Respublikaçı Alternativ Partiyası
Respublikaçı Alternativ Partiyası və ya qısaca REAL — Azərbaycan Respublikasında 25 dekabr 2008-ci ildə hərəkat olaraq təsis edilən, 31 avqust 2020-ci ildə dövlət qeydiyyatına alınan siyasi partiya.
Respublikaçı Alternativ Partiyası | |
|---|---|
 | |
| Sədri | İlqar Məmmədov |
| Quruluş tarixi |
|
| Qeydiyyat tarixi | 31 avqust 2020 |
| Baş qərargah | Bakı |
| İdeoloji spektr | sağ |
| Üzv sayı | 4000+ (2018) |
| Şüar | YAPma, REALlaşdır! |
| Rəngləri | Qırmızı-ağ |
| Parlamentdə |
1 / 125 9 fevral 2020 |
| Avropa Parlamentində |
1 / 648 AŞPA |
| Saytı | realplatforma.org |
 Vikianbarda əlaqəli mediafayllar | |
TarixiRedaktə
2009-cu ildə keçirilən referendumda dəyişdirilən konstitusiyaya görə "bir şəxsin iki dəfədən artıq prezident seçiləbilməsi" REAL-ı hərəkətə keçirdi. REAL bunu cümhuriyyət təməllərinə zərər və xəyanət kimi gördü. Facebook üzərində 2009-cu ildə REAL Hərəkatı quruldu.
2013-cü il prezident seçkilərinə qatılmaq istəyən İlqar Məmmədov İsmayıllıda təşkil olunan mitinqlərə qatıldı. İlqar Məmmədov ictimai asayişi pozma səbəbindən 7 il müddətinə həbs edildi.
7 və 8 aprel 2018-ci il tarixlərində 2 mərhələli şəkildə Real Alternativ Hərəkatı 1-ci təsis Qurultayını keçirərək Real Partiyasını yaratmışdır. Partiyanın seçkili orqanlarına səs vermə yolu ilə 40 nəfər Məclis üzvü, İlqar Məmmədov isə səs çoxluğu ilə partiya sədri seçilmişdir.
2018-ci ilin yay fəslində artıq REAL partiyasının sədri İlqar Məmmədov şərti azadlığa buraxıldı.
2019-cu ildə partiyada qurultaya hazırlıq addımları atıldı, məclis və idarə heyəti buraxıldı. Bu və bundan öncəki məsələlərə etiraz olaraq Azər Qasımlı, Xalid Bağırov, Toğrul Vəliyev, Altay Göyüşov, Azər Mehtiyev,Rövşən Ağayev partiyadan istefa etdi.
Mətbuat brifinqi keçirən Azər Qasımlı partiyanı və İlqar Məmmədovu avtoritarizm ilə ittiham etdi.
Partiya 31 avqust 2020-ci ildə dövlət qeydiyyatına alınmışdır.[1] İlqar Məmmədov 4 sentyabr 2020-ci il tarixində Prezident Administrasiyasının Siyasi partiyalarla və qanunvercilik hakimiyyəti ilə əlaqələr şöbəsinin müdiri Ədalət Vəliyev ilə görüş keçirmiş, Vəliyev partiyanın qeydiyyatı münasibəti ilə Azərbaycan Prezidenti İlham Əliyevin təbrikini İlqar Məmmədova çatdırmışdır.[2]
QurultaylarRedaktə
I Təsis QurultayıRedaktə
Birinci dəfə təsis qurultayının keçirilməsinə cəhd 29 oktyabr 2017-ci ildə olub. Bu haqda məlumat 24 yanvar 2014-cü ildən elan olunub. Lakin Bakı şəhəri icra hakimiyyəti REAL-ın qurultay üçün yer ayrılması müraciətinə rədd cavabı verdi.
Təsis qurultayının keçirilməsi üzrə təşəbbüs qrupu yenidən hakimiyyət orqanlarına qurultay keçirilməsi üçün 4, 5, 11, 12, 18, 19, 25 və 26 noyabr və ya dekabr ayının birinci həftə sonunda yer verilməsi ilə bağlı müraciət etmişdir. Lakin icra hakimiyyəti bu müraciətə də rədd cavabı vermişdir.
Bu zaman təşəbbüs qrupu Müsavat Partiyasına 17 dekabr 2017-ci il tarixində öz qərargahlarında yer verilməsi üçün müraciət etmişdir. Müraciətə müsbət cavab verilsə də sonradan Müsavat partiyasının sədri Arif Hacılıya olan təzyiqlərə görə qərargahın itirilmə təhdidi qarşısında REAL Hərəkatına yer ayrılmasından imtina etdi.
2018-ci ilin mart ayında REAL yenidən hökumətə, Bakı Şəhər İcra Hakimiyyətinə və Mədəniyyət Nazirliyinə müraciət etdi. Bu dəfə isə bir aydan çox müraciətə cavab verilmədi.
2018-ci il aprel ayının əvvəlində Respublikaçı Alternativ Hərəkatı özünün yarı-virtual I Təsis Qurultayını keçirəcəyi barədə məlumatı elan edir. Aprelin 2-sindən 6-sına qədər təşəbbüs qrupunun üzvləri Erkin Qədirli, Azər Qasımlı, Natiq Cəfərli, Rəsul Cəfərov və digərləri Facebook sosial şəbəkəsi üzərindən hərəkat üzvlərinin qrupunda canlı yayıma çıxırlar, REAL-ın proqramını və nizamnaməsini qısa şəkildə izah edir, suallara cavab verirlər.
