Rafiq Abbasov (general-mayor)

Azərbaycan Respublikası Daxili İşlər Nazirliyi Baş Kadrlar İdarəsinin rəisi, polis general-mayoru

Rafiq Abbasov (1960, Mahmudoba, Naxçıvan MSSR) — Azərbaycan Respublikası Daxili İşlər Nazirliyi Baş Kadrlar İdarəsinin rəisi, polis general-mayoru.

Rafiq Abbasov
Rafiq Qoşunəli oğlu Abbasov
Rafiq Abbasov.jpg
Doğum tarixi 1960
Doğum yeri
Vətəndaşlığı
Fəaliyyəti DİN Baş Kadrlar İdarəsinin rəisi
Mükafatları "Vətən uğrunda" medalı — 2018 "İgidliyə görə" medalı — 2006 "Azərbaycan Polisinin 90 illiyi (1918-2008)" yubiley medalı "Azərbaycan Polisinin 95 illiyi (1918-2013)" yubiley medalı "Azərbaycan Polisinin 100 illiyi (1918-2018)" yubiley medalı Daxili işlər orqanlarında qüsursuz xidmətə görə I dərəcəli medalı - lent.png Daxili işlər orqanlarında qüsursuz xidmətə görə II dərəcəli medalı - lent.png Daxili işlər orqanlarında qüsursuz xidmətə görə III dərəcəli medalı - lent.png

HəyatıRedaktə

Abbasov Rafiq Qoşunəli oğlu 1960-ci ildə Azərbaycan Respublikasının Şahbuz rayonunun Mahmudoba kəndində anadan olmuşdur. 1988-ci ildə Moskva Ümumittifaq Maliyyə-İqtisad İnstitutunu, 1996-ci ildə Rusiya Federasiyası DİN-in Hüquq İnstitutunu bitirmişdir.

1979-1981-ci illərdə Silahlı Qüvvələrin sıralarında həqiqi hərbi xidmət keçmişdir. 1985-ci ildən daxili işlər orqanlarında xidmət edir, ictimai təhlükəsizlik strukturunda müxtəlif vəzifələrdə işləmişdır.

1996-2001-ci illərdə Sumqayıt ŞPİ-nin rəis müavini, 2001-2002-ci illər ərzində Bakı şəhər Binəqədi RPİ-nin rəis müavini, 2002-2004-cü illərdə Zaqatala RPŞ-nin, 2004-2006-cı illərdə Lənkəran ŞRPŞ-nin rəisi, 2006-2007-ci illərdə DİN-in İnsan Alverinə Qarşı Mübarizə İdarəsinin rəisi, 2007-2014-cü illərdə isə Bakı şəhər Baş Polis İdarəsinin rəisi vəzifələrində calışmışdır.

2014-cü ilin noyabrından Azərbaycan Respublikası Daxili İşlər Nazirliyi Baş Kadrlar İdarəsinin rəisi vəzifəsindədir.

Azərbaycan Respublikası Prezidentinin 30 iyun 2006-cı il tarixli 1545 nömrəli Sərəncamı ilə "İgidliyə görə" medalı ilə təltif olunmuşdur.

Azərbaycan Respublikasının Prezidentinin 28.12.2007-ci il tarixli 2606 nömrəli Sərəncamı ilə polis general-mayoru xüsusi rütbəsi verilmişdir.

Azərbaycan Respublikası Prezidentinin 29 iyun 2018-ci il tarixli Sərəncamı ilə "Vətən uğrunda" medalı ilə təltif olunmuşdur.

Ailəlidir, iki övladı var.

İstinadlarRedaktə