Quş şəlaləsi
Quş (rus. Птичий)[1] — Rusiyanın Saxalin vilayətində, Kunaşir adasında yerləşən şəlalə. Quş şəlaləsi Kusirodan 254,5 km şimal-şərqdə yerləşir. Şəlalə Kuril qoruğunun əsas görməli yerlərindən biri hesab olunur. Şəlalə Quş (Ptiçaya) çayının Oxot dənizinə töküldüyü yerdə formalaşmış. Şəlalə Kunaşir adasının ən böyük və ən enli şəlaləsidir: Hündürlüyü 12 metr, eni isə 20 metr olan şəlalə yağışlı mövsümdə ən enli səviyyəsinə çatır. Şəlalədən yuxarıda bir çox mineral bulaqlar yerləşir. Bulaqların suyu çayın rəngini parlaq mavi rəngdən şəffaf rəngə qədər dəyişir.
| Quş şəlaləsi | |
|---|---|
| rus. Птичий | |
 Quş şəlaləsi (Kuril qoruğu, Kunaşir) | |
| Ümumi məlumatlar | |
| Hündürlüyü | 12 m |
| Eni | 20 m |
| Yerləşməsi | |
| 44°26′25″ şm. e. 146°16′39″ ş. u. | |
| Ölkə |
 Rusiya |
| Region | |
|
|
|
.jpg)
Ümumi məlumat redaktə
Şəlalə və çay öz adını yaz aylarında ərazidə çoxlu quşların toplanmasına görə almış. Quş çayı yetərincə bol suludur (Kunaşir adasında ikinci böyük çay). Gur suyun töküldüyü yer qızılbalıqlararın kürüləmə yeridir.[2] Kürüləmə zamanı balıqlar suda yetərincə çoxalır və quşların əraziyə toplaşmasına səbəb olur. Kunaşir adasında bu ərazi turistlərin sevimli məkanıdır.[3] Şəlaləyə getmək yetərincə çətindir. Cənubi Kurildən əraziyə avtomobillə və ya su vasitəsilə gəlmək mümkündür. Korsakov şəhərindən (Saxalin) şəlaləyə paroxod üzür.
Kuril qoruğu redaktə
Quruq daxilində Kiçik Kuril yasaqlığı yaradılmı. Kuril dövlət təbiət qoruğu nadir heyvanat və bitki növləri ilə diqqəti cəlb edir. Bir çox növlər Qırmızı kitaba düşmüş. Yapon ağcaqayını, Maksimoviç cökəsi və Maksimoviç tozağacı nadir növlərdən hesab olunur. Belə fərqli və zəngin fauna və floraya malik olmasının səbəbi Kamçatka yarımadasının, Saxalin və Hokaydo adalarının təsiridir. Maksimoviç tozağacı əsasən Yaponiya ərazisində üstünlük təşkil edir. Kök sistemi və oduncağı çox mğhkəm olur. Maksimoviç cökəsini dekorativ bitki kimi istifadə edirlər. Yapon inanclarına görə Budda bu ağacın altında peyğımbərliyə yüksəlmiş. Yapon ağcaqayınıda dekorativ bitkidir və çox ləng inkişaf edir. Yaz vaxtı qeyri-adi çiçəkləri ilə maraq doğurur. Kuril qoruğunda məməlilərin 80 növü, quşların 260 növü və balıqların 22 növü məskunlaşıb. Qoruq ərazisində yerləşən Tyatya vulkanı, Stolbçatıy burnu maraqlı təbiət abidələri hesab olunur. Ərazidə altmışa yaxın arxeoloji və etnoqrafik abidələr aşkar olunmuş. Burada xeyli qədim yapon tikililəri və yaşayaş məntəqələri mövcuddur.[4]
Maraqlı faktlar redaktə
Balıqların kürüləmə dövründə şəlalə ətrafına tez-tez ayılar gəlir. Şəlalə Rusiyanın nadir geoloji abidələr sırasına daxildir. Quş şəlaləsi "Rusiya 10" müsabiqəsində iştirak etmiş.[5]
İstinadlar redaktə
- ↑ "Топокарты ГГЦ". 2018-01-30 tarixində orijinalından arxivləşdirilib. İstifadə tarixi: 2017-11-25.
- ↑ "Уникальные геологические объекты России (геологические памятники природы). Сахалинская область. Водопад Птичий". 2020-09-23 tarixində arxivləşdirilib. İstifadə tarixi: 2017-11-26.
- ↑ "Водопад птичий". 2016-03-04 tarixində arxivləşdirilib. İstifadə tarixi: 2017-11-26.
- ↑ "Флора, фауна и лучшие достопримечательности Курильского заповедника". 2018-02-16 tarixində arxivləşdirilib. İstifadə tarixi: 2017-11-26.
- ↑ "Водопад Птичий — Россия 10". 2020-02-01 tarixində arxivləşdirilib. İstifadə tarixi: 2017-11-26.