Abdullayev Ramiz Həbibulla oğlu (d.23 iyun, 1953) – Azərbaycan şairi, dramaturq, "Qızıl qələm" mükafatı laureatı, Azərbaycan Yazıçılar Birliyinin və Azərbaycan Jurnalistlər Birliyinin üzvü.

RAMİZ ABDULLAYEV
Ramiz Abdullayev.jpg
Doğum tarixi 23 iyun 1953 (1953-06-23) (67 yaş)
Doğum yeri Maştağa, Bakı
Fəaliyyəti şair
Mükafatları "Qızıl qələm"

HəyatıRedaktə

Abdullayev Ramiz Həbibulla oğlu 1953-cü il iyunun 23-də Bakı şəhərinin Maştağa qəsəbəsində anadan olub. 1970-ci ildə Bakı Dəmir Yolu Texnikumuna daxil olub. 1972-1974-ci illərdə hərbi xidmətdə olub. 1975-ci ildə texnikumu bitirib. Müxtəlif vəzifələrində çalışıb.

1995-1999-ci illərdə "Elm və Təhsil Mərkəzi Təfəkkür" Universitetində təhsil alıb. 1996-ci ildən hal-hazıra qədər Azərbaycan Dövlət Dəmir Yolunun "Daşıma Prosesləri İdarəetmə" Birliyində rəis müavini vəzifəsində çalışır. "Fəxri dəmiryolçu" və "Əməkdar mühəndis" adına layiq görülüb. Bədii yaradıcılığla məşğul olur. Doqquz şeir və dörd musiqili komediya kitabının müəllifidir.

Ramiz Abdullayev "Abdulla Şaiq", "Vətən", "Qızıl qələm", "Qızıl açar", "Qızıl Buta","Qızıl ürək", "Dədə Qorqud" adına "Vətən Ovladı" qızıl medalı mükafatları ilə təlfif olunub, Azərbaycan Yazıçılar Birliyinin və Azərbaycan Jurnalistlər Birliyinin üzvüdür.

2002-ci ildə "Olacağa çarə yoxdur!" adlı iki hissəli musiqili komediyası C.Cabbarlı adına İrəvan Azərbaycan Dövlət Dram Teatrının aktyorları tərəfindən Azərbaycan Milli Akademik Dram Teatrının və Ş.Qurbanov adına musiqili komediya teatrların səhnələrində oynanılmışdır. AzTV tərəfindən əsərə film çəkilmişdir.

2007-ci ildə "Biznesmen" adlı iki hissəli musiqili komediyası C.Cabbarlı adına İrəvan Azərbaycan Dövlət Dram Teatrının aktyorları tərəfindən səhnələşdirilmiş və Ş.Qurbanov adına musiqili komediya teatrının səhnəsində oynanılmış və Spase TV tərəfindən çəkilərək efirdə verilmiş. Lider TV tərəfindən əsərə bədii film çəkilmiş və dəfələrlə efirdə göstərilmişdir.

2008-ci il iyun ayında "Pasport" adlı iki hissəli musiqili komediyası Gənc Tamaşaçılar Teatrının aktyorları tərəfindən Ş. Qurbanov adına Musiqili Komediya Teatrının səhnəsində oynanılmış və Spase TV tərəfindən çəkilərək efirdə verilmiş. Lider TV tərəfindən əsərə bədii film çəkilmiş və dəfələrlə efirdə göstərilmişdir.

Şeirlərinə 250-dən artıq mahnı bəstələnmiş və 120-dən artıq müğəninin ifasında mahnılar xalqımıza təqdim olunmuşdur.

