Rüstəmbəyovlar (Muğan)

Rüstəmbəyovlar — Azərbaycan xalqının tanınmış soylarından biri.

Rüstəmbəyovlar
Titul	Bəy
Əcdadı	Rüstəm bəy
Mənşəyi	Muğan, Salyan
Təbəəliyi	Quba xanlığı, Şirvan xanlığı, Rusiya imperiyası
Torpaqları	Marışlı

Soyun yaranması

Bu soyun ulu babası Rüstəm bəydir. O, Salyan mahalının Marışlı kəndində anasdan olmuşdu. Fətəli xan Qubalıya xidmət etmişdi. Rüstəm bəyin Hüseyn bəy, Rza bəy, Ələkbər bəy adlı oğulları vardı.

Hüseyn bəy 1777-ci ildə Salyan mahalının Marışlı kəndində doğulmuşdu. Molla yanında ibtidai təhsil almışdı. Sonra Ərdəbil şəhərində mədrəsədə oxumuşdu. Savadlı olduğundan dolayı mirzə ünvanı daşıyırdı.

Mirzə Hüseyn bəyin Baba bəy, Əli bəy, Xəlil bəy, Əbdülhüseyn bəy adlı oğlanları vardı.

Soyun məşhur nümayəndələri

• Fətulla bəy Rüstəmbəyov (d. 1867 - ö. 1946) — məşhur Azərbaycan neft sənayesi təşkilatçısı.
• Baxış bəy Rüstəmbəyov (d. 1870 - ö. 1945) — mühəndis, Azərbaycan Demokratik Respublikası parlamentinin üzvü.
• Şahbaz bəy Rüstəmbəyov — dağ-mədən mühəndisi.
• Əsəd bəy Rüstəmbəyov (d. 1911 - ö. 1982) — dağ-mədən mühəndisi.
• Aliyə Rüstəmbəyova (d. 1907 - ö. 1942) — həkim, partizan.
• Tofiq Rüstəmbəyov — Dağ-mədən mühəndisi, SSRİ-nin fəxri neftçisi, RSFSR-in əməkdar neft və qaz sənayesi işçisi.
• Pərviz Rüstəmbəyov (d. 1922 - ö. 1949) — saksafonçu, cazmen.
• Ceyhun Rüstəmbəyli — rəssam.

Qalereya

• Ailə arxivindən
• 
  Fətulla bəy Rüstəmbəyov
• 
  Baxış bəy Rüstəmbəyov
• 
  Şahbaz bəy Rüstəmbəyov, mühəndis
• 
  Əsəd bəy Rüstəmbəyov
• 
  Aliyə Rüstəmbəyova
• 
  Pərviz Rüstəmbəyov
• 
  Şahbaz bəy və Nüşabə xanımın övladları

Mənbə

• Ənvər Çingizoğlu, Rüstəmbəyovlar: Salyanlı, yoxsa Şuşalı?, "Soy" еlmi-kütləvi dərgi, 2010, №6, səh.27-33

Həmçinin bax

• Muğan
• Salyan mahalı