Ququ quşu yuvasının üzərindən uçarkən (film, 1975)

Ququ quşu yuvasının üzərindən uçarkən
Ququ quşu yuvasının üzərindən uçarkən
	ing. One Flew Over the Cuckoo's Nest
Janr	Komediya-dram
Rejissor	Miloş Forman
Prodüser	Maykl Duqlas ; Saul Zeyns
Əsərin müəllifi	Ken Kizi
Ssenari müəllifi	Lourens Haben ; Bo Qoldman
Baş rollarda	Cek Nikolson ; Luiza Fletçer ; Vilyam Redfild
Operator	Haskell Veksler
Bəstəkar	Cek Nitşe
İstehsalçı	Fantasy Films; Distribüter:; United Artists
İlk baxış tarixi	19 noyabr 1975
Rəng	rəngli[d]
Vaxt	133 dəqiqə
Büdcə	3 milyon $
Gəlir	108 981 275 $
Ölkə	ABŞ
Dil	İngiliscə
IMDb	ID 0073486
	Vikianbarda əlaqəli mediafayllar

Ququ quşu yuvasının üzərindən uçarkən (ing. One Flew Over the Cuckoo's Nest) – Miloş Formanın rejissorluğunu etdiyi 1975-ci il ABŞ istehsalı komediya-dram janrında filmdir. Film Ken Kizinin eyni adlı romanı əsasında çəkilmişdir. Filmin premyerası 19 noyabr 1975-ci ildə Çikaqo Film Festivalında baş tutmuşdur. Baş rolları Cek Nikolson, Luiza Fletçer və Vilyam Redfild ifa edirlər. Bununla yanaşı, Vill Sempson, Sidni Lassik, Denni De Vito, Bred Durif, Kristofer Lloyd kimi önəmli aktyorlar bu filmlə karyeralarına debüt ediblər. Psixiatrik xəstəxanada cərəyan edən hadisələr haqqında bu film demək olar bütünlüklə Oreqon ştatında ruhi xəstələr üçün xəstəxana şöbəsində çəkilmişdir.

"Ququ quşu yuvasının üzərindən uçarkən" ən yaxşı filmlərdən biri hesab edilir. Ekran işi Amerika Film İnstitutunun 100 ən yaxşı filmlər siyahısında 33-cü sıraya daxil edilib. Bununla yanaşı, o, film tarixində 5 əsas Oskar mükafatını (Ən yaxşı film, aktyor, aktrisa, rejissor və ssenari) qazanan ikinci film olmuşdur. Birinci dəfə bu uğuru "Bir gecədə baş verdi" filmi qazandı. 1991-ci ildə bu rekordu "Quzuların səssizliyi" filmi təzələdi. Film 1993-cü ildə ABŞ Konqres Kitabxanası tərəfindən "mədəni, tarixi və estetik olaraq önəmli" filmlər arasına seçilərək ABŞ Milli Film Arxivində mühafizə edilməsinə qərar verilmişdir.