Rüstəm Hüseynov

Hüseynov Rüstəm Kərim oğlu - AzSSR-in Maarif Naziri. Azərbaycanın görkəmli Pedaqoqu, Psixoloqu, Publisisti, Jurnalisti,ictimai elm xadimi. Uzun illər Azərbaycan məktəbi (jurnal) jurnalının baş redaktoru işləmişdir.

Rüstəm Hüseynov
Hüseynov Rüstəm Kərim oğlu
Doğum tarixi	5 may 1910
Doğum yeri	Bakı
Vəfat tarixi	5 may 1998 (88 yaşında)
Vəfat yeri	Bakı
Vətəndaşlığı	Azərbaycan
Elm sahəsi	PedaqogikaJurnalistikaPsixologiya
Elmi dərəcəsi	Akademik
İş yeri	Azərbaycan SSR-i Maarif Nazirliyi
Tanınmış yetirməsi	Ofeliya Abbasova (loqoped)
Tanınır	Azərbaycan Sovet Respublikasının Maarif Naziri, "Azərbaycan məktəbi (jurnal)" jurnalının baş redaktoru, "Maarif" nəşriyyatının baş redaktoru,"Azərbaycan Ensiklopediyasının" baş redaktorunun müavini... və.s
Vikianbarda əlaqəli mediafayllar

Həyatı

Hüseynov Rüstəm Kərim oğlu 5 may 1910-cu ildə anadan olmuşdur. Kiçik yaşlarında atasını itirmiş, uşaq evində böyümüşdür. Onunla birlikdə həmin uşağ evində Azərbaycanın görkəmli filosofu akademik Heydər Hüseynov da böyümüşdür. Heydər Hüseynov o vaxtın totalitar rejiminə və repressiyalara dözməmiş və 1948-ci ildə özünə qəsd etmişdir. Heydər Hüseynovun dəfnində iştirak etmək üçün cox az adam özündə cəsarət tapmışdır. Rüstəm müəllim də həmin cəsrətli admalardan idi. O, dostluğuna sadiq qaldı və bir neçə yaxın dostu ilə birlikdə dəfndə iştirak etdi. 1925-1926-cı illərdə Baki Darülmüəllimində təhsil almışdır. Əziz müəllimləri, xüsusi ilə Hüseyn Cavid haqqında həmişə həsrətlə və həvəslə danışardı. Hüseyn Cavidin bütün tələbələri kimi gənc Rüstəm üçün də Hüseyn Cavid bir ideal insan idi. R.K.Hüseynov 1926-cı ildə ibtidai məktəbdə müəllimlik fəaliyyətinə başlamışdı. 1931-1936-cı illərdə isə respublikada sayılıb seçilən bir institutun - Azərbaycan Pedaqoju İnstitutun fizika-riyaziyyat fakültəsini bitirdikdən sonra orta məktəblərdə riyaziyyat müəllimi işləmişdir.

İctimai fəaliyyəti

1937-ci ildə Maarif Komisarlığında ibtidai məktəb idarəsinin rəis müavini vəzifəsində irəli çəkilmiş, bir qədər sonra isə pedaqoji məktəblər şöbəsinin müdiri təyin olunmuşdur. 1940-cı ildə o artıq Azərbaycan Müəllimlərin Təkmilləşdirmə İnstitutunun direktoru vəzifəsində çalışırdı. 1946-cı ildə ordu sıralarından tərxis edildikdən sonra "Azərbaycan Müəllimi" qəzetinin redaktoru kimi fəaliyyətə başladı. 1951-ci ildə "Azərbaycan məktəbi (jurnal)" jurnalının baş redaktoru təyin olundu və 1963-cü ilə kimi, 12 ildən çox bir müddətdə respublikanın yeganə pedaqoji jurnalına uğurla rəhbərlik etdi. 1963-cü ildə artıq pedaqoji mətbuatın görkəmli nümayindələrindən biri kimi ad-san qazanmış Rüstəm Hüseynov "Maarif" nəşriyyatına direktor təyin olunmuşdur. Ali məktəblər üçün bir çox orijinal dərsliklər, o cümlədən "Pedaqogika" və "Psixologiya" dərslikləri, psixologiya və pedaqogika üzrə sanballı monoqrafiyalar nəşr olunması Rüstəm müəllimin rəhbərlik etdiyi vaxtında olmuşdur. 1966-1977-ci illərdə Rüstəm müəllimin yaxın dostu olan xalq şairi Rəsul Rzanın təkidli xahişi ilə o Azərbaycan Ensiklopediyasının baş redaktorunun müavini vəzifəsində çalışmışdır. Rüstəm müəllim öz həyatını Azərbaycan mətbuatının çiçəklənməsinə həsr etmişdir. Rüstəm müəllim respublikada pedaqoji elmlər namizədi alimlik dərəcəsi almış ilk jurnalistlərdən biri idi. 1981-ci ildə "Tofiq Fikrət" monoqrafiyasını yazmışdır.

Vəfatı

Rüstəm Hüseynovun doğulduğu gündə, əbədiyyata qovuşduğu gündə may ayının 5-nə təsadüf edir. Rüstəm müəllim 5 May 1998-ci ildə 88 yaşında vəfat edir.

• 

  Rüstəm müəllim.

Həmçinin bax

• Pedaqoji elmlər namizədi Ofeliya Abbasova (loqoped)nın əmisidir.

Xarici keçidlər

Təhsil nazirliyinin saytında “Azərbaycan məktəbi” jurnalı haqqında “Azərbaycan məktəbi” jurnalının rəsmi saytı Arxivləşdirilib 2020-09-23 at the Wayback Machine