Rasim Musayev

Rasim Musayev (azərb. Musayev Rasim İslam oğlu‎; d. 10 iyun, 1960, Tərtər rayonu, Azərbaycan SSR — ö. 3 sentyabr, 2015, Bakı, Azərbaycan) — Azərbaycan Respublikası Daxili İşlər Nazirliyinin Daxili Təhqiqatlar İdarəsinin rəisi, polis general-mayoru[1].

Rasim Musayev
azərb. Musayev Rasim İslam oğlu
Rasim Musayev.jpg
Doğum tarixi
Doğum yeri Tərtər rayonu, Azərbaycan SSR, SSRİ
Vəfat tarixi (55 yaşında)
Vəfat yeri Bakı, Azərbaycan
Vəfat səbəbi Ürək tutması
Vətəndaşlığı SSRİ SSRİ
Azərbaycan Azərbaycan
Uşaqları İslam, Firuzə, Lalə
Atası İslam
Milliyyəti Azərbaycanlı

HəyatıRedaktə

Rasim Musayev 10 iyun 1960-cı ildə Tərtər rayonununda anadan olub. Əslən Göyçə mahalının Kiçik Məzrə kəndindəndir.

Binəqədi Rayon Polis İdarəsi rəisinin birinci müavini,Binəqədi Rayon Polis İdarəsinin 5-ci polis bölməsinin rəisi, Daxili İşlər Nazirliyi İctimai Təhlükəsizlik İdarəsinin şöbə rəisi, Sabunçu Rayon Polis İdarəsinin 15-ci Polis bölməsinin rəisi, 2005-2007-ci illərdə Cəlilabad Rayon Polis şöbəsinin rəisi, 2007-2013-cü illərdə isə Gəncə Şəhər Polis İdarəsinin (2011-ci ildə Gəncə şəhər Polis İdarəsi Baş Polis İdarəsinə çevrilib) rəisi vəzifələrində çalışıb.

2011-ci ildə Azərbaycan Respublikasının Prezidenti İlham Əliyevin sərəncamı ilə ona polis general-mayoru ali xüsusi rütbəsi verilmişdir.

Rasim Musayev xahişi nəzərə alınaraq 2013-cü il yanvarın 21-də Daxili İşlər nazirinin əmri ilə Gəncə Şəhər Baş Polis İdarəsinin rəisi vəzifəsindən azad edilib[2].

2013-cü ilin fevral ayının 2-də Daxili İşlər Nazirliyinin Daxili Təhqiqatlar İdarəsinin rəisi təyin edilib[3].

3 sentyabr 2015-ci ildə Bakı şəhərində ürəktutmasından vəfat etmişdir.[4] Mehdiabad qəbiristanlığında dəfn edilib.[5]

AiləsiRedaktə

Ailəli idi. İslam, Firuzə və Lalə adlı üç övladı var. İslam Daxili İşlər Orqanlarında xidmət edir.

FəaliyyətiRedaktə

Peşəkar polis işçisi olan Rasim Musayev uzun illər Daxili İşlər Orqanlarında xidmət edib. O, təcrübəli polis əməkdaşı olmaqla yanaşı, öz peşəkarlığı, cinayətkarlığa qarşı mübarizədə prinsipiallığı, həmçinin, polis əməkdaşları arasındakı şəxsi nüfuzuna görə həmişə diqqəti çəkib və yuxarı instansiyalar tərəfindən qiymətləndirilmişdir.

Həmkarları və ictimaiyyət arasında böyük nüfuz saibi olan Rasim Musayev çoxsaylı cinayət törətmiş dəstənin aşkar edlməsi, sui-qəsdlərin, ev oğurluqlarının, qətllərin və digər cinayət hadisələrinin törədilməsində iştirakçı olan şəxslərin yaxalanmasında bir bölmə rəisi kimi xüsusi xidmətləri olmuşdur.[6]

Həmçinin baxRedaktə

İstinadlarRedaktə

  1. İlham Əliyev DİN-in bir qrup əməkdaşını təltif edib
  2. Gəncə şəhər Baş Polis İdarəsinin rəisi işdən çıxarılıb[ölü keçid]
  3. Rasim Musayevə nazirlikdə yüksək vəzifə verildi
  4. General Rasim Musayev qəflətən dünyasını dəyişdi
  5. "Rasim Musayev dəfn olundu - YENİLƏNİB - VİDEO - FOTO". Milli.Az (azərb.). 4 sentyabr 2015. İstifadə tarixi: 11 aprel 2018.
  6. GƏNCƏYƏ YENİ POLİS RƏİSİ TƏYİN EDİLDİ[ölü keçid]