Raynek burqqraflığı
|
Bu məqalə burqqraflıq haqqındadır. Qraflıq üçün Rinek qraflığı səhifəsinə baxın. |
Raynek burqqraflığı (alm. Burggrafschaft Rheineck) — Müqəddəs Roma İmperiyasına daxil olan feodal qurumlardan biri idi. 1794-cü ildə burqqraflıq 165 hektar ərazini əhatə edirdi və 100-ə yaxın əhalisi var idi.
| Burqqraflıq | |||
| Raynek burqqraflığı | |||
|---|---|---|---|
| alm. Burggrafschaft Rheineck | |||
|
|||
|
|
|||
| Ərazisi | 1.65 | ||
 Vikianbarda əlaqəli mediafayllar | |||
Tarixi
redaktəRaynek qalası 11-ci əsrdə Pfals hakimləri tərəfindən tikilmiş Reyn çayın sahilindəki bir təpənin üstündə yerləşən bir qala idi (indiki Bad Brayziq, Reynland-Pfalts). XII əsrdə Salm qrafı Otto fon Salm ilk dəfə özünü Raynek qrafı adlandırmışdı. 1150-ci ildə Otto döyüşdə öldürüləndən sonra qala 1151-ci ildə imperator Barbarossanın əmri ilə dağıdıldı.
Strateji cəhətdən yaxşı yerləşən qala Köln arxiyepiskopu tərəfindən tezliklə yenidən quruldu. Qala, ehtimal ki, 1180-ci ildə Ulmen cəngavərlər ailəsinə verildi və tezliklə bu ailə fon Raynek adını aldı. 1539-cu ildə ailənin nəsli kəsildikdə, qala Varsberq baronlarına keçdi (1576-cı ildən burqqraflıq titulu aldılar), onlar da öz növbəsində qalanı 1654-cü ildə Avstriyanın Zinsendorf qraflarına satdılar.
Reynek burqqrafları Reyxstaq knyazlarının imperiya şurasının Vestfaliya imperator qraflıqlar şurasında yer və səs hüququna malik idi və Kürreyn dairəsinə aid idi. Onlar yalnız kiçik ərazi üzərində olsa da faktiki tam suverenliyə malik olduqlarından, Köln kürfürstünün vassalı kimi Reyxstaqda iştirak etmək məcburiyyətində idilər.
1785-ci ildə Raynek qalası yanğın zamanı yaşayış üçün yararsız hala düşmüşdü.
Fransada
redaktəBirinci Koalisiya Müharibəsi zamanı Reyn çayının bütün sol sahili kimi, 1794-cü ildə Fransız qoşunları tərəfindən işğal edilmiş və 1798-ci ildə ilhaq edilmişdir. Artıq Bazel və Kampo Formio sülh müqavilələrindən sonra Fransa Almaniyanın Reynə qədər bütün torpaqlarını birbaşa ilhaq ediləcəyinə o qədər əmin idi ki, 1798-ci ilin əvvəlində Reynland üçün də Fransız inzibati quruluşunu tətbiq etmişdi. Brayziq ərazisi Raynek burqqraflığı ilə birlikdə Reyn və Mozel departamentindəki Arvayler kantonuna (Bonn rayonu) birləşdirilmişdi.
Nəhayət 1801-ci ildə Lunevil müqaviləsi nəticəsində ərazi Fransaya verildi. 1842-ci ildə vəfat edən Zinsendorf qrafının ailəsi hakimiyyətini itirdiyi üçün sürgün edildi. Fransa tərəfindən fəth edilən ərazilərdəki imperiya mülklərinin malları müsadirə edildi və ən yüksək qiymət təklif edənə satıldı. Bu, 1805-ci ildə tövlələri, şərabı, maşın evi, iki kiçik bağı, 2550 franklıq çəmənliyi, həmçinin 1320 franklıq 9 hektar üzüm bağı olan Raynek qəsri də belə idi. Alıcı uzun müddət qalanın idarəçisi olmuş komandirin oğlu Venzel Şurp idi.
1815-ci ildə Vyana Konqresinin şərtlərinə Prussiya Krallığına keçdi.
Ədəbiyyat
redaktə- Gerhard Köbler: Historisches Lexikon der deutschen Länder. Die deutschen Territorien und reichsunmittelbaren Geschlechter von Mittalter bis zur Gegenwart. 6., vollständig überarbeitete Auflage. C. H. Beck, München 1999, ISBN 3-406-44333-8, S. 503.
- Wilhelm Fabricius: Die Karte von 1789. In: Erläuterungen zum geschichtlichen Atlas der Rheinprovinz. Zweiter Band, 1898 (Nachdruck: Bonn 1965)
- Jakob Rausch: Die Burg Rheineck. In: Heimatjahrbuch Ahrweiler. 1955, S. 82