7 aprel 2018-ci ildə elə həmin qrupda onlayn şəkildə açıq səsvermə ilə partiyanın proqramı, nizamnaməsi, seçki komissiyasının üzvləri və partiyanın atributları (himni və loqosu) təsdiq olunur.
8 aprel 2018-ci ildə (artıq) REAL partiyasının baş ofisində gizli səsvermə ilə partiya sədri, Ali Məclis üzvləri və Nəzarət Təftiş Komissiyasının üzvləri seçilir. Respublikaçı Alternativ Partiyasının sədri səs çoxluğu ilə İlqar Məmmədov seçilir.
II Təsis QurultayıRedaktə
Partiyanın I Təsis Qurultayı keçirilsə də, partiya qeydiyyata alınmadı. 2020-ci ildə təməli qoyulan hökumət və siyasi partiyalar arası dialoqda REAL tərəfini İlqar Məmmədov, hökuməti isə Ədalət Vəliyev təmsil etdi.
2020-ci ildə 4 siyasi partiya qeydiyyata alındı və 4 siyasi partiyanın qeydiyyat məlumatlarına dəyişiklik edildi. Bu fürsətdən istifadə etmək istəyən REAL qurultay üçün yenə müraciət etsə də COVİD-19 səbəbi ilə qurultay üçün yer ayrılmadı. Daha sonra hökumətin təmsilçisi Ədalət Vəliyev partiyaların onlayn qurultaylarının keçərli olduğunu elan etdi. Nəticədə REAL II Təsis Qurultayını keçirməyi qərara aldı.
4 avqust 2020-ci ildə Zoom üzərindən 98 qurultay üzvü (108 nəfərdən 10-u iştirak edə bilmədi) ilə keçirilən qurultayda 5 nəfərdən ibarət NTK və 6 nəfərdən ibarət Siyasi Komitə üzvləri seçildi. MNTK üzvləri 3 ay ərzində fəaliyyət göstərəcək, bir sonraki qurultaya qədər bütün qurultay üzvlərinin MNTK-da təmsil olunmağı təmin ediləcək. Sədr seçimi isə Siyasi Komitəyə həvalə olundu.Siyasi Komitənim üzv saylarının arta biləcəyi qeyd olundu.
Həmçinin Qurultayda sədrin səlahiyyətləri azaldıldı, yeni nizamnamə və məramnamə qəbul edildi.
Seçkilərdə İştirakıRedaktə
Prezident seçkiləriRedaktə
Partiya sədri (Hərəkat sədri) İlqar Məmmədov namizədliyini irəli sürsə də, MSK tərəfindən namizədliyi qeydə alınmamışdır. Daha sonra o həbs edilmişdir.
Partiya sədri həbsdə olduğu üçün REAL seçkilərə qatılmadı.
Parlament seçkiləriRedaktə
REAL bu seçkilərə müstəqil namizədlər və REAL-çılardan ibarət REAL Cümhuriyyətçilər İttifaqını təsis edərək qatıldı. Seçkilər üçün 40-dan çox namizəd müraciət etsə də, 31-nin namizədliyi təsdiq olundu. Onlardan 1-i geri çəkildi, 1-i isə imza toplama kompaniyasından problem yaşadı.
Seçkinin saxtalaşdırıldığını söyləyən Partiya Heyəti etiraz etdi. Rəsmi nəticələrə görə 1 nəfər I, 3 nəfər II və 3 nəfər III oldu. Tək mandat qazanan namizəd isə Erkin Qədirli oldu.
Bələdiyyə seçkiləriRedaktə
Partiya olaraq REAL seçkilərə qatılmasa da, fərdi olaraq partiyadan seçkilərə qatılanlar oldu.
RəmzləriRedaktə
LoqoRedaktə
- Loqosu hakimiyyət bölgüsünü simvolizə edən 3 oxu təsvir edir:
Respublika, Rifah və Tərəqqi
- Kvadrat hər şeyin qanunlar, konstitusiya daxilində olduğunu ifadə edir
- Yarımdairə hakimiyyətin keçici olduğunu ifadə edir.
RəhbərlikRedaktə
| Siyasi Komitənin sədri | İlqar Məmmədov | |
| Siyasi Komitə üzvü | Erkin Qədirli | |
| Siyasi Komitə üzvü | Natiq Cəfərli | |
| Siyasi Komitə üzvü | Rəsul Cəfərov | |
| Siyasi Komitə üzvü | Mahmud Mahmudov | |
| Siyasi Komitə üzvü | Zaur Qurbanlı | |
| Siyasi Komitə üzvü | Elçin Əliyev | |
| Siyasi Komitə üzvü | Zöhrab Əliyev | |
| Siyasi Komitə üzvü | Toğrul İsgəndərli |
İstinadlarRedaktə
- ↑ "Respublikaçı Alternativ (ReAl) Partiyası dövlət qeydiyyatına alınıb". Aze Voice (az.). 1 sentyabr 2020. 2020-09-01 tarixində arxivləşdirilib. İstifadə tarixi: 1 sentyabr 2020.
- ↑ "REAL Partiyasının sədri PA-nın şöbə müdiri ilə görüşüb". Aze Voice (az.). 5 sentyabr 2020. 2020-09-05 tarixində arxivləşdirilib. İstifadə tarixi: 5 sentyabr 2020.
Xarici keçidlərRedaktə
- REAL Partiyasının rəsmi veb saytı Arxivləşdirilib 2021-12-19 at the Wayback Machine