Tansu Çillər

Tansu Pənbə Çillər (türk. Tansu Penbe Çiller; 24 may 1946(1946-05-24), İstanbul, İstanbul ili) — Türkiyə siyasətçisi, Türkiyənin və türk dünyasının ilk qadın baş naziri (1993-1996). Müxtəlif dövrlərdə İstanbul millət vəkili olan xanım Çillər, 28 iyun 1996 - 30 iyun 1997-ci illər tarixləri arasında Türkiyə Respublikasının xarici işlər naziri vəzifəsində çalışmışdır.

Tansu Çillər
türk. Tansu Çiller
Türkiyə Respublikasının 30-cu baş naziri 25 iyun 1993 — 6 mart 1996
Prezident	Süleyman Dəmirəl
Sələfi	Süleyman Dəmirəl
Xələfi	Məsud Yılmaz
Şəxsi məlumatlar
Partiya	Doğru Yol Partiyası
Təhsili	Robert Kolleci Nyu Hempfşir Universiteti Konnektikut Universiteti Yel Universiteti
Doğum tarixi	23 oktyabr 1944
Doğum yeri	İstanbul, Türkiyə
Həyat yoldaşı	Özər Çillər
Vikianbarda əlaqəli mediafayllar

Həyatı

1944-cü ildə İstanbulda doğulmuşdur.

Robert Kollecini bitirdikdən sonra, təhsilini Konnektikut Universitetində davam etdirmişdir. İqtisadiyyat üzrə ali təhsil aldıqdan sonra, doktorantura təhsilini ABŞ-ın Yel Universitetində alır və 1983-cü ildə professor olur.

1990-cı ildə Doğru Yol Partiyasına qoşulur. 1 il sonra isə İstanbuldan millət vəkili seçilmişdir. Eyni zamanda koalisiya hökumətində iqtisadiyyatdan cavabdeh dövlət naziri işləmişdir.

1993-cü ildə Süleyman Dəmirəl Türkiyə prezidenti seçildikdən sonra DYP-nin növbədənkənar qurultayında böyük səslə partiya sədri və yeni hökumətin başçısı seçilir.25 iyun 1993-cü ildən 6 mart 1996-cı ilə qədər 50, 51 və 52-ci Türkiyə hökumətlərinin başçısı olmuşdur.

İngilis və alman dillərini bilir. Ailəlidir, iki övladı var.