Sevda Yahyayeva

Azərbaycanlı müğənni

Sevda Eldar qızı Yahyayeva (28 dekabr 1985, Konstantinov rayonu[d], Amur vilayəti) — azərbaycanlı estrada müğənnisi.

Sevda Yahyayeva
azərb. Sevda Eldar qızı Yəhyayeva
Ümumi məlumatlar
Doğum tarixi 28 dekabr 1985(1985-12-28) (38 yaş)
Doğum yeri
Milliyyəti Azərbaycan
Musiqiçi məlumatları
Fəaliyyəti müğənni, aktrisa
Fəaliyyət illəri 2002-ci ildən
Səs tembri Mezzo-soprano
Əlaqəsi Elçin Cəfərov (müğənni)
sevdayahyayeva.com

Həyatı redaktə

Sevda Yahyayeva 1985-ci il dekabrın 28-də Rusiyanın Amur vilayətinin Konstantinov rayonunda hərbçi ailəsində anadan olmuşdur. Orta təhsilini Azərbaycanın Abşeron rayonunun Qobu qəsəbəsində yerləşən 2 saylı orta məktəbdə almışdır. Orta təhsil aldığı zaman 1995-ci ildə Qobu 1 saylı musiqi məktəbinin fortepiano bölməsinə daxil olmuşdur. Ali təhsil almaq üçün Azərbaycan Milli Konservatoriyasının solo və xanəndəlik (muğam) fakültəsinə daxil olmuş və hazırda təhsilini davam etdirir.[1]

Şəxsi həyatı redaktə

Müğənni 2020-ci ildə Zakir Bayramov adlı şəxslə ailə həyatı qurmuşdur.

Karyerası redaktə

1998-ci ildə ilk dəfə efirə Azərbaycan Televiziyasında yayımlanan "İstedad sorağı" verilişində çıxmışdır. 2002-ci ildə Lalə qızlar ansamblına daxil olmuş və ilk müəlliməsi Azərbaycan Respublikasının xalq artisti Ceyran Haşımova olmuşdur. 2005-ci ildə Azad Azərbaycan telekanalında yayımlanan "Yeni ulduz" müsabiqəsinə qatılmış və müsabiqəni 3-cü yerdə uğurla başa vurmuşdur. 2007-ci ildə ilk bəstəkar mahnısı - sözləri Leyli və musiqisi Pərviz Mahmudova məxsus olan "O zaman" adlı mahnısıyla gündəmə gəlmişdir. 2008-ci ildə müğənni karyerasının ilk "O zaman" adlı albomu işıq üzü görmüşdür. Bu illər ərzində müğənni albomunda yer alan "O zaman" və "Sənsiz" adlı mahnılarına klip çəkdirmişdir. 2010-cu il yanvarın 22-də Gənc Tamaşaçılar Teatrında Azərbaycan Respublikasının xalq artisti Teymur Göyçayevin bədii rəhbərliyi altında Qara Qarayev adına Azərbaycan Dövlət Kamera Orkestri ilə birlikdə "Eşqimdə tapmışam səadətimi" adlı solo konsertini vermişdir. Azərbaycanı ölkə hüdudlarından kənarda layiqincə təmsil edən müğənni Rusiya Federasiyasının Kislovodsk şəhərində keçirilən "XXI əsrin Kumiri" adlı festivalda Qran Pri-yə layiq görülmüşdür. 2011-ci ildə "Eşqimdə tapmışam səadətimi" adlı solo konsertinin diski (CD/DVD) və ikinci "Dinlə" adlı albomu işıq üzü görmüşdür.

Mükafatları redaktə

Altın Kelebek Ödülleri redaktə

Aygün Kazımova sıx iş qrafiki səbəbi ilə 2018-ci ildə "Altın Kelebek Ödülleri"ndən namizədliyinin geri götürülməsini istəmişdir.[2]

İl Mükafat Nəticə
2018 En İyi Kadın Sanatçısı Namizəd
2019 En İyi Kadın Sanatçısı Namizəd

Qrand Mükafatı redaktə

Siyahıda əksiklik var, tamamlamağa kömək edin.

Mədəniyyət və Turizm Nazirliyinin dəstəyi ilə ‘’V&V Company’’ tərəfindən təşkil olunan ‘’Qrand Mükafatı’’.

İl Namizəd göstərilən iş Mükafat Nəticə
2007 O zaman İlin mahnısı Qazandı
2012 Eşqimdə tapmışam səadətimi İlin konserti Qazandı
2012 Eşqimdə tapmışam səadətimi İlin albomu Qazandı

Diskoqrafiyası redaktə

Albomlar redaktə

  • O zaman (2008)
  • Eşqində tapmışam səadətini (2011)
  • Dinlə (2011)
  • Sevənlərin Ulduzları (2012)

Mahnılar redaktə

  • O zaman (2008)
  • Sənsiz (2009)
  • Ağlama (2010)
  • Tık tık xanım (2011)
  • Tut əlimdən (2011)
  • Gecdir daha (2011)
  • Sən (2012)
  • Dinlə (2013)
  • Unut (2013)
  • Yalan (2014)
  • Yanlış adam (2015)
  • Milli mətbəximiz (2016)
  • Son xəbər (2019)
  • Keçmiş olsun (2019)
  • Sevgi etirafı (2020)

Videoqrafiyası redaktə

Say Klip Tarix
01 O Zaman 2007
02 Sənsiz 2009
03 Aldatmayaq Bir-Birimizi ft. Röya 2010
04 Ağlama 2010
05 Gecdir Daha 2011
06 Tık-Tık Xanım 2011
07 Heç Qayıtma 2011
08 Tut Əlimdən 2011
09 Sən 2012
10 Dinlə 2013
11 Unut 2013
12 Yalan 2014
13 Yanlış Adam 2015
14 Hadi Ordan 2016
15 Milli Mətbəximiz 2016
16 Sən Ola-Ola 2017
17 Ağlarsan 2018
18 Son Xəbər 2019
19 Keçmiş Olsun 2019
20 Sevgi Nəyə Deyirsən Sən? 2020
21 Məhəbbət Olmayanda 2021
22 Gəl Mənə 2021
23 Sevdiyim 2021
24 Tənhalıq Qaranlıq 2022
25 Xəyalpərəst 2023
26 Səni Verənə Şükür 2023

İstinadlar redaktə

  1. "Müğənni - Sevda Yəhyayeva" (az.). artist.az. 2022-03-31 tarixində arxivləşdirilib. İstifadə tarixi: 2022-01-17.
  2. "Sevda Yahyayeva "Altın kelebek"dən imtina edib". 2020-07-25 tarixində arxivləşdirilib. İstifadə tarixi: 2020-07-25.

Xarici keçidlər redaktə