Röya (müğənni)

Müğənni

Röyalə Yaqub qızı Nəcəfova, həmçinin Röya Ayxan və ya sadəcə Röya (14 iyun 1982, Ağdam rayonu və ya Bakı) — Azərbaycan müğənnisi, Azərbaycan Respublikasının xalq artisti (2019).

Röya Ayxan
Röyalə Nəcəfova
Röya Ayxan Qabala konsert 10.08.2013 (9481958557).jpg
Ümumi məlumatlar
Ləqəbi Röya Ayxan
Doğum tarixi 14 iyun 1982(1982-06-14) (40 yaş)
Doğum yeri
Vətəndaşlığı SSRİ SSRİ
Azərbaycan Azərbaycan
Musiqiçi məlumatları
Fəaliyyəti müğənni, musiqiçi, aktrisa, model[d]
Fəaliyyət illəri 1995-ci ildən
Janr pop-musiqi
Albom şirkəti Səbuhi Amd-STS Pridakşn
Təhsili

ADMİU

BDU
Mükafatları "Azərbaycan Respublikasının xalq artisti" fəxri adı — 2019 "Azərbaycan Respublikasının əməkdar artisti" fəxri adı — 2015
Vikianbarın loqosu Vikianbarda əlaqəli mediafayllar

HəyatıRedaktə

Röyalə Yaqub qızı Nəcəfova 14 iyun 1982-ci ildə anadan olmuşdur.[1] Bəzi mənbələrdə Ağdam rayonu onun doğum yeri kimi göstərilir,[2] lakin öz sözlərinə görə, Bakıda anadan olmuşdur.[3] Bakı şəhəri Nəsimi rayonu 5 saylı orta məktəbin məzunu olub. 2004-cü ildə Bakı Dövlət Universitetinin Beynəlxalq hüquq fakültəsinə daxil olub.

İlk dəfə Vaqif Gərayzadənin "W-trio" qrupunda çıxış edib. Qrupdan ayrıldıqdan sonra solo müğənniliyə başlayıb. 2005-ci ildə Heydər Əliyev Sarayında "Bu gecə" adlı ilk solo konserti olub. 2006-cı ildə 3 gün yenidən həmin sarayda "Darıxmışam" adlı solo konsert verib. 2006-cı il sentyabr ayının 15-də "Şəfa" stadionunda və sentyabr ayının 22-də Milli Parkda solo konserti olub. 2005-ci ildə Yalta şəhərində keçirilən Beynəlxalq Gənc İfaçılar müsabiqəsində "Tamaşaçı simpatiyası" nominasiyası üzrə laureat olub. 2006-cı ildə V&V prodüser mərkəzinin keçirdiyi sorğuya əsasən "İlin müğənnisi" və "İlin konserti" nominasiyaları üzrə qalib gəlib.

30 dekabr 2015-ci ildə Azərbaycan Respublikasının əməkdar artisti fəxri adına layiq görülmüşdür.[4] 21 oktyabr 2019-cu ildə Azərbaycan Respublikasının Xalq artisti fəxri adına layiq görülmüşdür.[5]

Şəxsi həyatıRedaktə

2008–2014-cü illərdə Anar Çingiz oğlu Cəlilovla nikahda olmuşdur. Onun bu nikahdan 25 oktyabr 2009-cu ildə oğlu dünyaya gələn Hüseyn adlı oğlu vardır.[6]

MahnılarRedaktə

  1. Söylə (2004)
  2. İlqar (2006)
  3. Bahar (2006)
  4. Deyin Ona (2007)
  5. Albom Kolleksiyası (2007)
  6. Gəl danış (2008)
  7. Aldatma (2008)
  8. Bax (2009)
  9. Sən Mən (2010)
  10. Günlər Var Ki (2011)
  11. Albom Kolleksiyası 2005-2011 (2011)
  12. Gönder (2012)
  13. Gemiciler (2013)
  14. Sənə Ehtiyacım Var (2014)
  15. O Konu (2014)
  16. Yolun Açık Olsun (2016)

FilmoqrafiyaRedaktə

  1. Məhəllə (film, 2003) (diskotekadakı qız)
  2. Yanmış körpülər (film, 2007) (Cavanşirin tanışı)
  3. İstanbul tətili (film, 2007) (Ayan)
  4. Aktrisa (film, 2011) (tammetrajlı bədii film) — mahnı ifa edən

İstinadlarRedaktə

  1. "Müğənni Röya Ayxanın yubileyində nələr oldu ?". 2021-12-05 tarixində arxivləşdirilib. İstifadə tarixi: 2012-11-05.
  2. Zülfiyyə Qurbanova. "Kim harada və nə vaxt doğulub? (SİYAHI)" (az.). Anspress.com. 09 iyul 2013. 2013-08-07 tarixində orijinalından arxivləşdirilib. İstifadə tarixi: 2015-10-24..
  3. "5-ci Element Röya Ayxan 18.02.2016". 2020-12-19 tarixində arxivləşdirilib. İstifadə tarixi: 2016-03-01.
  4. "Azərbaycan Respublikasının mədəniyyət xadimlərinə fəxri adların verilməsi Azərbaycan Respublikası Prezidentinin Sərəncamı" (az.). president.az. 30 dekabr 2015. 2017-09-23 tarixində arxivləşdirilib. İstifadə tarixi: 2015-12-30.
  5. President.Az. "Azərbaycan Respublikasının estrada ifaçılarına "Xalq artisti" fəxri adının verilməsi haqqında Azərbaycan Respublikası Prezidentinin Sərəncamı" (az.). President.az. 21.10.2019. 2021-09-21 tarixində arxivləşdirilib. İstifadə tarixi: 2019-10-21.
  6. "Müğənni Röyanın oğlu və qızı oldu". 2016-03-05 tarixində orijinalından arxivləşdirilib. İstifadə tarixi: 2009-10-26.

MənbəRedaktə