliliyi Beritaşvili adına Fiziologiya İnstitutunun elmi şurasının sədri Zurab Kometiani (1934-2012) ilə olmuşdur.[3][4]
İstinadlar
redaktə- ↑ "В Тбилиси звание почетного доктора Черноморского университета получил вице-премьер Турции". 2018-03-28 tarixində arxivləşdirilib. İstifadə tarixi: 2021-06-25.
- ↑ Шеремет П. Г. Саакашвили. Грузия. Погибшие мечты. Партизан. 2009. 80.
- ↑ "Скончался отчим президента Саакашвили". «Грузия Онлайн». 2012-01-25. 2015-05-18 tarixində arxivləşdirilib. İstifadə tarixi: 2012-01-25.
- ↑ "Гиули Аласания — представитель турецких интересов в Грузии?". 2014-04-07 tarixində arxivləşdirilib. İstifadə tarixi: 2021-06-25.
Ədəbiyyat
redaktə- Alasaniya Qiuli.- The Encyclopedia «Sakartvelo» («Georgia»), vol. I, Tbilisi, 1997, p. 90 (in Georgian).
Xarici keçidlər
redaktə- Интервью с Гиули Аласания (rus.)