Rafiq Ələkbər
Rafiq Ələkbər — Türk dünyasının Fəxri Ziyalısı, Yazıçı və Prokuror 2017-ci ildə Türkiyədə çap edilən "İrfani aşk" şeirlər kitabına görə Beynəlxalq Qızıl Ulduz medalı ilə təltif edilmişdir.
| Rafiq Ələkbər | |
|---|---|
| Rafiq Ələkbər oğlu Əliyev | |
| Doğum tarixi | |
| Doğum yeri | Yardımlı |
| Vətəndaşlığı | azərbaycanlı |
| Milliyyəti |
 Azərbaycan |
| Təhsili | Bakı Dövlət Universiteti |
| İxtisası | Hüquq |
| Fəaliyyəti | Yazıçı, Prokuror |
| İlk əsəri | “Səndən ayrılanı, səndən küsəni” (1999) |
| Tanınmış əsəri | “İrfani aşk” |
| Üzvlüyü |
Azərbaycan Yazıçılar Birliyi Beynəlxalq Prokurorlar Assosiasiyası |
| Mükafatları | "Qızıl qələm" mükafatı, "Qızıl ulduz" medalı, Atatürk Beynəlxalq Sülh Mükafatı |
Həyatı
redaktəRafiq Əliyev 25 aprel 1964-cü ildə Yardımlı rayonunun Alar kəndində anadan olmuşdur. 1971-ci ildə həmin kənddə orta məktəbdə oxumağa başlamış, 1981-ci ildə orta təhsilini başa vurmuşdur.
1982–1984-cü illərdə keçmiş SSRİ Silahlı Qüvvələrində hərbi xidmətdə olmuşdur. 1986-cı ildə Bakı Dövlət Universitetinin hüquq fakültəsinə daxil olmuş, 1992-ci ildə universiteti fərqlənmə diplomu ilə bitirmişdir. 1993-cü ildə Azərbaycan Respublikasının prokurorluq orqanlarında işə qəbul olunmuş, bu orqanın müxtəlif sahələrində prokuror vəzifəsində çalışmış, ədliyyə müşaviri rütbəsinə qədər yüksəlmişdir.
Fəaliyyəti
redaktəBeynəlxalq Prokurorlar Assosiasiyasının üzvü olmuşdur. Assosiasiyanın təşkil etdiyi elmi kurslarda müvəqqəqiyyətlə iştirak etmiş, fəaliyyəti müsbət qiymətləndirilmişdir.[1]
Elmi fəaliyyəti
redaktəƏdəbi yaradıcılıqla keçən əsrin 80-ci illərində məşğul olmağa başlamışdır. 1999-cu ildə "Səndən ayrılanı, səndən küsəni" adlı ilk şeir kitabı çapdan cıxmışdır.[2]
2017-ci ildə Türkiyədə çap edilən ədəbi əsərləri, o cümlədən "İrfani aşk" şeirlər kitabına görə 2019-cu ildə Türk Dünyası Araşdırmaları Beynəlxalq Elmlər Akademiyası tərəfindən Türk dünyası mədəniyyəti və ədəbiyyatında göstərdiyi xidmətlərə görə həmin Akademiyanın Fəxri Doktoru seçilmiş və Elmlər Akademiyasının Beynəlxalq Qızıl Ulduz medalı ilə təltif edilmişdir.[3] 2021-ci ildə həmin Akademiya tərəfindən Türk dünyasının Fəxri Ziyalısı seçilmiş və Atatürk Beynəlxalq Sülh mükafatı ilə təltif olunmuşdur. 2021-ci ildə çap olunmuş "Savalanla üz-üzə" kitabına görə Türk Dünyası Araşdırmaları Beynəlxalq Elmlər Akademiyası tərəfindən 2022-ci ildə İlin şairi seçilmiş, dünya mədəniyyəti və ədəbiyyatına verdiyi tövhələrə görə Avropa Şərəf Ordeni ilə təltif edilmişdir.[4] 2023-cü ildə tənqidçi-ədəbiyyatşünas Hikmət Məlikzadənin "Rafiq Ələkbər yaradıcılığında ədəbi zərurət" adlı monoqrafiyası çapdan çıxmış, bu monoqrafiyada Rafiq Ələkbərin yaradıcılığı müxtəlif aspektlərdən geniş təhlil olunmuşdur.[5]
Əsərləri
redaktə- 2003-cü ilə "Mən Tanrı yolçusuyam"
- 2005-ci ildə "Ruhum əbədiyyətim"
- 2007-ci ildə "Eşq qəlbin ruhudur"
- 2007-ci ildə "Əsgər ac qalmayacaq"
- 2008-ci ildə "Seçilmiş əsərləri" şeirlər toplusu
- 2011-ci ildə "İlahi nur"
- 2015-ci ildə "İrfan və eşq görüşləri"
- 2017-ci ildə "İrfani aşk "
- 2021-ci ildə "Savalanla üz-üzə"[6]
Mükafatları
redaktə- "Qızıl Qələm" mükafatı
- "Ustad sənətkar" mükafatı
- "Araz" ədəbi mükafatı
- Beynəlxalq Qızıl Ulduz medalı
- Atatürk Beynəlxalq mükafatı
- Avropa Şərəf Ordeni
İstinadlar
redaktə- ↑ "Rafiq Ələkbər-60: Turan yolçusunun duaları" (PDF). 2024-07-15 tarixində arxivləşdirilib (PDF). İstifadə tarixi: 2024-07-15.
- ↑ ""Vətən qələbələr yürüşündədir". 2024-07-15 tarixində arxivləşdirilib. İstifadə tarixi: 2024-07-15.
- ↑ "Rafiq Ələkbər yaradıcılığının təhlili". Xalqqazeti.az (az.). 2024-07-15 tarixində arxivləşdirilib. İstifadə tarixi: 2024-07-15.
- ↑ "Rafiq Ələkbər-60: Turan yolçusunun duaları - Elçin İSGƏNDƏRZADƏ". Edebiyyatqazeti.az. 25 aprel 2024. 2024-07-15 tarixində arxivləşdirilib. İstifadə tarixi: 2024-07-15.
- ↑ "AZƏRBAYCAN YAZIÇILARI". Azərbaycan Dövlət Tərcümə Mərkəzi (az.). 15 iyul 2024. 2024-07-15 tarixində arxivləşdirilib. İstifadə tarixi: 2024-07-15.
- ↑ "Rafiq Ələkbər. Şeirlər". yarpaq.az. 2024-07-15 tarixində arxivləşdirilib. İstifadə tarixi: 2024-07-15.