Rizə küftə

Lazımlı ərzaqlar

adambaşına

300 qr qoyun əti
1 baş soğan
40 qr ərinmiş yağ
20 qr üzüm sirkəsi
10 qr şəkər
15 qr tomat – püre
25 qr keşniş və şüyüd
habelə tam üçün duz və istiot götürülür.

Hazırlanma qaydası

Qoyun əti soğanla birlikdə ətçəkən maşından keçirilir. Buna istiot və duz vurulub, yaxşı qarışdırılır və 30 dəq soyuq yerdə saxlanılır. Sonra çəkilmiş ətdən xırda küftəciklər hazırlanaraq, yağ içində qızardılır. Doğranmış soğan ayrıca qızardılıb içinə tomat püre qatılır və bulyonda açıldıqdan sonra buna sirkə, yaxud limon duzu, şəkər, istiot, duz vurulub hazır olunca bişirilir. Qızardılmış ət küftəciklərinin üstünə sous tökülüb 5 – 10 dəq ərzində öz buğunda bişirilir. Süfrəyə verilən zaman rizə küftənin üstünə doğranmış göyərti səpilir.

Mənbə

Azərbaycan mətbəxi — Qovurma & Kabab ^{[ölü keçid]}

Həmçinin bax

Küftə