Riders on the Storm

"Riders on the Storm" (azərb. "Fırtınadakı atlılar"‎) — "The Doors" qrupunun 1971-ci ildə işıq üzü görən L. A. Woman albomundan musiqi. Musiqi sinql kimi buraxılmışdı və Amerika musiqi siyahılarında 14-cü pilləyə qalxmağa müvəffəq olmuşdur.

Gitarist Robbi Kriqerin sözlərinə görə, musiqi Conni Keşin "(Ghost) Riders in the Sky: A Cowboy Legend" kompozisiyasından təsirlənərək yazılmışdır. Musiqi özündə göy gurultusu və yağış səsi effektlərini də birləşdirir ki, bunun fonunda da Rey Manzarek öz Fender Rhodes elektrogitarasında ifa edərək göy gurultusu və yağış səsini təqlid edir. Kompozisiyaya xüsusi məlahət verən isə Cim Morrison tərəfindən, onun öz ifasının fonunda səsləndirilən pıçıltı ilə deyilən sözlərdir.

Sözləri

Albomun adlandırıldığı digər bir trek olan "L. A. Woman" ilə "Riders on the Storm" adətən avtobioqrafik musiqilər hesab olunur. Riders on the storm (Fırtınadakı atlılar) Riders on the Storm (Fırtınadakı atlılar) Into this house we're born (Doğulduğumuz evlərə çapan) Into this world we're thrown (Atıldığımız dünyaya çapan) Like a dog without a bone (Sümüksüz bir it kimi) An actor out a loan (Qonorarsız aktyor kimi) Riders on the storm (Fırtınadakı atlılar)

İkinci bənddəki "Yolda qatil var" obrazı, böyük ehtimalla Cim Morrisonun "HWY" -dəki rejissorluq işinin təsirindən yaranmışdır, hansı ki, Morrison orada onu maşını ilə aparmağa razı olan sürücünü öldürən avtostopçu rolunu oynamışdır. Bununla belə, başqa bir versiya da mövcuddur ki, həm film, həm də musiqi özünü avto dayanacağın səyyahı kimi qələmə verərək 1950-ci illərdə Kaliforniyada bir ailəni tamamilə qətlə yetirən, silsilə cinayətlər törətmiş Billi Kuka əsasən yazılmışdır.

There's a killer on the road (Yolda qatil var) His brain is squirmin' like a toad (Beyni qurbağa kimi qıvrılır) Take a long holiday (Uzun bir tətil götür) Let your children play (Uşaqlarına icazə ver oynasınlar) If ya give this man a ride (Əgər, bu adama icazə versən sürsün) Sweet family will die (Sevimli ailən öləcək) Killer on the road, yeah (Yolda qatil var, yeah)

Tanış mövzu 3-cü bənddə yenidən peyda olur — Pamelaya sevgi qışqırığı. Girl ya gotta love your man (Ey qız, oğlanını sevməlisən) Girl ya gotta love your man (Ey qız, oğlanını sevməlisən) Take him by the hand (Onun əlindən tut) Make him understand (Onu başa sal) The world on you depends (Dünya səndən asılıdır) Our life will never end (Həyatımız heç vaxt bitməyəcək) Gotta love your man, yeah (Oğlanını sevməlisən)

Səsyazma

Trek 1970-ci ilin dekabrında qrupun səs mühəndisi Bryus Botnikin köməkliyi ilə səsə yazılmışdır. Cim Morrison əvvəlcə öz vokalını səsə yazmış, daha sonra isə xüsusi effekt yaratmaq üçün pıçıltılı sözlərini yazmışdır. Bu musiqi qrup üzvlərinin dördlükdə yazdırdıqları son musiqi olmuşdur.

Trek Cim Morrisonun qrupunun tərkibində son çıxışlarını etdiyi Dallas və Nyu-Orlean konsertləri zamanı tamaşaçılara təqdim olunmuşdur.

Mahnının albomdakı original versiyası 7 dəqiqədən uzun çəkir. Radioda daha yaxşı yayımlanması üçün trekin dörd dəqiqə yarımlıq, qısaldılmış versiyası hazırlanmışdır. Bu versiya sinql şəklində buraxılmışdır. Sinql 1971-ci ildə, Morrisonun ölümünə az bir müddət qalarkən təqdim olunmuşdur və Hot-100 çartına isə 1971-ci il 3 iyul Morrisonun öldüyü gün daxil olmuşdur.

Maraqlı fakt

Rey Manzarek və Robbi Kriqer birlikdə işləmək qərarına gəldikdə qruplarına "Riders on the storm" adını götürmüşlər.

Xarici keçidlər

• The Doors Arxivləşdirilib 2014-06-05 at the Wayback Machine
• Riders on the Storm by The Doors songfacts