Ralf Nelson Elliott
Ralf Nelson Elliott (ing. Ralph Nelson Elliott; 28 iyul 1871 – 15 yanvar 1948, Nyu-York, ABŞ) — amerikalı maliyyəçi, Elliott dalğa nəzəriyyəsinin yaradıcısı[1].
| Ralf Nelson Elliott | |
|---|---|
| ing. Ralph Nelson Elliott | |
| Doğum tarixi | 28 iyul 1871 |
| Vəfat tarixi | 15 yanvar 1948 (76 yaşında) |
| Vəfat yeri | |
| Fəaliyyəti | iqtisadçı, maliyyəçi, mühasib |
Biqorafiyası
redaktə1880-ci illərin sonlarında Elliott ailəsi Texas ştatının San Antonio şəhərinə köçdü. 1891-ci ildən Meksikada dəmir yolu şirkətlərində müxtəlif vəzifələrdə işləməyə başlayır. 1896-cı ildə onun işi artıq bilavasitə mühasibat uçotu ilə bağlı idi. Dəmir yolu əməliyyatları haqqında əsas bilikləri ona dəmir yolu uçotunu təkmilləşdirməyə imkan verdi və sonrakı 25 il ərzində o, əsasən Meksika və Mərkəzi Amerikada dəmir yolu ilə bağlı müəssisələrdə rəhbər vəzifələrdə çalışdı. Öz tövsiyələri ilə bir neçə iri firmanı maliyyə çətinliyindən xilas edən Elliott yüksək ixtisaslı mütəxəssis kimi şöhrət qazandı[2]. Nəhayət, 1920-ci ilin əvvəlində Nyu Yorka köçdü.
Elliott dalğa nəzəriyyəsinin yaradılması
redaktəElliottun görkəmli karyerasına əsaslanan reputasiyası, həmçinin müsbət rəylər qazanan ilk kitabları onun konsaltinq biznesinin böyüməsinə kömək etdi. Ancaq gələcəyi parlaq görünəndə səhhəti pisləşdi. 1929-cu ilə qədər xəstəlik zərərverici anemiyanın zəiflədən formasına çevrildi və onu yataq xəstəsi qoydu. Aktiv Elliott 58 yaşında təqaüdə çıxmaq məcburiyyətində qaldı.
Xəstəlik tutmaları arasında beynini məşğul etmək üçün ona nəsə lazım idi. Məhz bu zaman o, bütün diqqətini birjanın davranışını öyrənməyə yönəltdi. Bazar qiymət modellərini araşdıran Elliott, 75 illik bazar davranışını əhatə edən müxtəlif fond indekslərinin illik, aylıq, həftəlik, gündəlik, saatlıq və yarım saatlıq qrafiklərini tədqiq etdi. Bununla o, Latın Amerikası ilə bağlı əlyazmasında özünün elan etdiyi missiyanı yerinə yetirdi: "Hər şeyin bir səbəbi var və onu kəşf etməyə çalışmaq hər kəsin borcudur".
1934-cü ilin mayında Elliottun fond bazarının davranışı ilə bağlı müşahidələrinin nəticələri bütün zaman çərçivələrində fond indekslərinin qiymət dəyərlərinin dalğalarının hərəkətini tənzimləyən ümumi prinsiplər toplusunu formalaşdırmağa başladı. Hal-hazırda biz deyə bilərik ki, Elliottun bazarlar üzrə müşahidələri "fraktal"dır, lakin bu termin sonradan xaos nəzəriyyəsindən yaranmışdır, baxmayaraq ki, Elliott özü faktiki olaraq dalğa modellərinin komponentlərini və onların qarşılıqlı əlaqəsini təsvir etməkdə bu nəzəriyyədən xeyli irəlidə idi. Təcrübəli biznes təşkilatçısı bazar davranışını diqqətlə öyrənərək, bazar hərəkətlərinin arxasındakı təşkilatçılıq prinsipini kəşf etdi. Kəşf etdiyi naxışların tətbiqi təcrübəsi qazandıqca və onların ilkin tərtibatını düzəltdikcə onların dəqiqliyi onu heyrətləndirməyə başladı.
İstinadlar
redaktə- ↑ Frost, A.J.; Prechter, Robert R., Jr. Elliott Wave Principle (10th). Gainesville, GA: New Classics Library. 2005. səh. 9. ISBN 9780932750754.
- ↑ Elliott, Ralph Nelson. Prechter, Robert R., Jr. (redaktor). R.N. Elliott's Masterworks. Gainesville, GA: New Classics Library. 1994. 17, 21, 26, 34, 41, 50, 51, 58, 62, 68. ISBN 9780932750761.
Nəşr olunmuş ədəbiyyat
redaktə- Tea Room and Cafeteria Management (1926)
- The Future of Latin America
- The Wave Principle (1938)
- The Financial World articles (1939)
- Nature’s Law — The Secret of the Universe (1946)
Xarici keçidlər
redaktə- http://www.elliottwave.com - финансовый анализ на основе Теории волн Эллиотта (английский)
- Грант Аракелян. Волновой принцип Эллиотта, с. 311–315. В его кн.: Математика и история золотого сечения. — М.: Логос, 2014, 404 с. — ISBN 978-5-98704-663-0.