ƏsərləriRedaktə

  • "Necə unudum səni"
  • "Sevgi duyğuları"
  • "Sevgi dolu gecələr"
  • "Olacağa çarə yoxdur"
  • "Vətən torpağı"
  • "Zemlya Otçizna"
  • "Biznesmen"
  • "Bahar yağışı"
  • "Pasport"
  • "Sevgi çiçəyi"
  • "101 kəlam"

"Ana Yurdum Mənim, Azərbaycanım"

"Secilmiş şeirlər"

"99 qardaş"


Haqqında yazılanlarRedaktə

1. “Yeni musiqi albomları «Neyləyim»” – “Şərqin səsi” qəzeti, fevral 2000
2. “Bütöv Azərbaycan mövzumdur mənim” – “Kür-Xəzər” qəzeti, yanvar 2001, müəllif: Böyükağa Mikayıllı
3.“Bir qəlbdə iki amal” (müsahubə) – “Ulu körpü” qəzeti, 01 noyabr 2005, müəllif: Musa Nəbioğlu
4.“Vətən torpağına sevgidən doğan şeirlər” – “Ulu körpü” qəzeti, 13 iyun 2005, müəllif: Musa Nəbioğlu
5.“Ramiz Abdullayevin poetik dünyası” – “Təhsil” qəzeti, 18 avqust 2006, müəllif: Xalq şairi Nəriman Həsənzadə
6. “Ramiz Abdullayevin poetik dünyası” – “Dərbənd” qəzeti, 08 dekabr 2006, müəllif: Xalq şairi Nəriman Həsənzadə
7.“Поэтами не становятся, ими рождаются” – “Брифинг”, 26 апрель 2007 г.
8.“Yeni tamaşa- Biznesmen” – “Təhsil” qəzeti, Sentyabr 2007, müəllif: Müşviq Borçalı, Dilşad Xaqaniqızı
9. “Nəğməkar şairin yeni uğurları” – “Elm və təhsil” qəzeti, 08 dekabr 2007, müəllif: Təranə Cəbiyeva
10. “Ramiz Abdullayev yaradıcılığını əbədi zirvələrə aparan yollar” – “Elm və təhsil” qəzeti, 06 iyun 2007, müəllif: Natiq Qursalı
11. “Nəğməkar şair” – “Şərqin səsi” qəzeti, dekabr 2008
12. “Ramiz Abdullayevin poetik dünyası” – “Naxçıvan” qəzeti, 28 may 2009
13. “Ramiz Abdullayevin poetik dünyası” – “Bizim Lider” qəzeti, 06 mart 2009, müəllif: Xalq şairi Nəriman Həsənzadə, hzırladı: İlham Həsənov
14. “Yeni kitab” – “Bizim fakt” qəzeti, 17/24 aprel 2010, müəllif: Mədət Çobanov, Şakir Əlifoğlu
15. “Bahar yağışında sevgi nəqmələri” – “Şərqin səsi” qəzeti, 1 iyun 2009, müəllif: Şakir Albalıyev
16. “Ramiz Abdullayev yaradıcılığını əbədi zirvələrə aparan yollar” – “Təhsil” qəzeti, Sentyabr 2007, müəllif: Natiq Qursalı
17. “Elin nəğməkar şairi” – “Formula uspexa” jurnalı, 01 yanvar 2009
18. “Ürəyinin işığını saçlarında gəzdirən şair” – “Mədəniyyət” qəzeti, 14 oktyabr 2009
29. “Lirikin həyata satirik baxışı” – “Vışka” qəzeti, 15 dekabr 2009, müəllif: S.Mətləboğlu
20. “Arzum təyyarəçi olmaq idi” (müsahibə) – “Azərbaycan dünyası” jurnalı
21. “Дитя отчизны, любящий ее…” – “Azərbaycan dünyası” jurnalı, автор: Наиля Рагимбейли
22. Ramiz Abdullayev - “XXI əsr Azərbaycan ziyalıları” ensiklopediyası, 2009
23. Ramiz Abdullayev – “XX/XXI əsrin yaradıcı və ziyalı insanları” ensiklopediyası, 2010
24. “70-dən çox müğənni onun yazdığı mahnıları ifa edib” – – “Sara-Səfurə” jurnalı, oktyabr 2010
25. “Darıxmağa vaxtım olmur” (müsahibə) – “Sara-Səfurə” jurnalı, noyabr 2011

Xarici əlaqələrRedaktə