Rita Taketsuru
Rita Taketsuru (竹鶴リタ?, 14 dekabr 1896, Kirkintillox – 17 yanvar 1961, Yoiçi[d]) və ya əsl adı ilə Cessi Roberta Kovan – şotlandəsilli yaponiyalı iş qadını. O, "Yaponiya viskisinin anası" hesab olunur.[1]
| Rita Taketsuru | |
|---|---|
.jpg) | |
| Doğum tarixi | 14 dekabr 1896 |
| Doğum yeri | |
| Vəfat tarixi | 17 yanvar 1961 (64 yaşında) |
| Vəfat yeri |
|
| Vəfat səbəbi | Sirroz |
| Fəaliyyəti | biznes ledi |
İlk illəri
redaktəCessi Roberta Kovan 1896-cı ildə Şotlandiyanın Kirkintillox şəhərində həkim ailəsində doğulmuşdur.[2] Onun İzabella və Luci adında iki bacısı, Kambell adlı bir qardaşı olmuşdur.[2] Cessinin nişanlısı Birinci dünya müharibəsi zamanı Dəməşqdə öldürülmüş, atası isə 1918-ci ildə ürək tutmasından ölmüşdür.[2] Buna görə müharibədən sonra ailə maddi problemlər yaşamağa başlamışdır.[2]
Yaponiya
redaktə1918-ci ildə onun ailəsinə qonaq olan və Şotlandiyaya viski sənayesini öyrənmək üçün gəlmiş yapon kimyaçı Masataka Taketsuru ilə tanış olmuşdur.[1] Onlar 8 yanvar 1920-ci ildə Qlazqo şəhərində evlənmişdirlər.[1] Cessi özünə Rita adını götürmüşdür.[1]
Evlilikdən 10 ay sonra onlar Yaponiyaya köçmüş[2] və viski sənayesi ilə məşğul olmağa qərar vermişdirlər.[1] O, ərinə "Nikka Whisky" şirkətini yaratmaqda və 1940-cı ildə Yaponiyada ilk viskisinin hazırlanmasında böyük dəstək göstərmişdir.[1] Yapon dilini öyrənmiş və yapon mədəniyyəti ilə maraqlanmışdır.[1]
Britaniyalı olduğu üçün İkinci dünya müharibəsi illərində Yaponiya hökuməti onu evində axtarış aparmış, evin damında antena olduğu üçün casusluq etməsindən şübhələnmişdirlər.[1] Yaşadığı çətinliklərə baxmayaraq, o, Yaponiyanı tərk etməmiş, müharibədən sonra şirkətin böyüməsinə kömək etmişdir.[1] 1961-ci ildə Hokkaydonun Yoiçi qəsəbəsində qaraciyər sirrozundan ölmüşdür.[1][2]
Xatirəsi
redaktəHokkaydo prefekturasının Yoiçi qəsəbəsində yerləşən Rita yolu onun adını daşıyır.[1] Hər il Rita Taketsuru fan-klubunun üzvləri onun məzarını ziyarət edirlər.[2] 1998-ci ildə ona və ərinə həsr olunmuş muzey tikilmişdir.[2]
2015-ci ildə Yaponiyada yayımlanmış "Massan" serialı onun Masataka Taketsuru ilə olan sevgi həyatından təsirlənərək yaradılmışdır.[1] Serialda Ritaya əsaslanaraq yaradılmış Elli Kameyama personajını Şarlotta Keyt Foks canlandırmışdır.[1]
İstinadlar
redaktə- ↑ 1 2 3 4 5 6 7 8 9 10 11 12 13 "The Scottish mother of Japanese whisky". BBC News (ingiliscə). 11 yanvar 2015. 2022-11-18 tarixində arxivləşdirilib. İstifadə tarixi: 18 noyabr 2022.
- ↑ 1 2 3 4 5 6 7 8 Greenaway, Heather. "Astonishing life of Scots woman who took whisky to Japan". Daily Record (ingiliscə). 13 may 2012. 20 may 2022 tarixində arxivləşdirilib. İstifadə tarixi: 19 noyabr 2022.