Rəşad Tağıyev

Rəşad Ənvər oğlu TağıyevAzərbaycan dövlət xadimi, Şəmkir Rayon İcra Hakimiyyətinin başçısı.[1]

Rəşad Tağıyev
Rəşad Tağıyev (cropped).jpg
bayraqŞəmkir Rayon İcra Hakimiyyətinin başçısı
14 sentyabr 2021 — h.h.
Sələfi Alimpaşa Məmmədov
Şəxsi məlumatlar
Təhsili
Doğum tarixi 1981
Doğum yeri

Həyat və fəaliyyətiRedaktə

Rəşad Ənvər oğlu Tağıyev 1981-ci ildə anadan olub. Bakı Dövlət Universitetinin Hüquq fakültəsini “Hüquqşünaslıq” ixtisası üzrə bitirib. Taras Şevçenko adına Kiyev Milli Universitetində "Korporativ hüquq" üzrə magistr elmi-ixtisas dərəcəsi alıb. 2003-2007-ci illərdə Azərbaycan Respublikasının İqtisadi İnkişaf Nazirliyində məsləhətçi, aparıcı məsləhətçi, baş məsləhətçi vəzifələrində çalışıb. 2007-2013-cü illərdə “Ata Konsaltinq” MMC-də İdarə heyətinin üzvü-Hüquqi məsələlər üzrə sədr müavini və “Konsaltinq-AZ” MMC-də baş direktorun müavini kimi fəaliyyət göstərib.[2]

2013-2015-ci illərdə Bakı şəhəri üzrə Təhsil İdarəsinin İnsan resursları sektorunun müdiri, 2015-2018-ci illərdə Bakı Şəhəri üzrə Təhsil İdarəsinin müdir müavini vəzifələrində çalışıb. Təhsil nazirinin 28 dekabr 2018-ci il tarixli əmrinə əsasən, Bakı Şəhəri üzrə Təhsil İdarəsinin müdiri vəzifəsinə təyin edilib.[2] Təhsil nazirinin 2020-ci il 11 dekabr tarixli əmri ilə vəzifəsindən azad edilərək Təhsil Nazirliyinin Ümumi təhsilin təşkili və idarəolunması şöbəsinin müdiri vəzifəsinə təyin olunub[3]

Azərbaycan Respublikası Prezidentinin 2021-ci il 14 sentyabr tarixli sərəncamı ilə Şəmkir Rayon İcra Hakimiyyətinin başçısı təyin edilmişdir.[4]

AiləsiRedaktə

Ailəlidir, iki övladı var.

İstinadlarRedaktə

  1. Prezidentin icra başçısı təyin etdiyi Rəşad Tağıyev - Dosye
  2. 1 2 "Rəşad Ənvər oğlu Tağıyev" (az.). baku.edu.gov.az. 2019-02-28 tarixində arxivləşdirilib. İstifadə tarixi: 2019-02-28.
  3. Təhsil Nazirliyində növbəti kadr dəyişikliyi
  4. Şəmkirə yeni icra başçısı təyin edilib